1 Dzɔ̌n 2:4 - To kə Kəzə̀ kə̀ Fughu ko

⁴ Ghùw wəla ù dzɛ̀ enyəa, Ŋ̀ kwo nu wə̄n, mò ù kǔuwn naaŋ yo lwâŋ u Kəzə̀ wò, à lo ghùw wə̀ àgha. Ghùw ù te kwo yo ghəa è səŋò zò.

1 Dzɔ̌n 2:4 Iomraidhean Croise

Dzɔ̌n 8:44

Ghɛ̀ lo ko tǒ tsele wɛʼɛ, tɔɔŋ Satàn, moʼn zɛʼɛ zə e bɔ̄ɔm lǒ ko alefwàʼ fəgha kə̀là tsele wɛʼɛ ləghaa ghè kò. Alenìi nughù wô, ù fə̀ wii tsəgha aghî, tuu màʼnlò èsə̀ŋò, bòʼ səŋò è li e yo zəŋò wə̄n. Abugho ù kaʼ gha zo, ù fi kə̂aa ghəa ghəla a kpe am mùghù e wə̄n, bòʼ àgha a dzəa wə̄n, vʉ̀a ù lǒ ghùw wə̀ àghā.

Taetùs 1:10

Ŋ̀ ghəa ghən kə̂aa bòʼ ndə̀mà tə aghì tə̀ lo nû ghe tuū mâʼn êsəŋò, ghî ghəla ghe kə̂aa kaāŋ zuum tə aghəa to, fɔɔ kaaŋ sùghò tɔ u aghì an làʼsò zəla ghe kəaa ghè zò, a ka dɔ̂m tàŋ ghî ghəla ghe teē tən tsughu ko am bùghoo kə Tə̀dzûu kən enyəa to ghe mô tèlè sùghoo tsughûu tiigh kə ghûw.

Taetùs 1:16

Ghe dzâa wò alo edzughu enyəa ghe ŋge kwo Kəzə̀, ghe yia kuūwn tuū maʼn Zə̀ kò aŋ ghəa a ghee à ghəəŋ gho. Mwam e ghee e dzəa nù, ghe zuuw yo â Zə̀ kò, ghe tsô bùʼ yò sughò aleghə̂əŋ ghəa è dzûŋ è li zo.

1 Dzɔ̌n 1:10

Abugho sɛ̀ dzɛ̂ enyəa sɛ̀ kaām ghəa è biigh è li e ghəəŋ kòʼ tsə̀ghà, a fi dzɛ̂ enyəa Zə̀ kə̀ kaʼnlo àgha, àsùghò enyəa shwaʼ u Kəzə̀ ù kâ sɛ̀ alo təfə̀ŋ dɔ̂ɔm nyə dzə̀.

1 Dzɔ̌n 1:6

À fi lo enyəa abugho sɛ̀ dzɛ̂ enyəa sɛ̀ lo kəfəgha kə mɔ̀ʼ sɛ̀ à ghê Zə̀ kò, sɛ̀ yia a kôom naām mùghù ko alo kələ̄m, a fi kaʼnlo àgha, mùghù sugho yo am fəgha kəla səŋò è deē ghè kò.

1 Dzɔ̌n 1:8

Abugho sɛ̀ dzɛ̂ enyəa sɛ̀ kâ ghə̌əŋ boon dzə̀ ghəa è li zo, sɛ̌ fi loʼsò ghue e sɛ̀, səŋò zəa e buw a zəŋò sɛ̀.

1 Dzɔ̌n 2:3

À lò ko abugho sɛ̀ naāŋ lwâŋ u Kəzə̀ wò sɛ̀ lo alekele enyəa sɛ̀ kwo nû wə̄n.

1 Dzɔ̌n 2:9

Ghùw nsɔ̌ɔŋnchùw wəla ù mòʼo enyəa e lo an tsə̂, kuuwn bàa wàazə̀, nǎam mùghù ko alo kələ̄m.

1 Dzɔ̌n 3:6

Ghùw ù li yo ù ti ghu ko kə mɔ̀ʼ ghèe Kə̀lestò vʉ̀a ù kòom ghəəŋ bo zo. Ghùw wəla ù ghəə̄ŋ ndûuŋ ndûw ko bo zo, ù kwò yo Kə̀lestò, ŋkāa ù kaam bûʼ kòʼ kòʼ sùgho wə̄n.

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.