1 Dzɔ̌n 2:3 - To kə Kəzə̀ kə̀ Fughu ko

³ À lò ko abugho sɛ̀ naāŋ lwâŋ u Kəzə̀ wò sɛ̀ lo alekele enyəa sɛ̀ kwo nû wə̄n.

1 Dzɔ̌n 2:3 Iomraidhean Croise

Lûk 6:46

“Ghɛ̀ mugho biso ŋgɔɔ kaŋlo enyəa, ‘Mughùbè, Mughùbè,’ aŋ kwò, mò ghɛ̀ fwaʼà yò fəgha kə̀là Ǹ dzâa â ghɛ̀ a?

Dzɔ̌n 14:15

Yɛso n dzɛ̀ â tsə̀təndə̄ghā tə wə̄n to enyəa, “Abugho ghɛ̀ ləghaa mugho, ghɛ̀ ki alenaaŋ lâŋ kaŋa ko.

Dzɔ̌n 15:10

Abugho ghɛ̀ naāŋ lâŋ kaŋa ko, ghɛ̀ è ke lo ko an ləgha zaŋa, tò aŋghəa Ǹ naāŋ sughò lâŋ kə Bəghà kò yìa Ǹ lô an ləghaa e wə̄n.

Dzɔ̌n 15:14

Ghɛ̀ lo fən ghaŋā abugho ghɛ̀ bɔɔ̄m fwaʼà ndûw fəgha kəla Ǹ dzâa wô â ghɛ̀.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

Hibùlù 5:9

A m bùghò ù bùghò doʼò kɔʼ fəgha kəla ù mò ki alelo ghè kò, Zə̀ kə ŋ ghəə̄ŋ tsughu enyəa ghî ghəla ghe boō fughu a wə̄n e lo alezə tuw kəla kə doʼò tən.

1 Dzɔ̌n 2:13

Ŋ̀ ghəa ghən fɛ tɔɔ wò â ghê tselèwɛ̀, bòʼ ghɛ̀ ŋ kwo nu ghùw wəla ù fə̀ ki lô tsəgha to mbī e tsoō zîi tsughu. Ŋ̀ ghəa ghən tɔɔ wò â ghɛ̀ a waafəghàŋ ghò, bòʼ enyəa ghɛ ŋ ghaʼ ghùw ù bǐigh. Ŋ̀ ghəa ghən fɛ tɔɔ wò â ghɛ̀ a wɛghêtùghu gho bòʼ ghɛ̀ m boo fughu â Tsele u te.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.

1 Dzɔ̌n 3:19

Ghən lo aŋghəa sɛ̀ lo kele a te enyəa sɛ̀ fɛ ti an dzì zə̀ səŋò, sɛ̀ e ke do lo sugho a vʉ̀a Zə̀ kò —

1 Dzɔ̌n 3:6

Ghùw ù li yo ù ti ghu ko kə mɔ̀ʼ ghèe Kə̀lestò vʉ̀a ù kòom ghəəŋ bo zo. Ghùw wəla ù ghəə̄ŋ ndûuŋ ndûw ko bo zo, ù kwò yo Kə̀lestò, ŋkāa ù kaam bûʼ kòʼ kòʼ sùgho wə̄n.

1 Dzɔ̌n 4:13

Aŋ ghəa ghən, sɛ̀ kwo enyəa, sɛ̀ lo nû sɛ̀ à ghê Zə̀ kò, Zə̀ chìa kə ti sɛ̀ à ghèe, bòʼ enyəa Kə m fughu sɛ̀ â Zuʼ tə wə̄n to.

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

1 Dzɔ̌n 5:2

Sɛ̀ lo alekele enyəa sɛ̀ ləghaa nù wɛ a Kə̀zə̀ ghò abugho sɛ̀ ləghaa Zə̀ ko, naaŋ sùghò làŋ kə wə̄n.

1 Dzɔ̌n 5:3

Nu abugho sɛ̀ kûm ləghaa Zə̀ kò, sɛ̀ fi ki alenaaŋ lwâŋ wə̄n wo. Nu lwâŋ u wə̄n u tughu yo â sɛ̀ alenaŋlo.

Edêe Fughu 12:17

Ŋgəm è tə n daŋso pfʉso kɔʼ unʉghà a zəŋò nùghò vʉ̀, nùghù tsùghù alendùw sôʼ wɛ a wə̄n à li ghən an tsam, ghəla ghe naāŋ lâŋ kə Kəzə̀ kò, mʉa fughuu gùw è Yɛso.

Edêe Fughu 14:12

Zən lò ghəa zəla e dê tsughu enyəa ghî a Kəzə̀ à zɔlɔ a ki alekɔlɔ tsughu təfə̂ŋ, tɔ̂ɔŋ ghì ghəla ghe naāŋ lâŋ kə Kəzə̀ kò, gaʼ sùgho fə̀ŋ è ghee a zəŋò Yɛso.

Edêe Fughu 22:14

Dzɔ̂ lò ghî ghəlà ghê sûuw zɔnso tsugh dalà tə ghee to enyəa ghe e ki daʼa ko alekwɛ̀ɛ zə tam kə fəkàʼ aŋ kàʼ fəla fə fughuu mughu zò, ghe e lo sugho aletsə̀ghàa nyə am fu e ughɔŋ zə naʼ e te zò.