1 Dzɔ̌n 2:29 - To kə Kəzə̀ kə̀ Fughu ko

²⁹ Aŋghəa ghɛ̀ kwo enyəa Kə̀lestò lò ghùw ù tsəghatsəgha, e fi lo enyəa ghùw wəla ù ghəəŋ ghəa ghəla a lô tsəghatsəgha à lo wɛ ù Kə̀zə̀.

1 Dzɔ̌n 2:29 Iomraidhean Croise

1 Dzɔ̌n 3:7

Wɛ ghaŋa gho, e kwo ghɛ̀ lô bomlo enyəa ghùw ù lì sèe məŋso ghɛ! Ghùw wəla ù ghəə̄ŋ ghəa ghəla a lô tsəghatsəgha, ù lô ghùw ù tsəghatsəgha, tò aŋghəa Kə̀lestò lò tsəghatsəgha a te.

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

1 Dzɔ̌n 4:7

Fən ghaŋa gho, bùghò nlò to sɛ̀ è ləghaa ghue e sɛ̀ zo, nu à ghə̌əŋ tsughuu Kə̀zə̀ enyəa sɛ̀ è ləghaa ghue è sɛ̀ zò. Ghùw wəla ù ləghaa wàazə̀ kwo nù Zə̀ kò, vʉ̀a ù lò sugho wɛ ù Kəzə̀.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

Dzɛ̂ms 1:18

À mò tsə̄m tsughu Kəzə̀ enyəa sɛ̀ doʼò tsughu wɛ a wə̄n, an shwaʼ u wə̄n ù səŋò wəla sɛ̌ fə̀ zuw, enyəa sɛ̀ doʼò tsughu kətuw am fʉgha u wə̄n u dzə̀m wəla ù mò gbə̂n wo.

1 Dzɔ̌n 5:4

Tɔŋlo enyəa, ghùw nsɔ̌ɔŋnchùw wəla ù lǒ ghèe Zə̀ kò təma zəa nǔ mbī. À lò boo zəla sɛ̀ ki ghè zò e ghəŋlo sɛ̌ yia ghaʼ mbī.

Kə̀fwàʼ 10:35

abugho à tso lô ko ndugho, an nàʼà mə̀n ndzə̀mdzə̀m, ù tsəŋ tsughu wə̄n, ghəəŋ ndùw ghəa ghəla a lô tsəghatsəgha, ù n nì nàŋa wə̄n.

2 Pità 1:4

An dziī zən, Ù n lueso to kə wə̄n kə̀ ne kela ù fə̀ to naŋā, fughù wo sɛ̀ â ghəa à səŋò ghò. Ghea à səŋò a te yia a ghəŋlo ghɛ̀ yia ti nughù sə wo aŋ ghəa à biigh ghəla gwən e ùghùe e leghāa, enyəa to ghɛ̀ mô mùghù mughù è zɔlɔ zo.

1 Pità 1:3

Sɛ̀ ki alefughuu zɔ̀ɔŋ ko â Zə̀ kò, Tselè ù Mughùbè ù sɛ̀, Yɛso Kə̀lestò. Bòʼ ghəa ù kwuso se zo a zəŋò sɛ̀, vʉ̀a ù ghəŋlo enyəa sɛ̀ è mughu mughù è fughu zo, aŋghəa ù fə̀ zôm nughù kɔʼ Yɛso Kə̀lestò alo evʉ. Zə̀ lò e ghee sɛ mughu, chìi tùʼ enyəa sɛ̀ lo kele mùghù è doʼn təla zo.

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Kə̀fwàʼ 22:14

Ù n dzɛ̀ tsùghù enyəa, ‘Zə̀ kə ghê tselè sɛ̀ kə̀ ŋ ghù nî enyəa ghù è kwo fəghà kə ləghaa, ghù koʼ Ghûw Tsəghatsəgha ù wə̄n u te, ghù zuw tsughu sugho shwaʼ u wə̄n wo alo edzughu:

3 Dzɔ̌n 1:11

Fən waŋa ù dzûŋ, kà e koʼo niī ghəa è biigh zo, e kuuwn koʼo niī ko ghəa e dzûŋ zò. Ghùw wəla ù ghəəŋ ghəa à dzûŋ ghò, à lǒ wə̄n ghùw ù Kə̀zə̀. Ghùw wəla ù ghəəŋ ghəa à biigh gho kaam kwo yo Zə̀ kò.

1 Dzɔ̌n 5:18

A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.

1 Dzɔ̌n 3:5

Ghɛ̀ kwo nû enyəa ù fə̀ fɛ am mbī nyə wo alebùghò alenìi nughù bôo tə sɛ̀, mò ù ka fə ghəəŋ boon kòʼ ghəa e li zo.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Pità 1:23

Nu ghe ŋ ghɛ̀ dzə kùenlò an daʼa kə shwaʼ u Kəzə̀ wəla u fughu mughù zo, vʉa u dòʼò tən sugho; tò wɛ a ghûw wəla ù kè kpuūw dzə̂ yo, mò à yo dzə̂ tò wɛ a ghùw nsɔ̌ɔŋnchùw wəla ù lo alekpuūw.

Hibùlù 7:2

Abə̀làhâm n nì kɔʼ fʉgha wən ù dzə̀m ù mò təm zə wo an tsam dzùghùu tsughu alo ukwaʼ eghəm, nì sə̀ wò kəkaʼ kə mɔʼ a te fughu nduw â Mɛ̀chisɛdɛ̀k. Zən e Mɛ̀chisɛdɛ̀k zən mòʼnlo enyəa, “Də̀ŋ kə tsəghatsəgha ko.” Mo e moʼn sùgho enyəa, “Dəŋ kə Salɛ̀m kò.” Tɔ̂ɔŋ “Dəŋ kəla kə nîi wô bughuun zo.”

Kə̀fwàʼ 3:14

Ghɛ̀ m fwə̀n tùe màʼà tsùghu ghùw ù Zɔ̀lɔ, mò ù lò sughò Tsə̄ghātsə̄ghā, kòom dzɛ̀ ndùw enyəa ghe tsʉā zəghàa səā wô ghɛ̀ â ghùw wəla ù wiī ghî ghò.

Dzɔ̌n 7:18

Ghùw wəla ù kə̀aa ghəa a wə̄n a kəghū gho, ù kə̀ŋo ŋkɔʼso aŋ ghùe u wə̄n, wəla ù kuūwn kəŋo kɔʼso mò â ghùw wəla ù tum wo wə̄n lo ghùw wəla ù kə̀aa səŋò zò, nyàaŋ fə dzʉ fə̀ li fə yo aŋ ghəa a wə̄n à ghəəŋ gho.