1 Dzɔ̌n 2:27 - To kə Kəzə̀ kə̀ Fughu ko

²⁷ Kə̀lestò ŋ kuuwn fughu ghɛ â bughuun zo an Zuʼ tə̀ Zɔlɔ to. Tò ghəa Zuʼ tə̀ Zɔlɔ tə te tə lo am fə̀ŋ tɛʼɛ, e kwo ko ghùw ù li lô kôom bugho alezoʼn ghɛ̀ â ghəa è nughù è li zo. Aŋghəa zuʼ tə wə̄n tə̀ zɔlɔ tə dêe ghɛ̀ â ghəa gho a dzə̀m, àsùghò enyəa fəgha kəla u děe â ghɛ̀, kə kûm lo êsəŋò, mò gha e li yo a te. Tò aŋghəa Zuʼ tə̀ Zɔlɔ tə zoʼn ghɛ̀ a te, e ti ko nlò ghuw ko kə mɔ̀ʼ ghɛ a ghê Kə̀lestò.

1 Dzɔ̌n 2:27 Iomraidhean Croise

Matìo 13:11

Ù m bɛ̀lɛ̀ tsughu enyəa, “Bàʼà ghɛ, Zə̀ kə̀ n nàn tə ghəa təla tə lo Fɔ̀e u kəwālā â ghɛ̀ dê fughu wò, kè kuūwn dê â ghee.

Dzɔ̌n 14:16

Ǹ lo gɔ̀ɔŋ ndùw â bə̀ghà ù lo tuū wò ghɛ̀ â ghùw wəla ù lo yôsò ghɛ, wəla ù lo doʼn təla ghɛ̀ à ghee.

Dzɔ̌n 14:17

À lǒ wə̄n Zuʼ təla tə dêe fughu səŋò zò kùu ndùw Kə̀zə̀. Ghî a mbī yo dzə̂ alekpeē nî wə̄n bòʼ ghe yo alekòʼ wə̄n ŋkāa ghe kwo yo wə̄n. Yia a bughò ghɛ, ghɛ̀ kwo nû wə̄n bòʼ ù lǒ ghɛ̀ à ghee, vʉ̀a ù kè lô a zəŋò ghɛ̀.

Dzɔ̌n 14:26

Ghùw wəla ù lo dêe ghɛ â dzì, wəla ù lo yôsò ghɛ tɔɔŋ Zuʼ tə̀ Zɔlɔ təla Bəghà lo tuū wo â ghɛ̀ an zən zaŋā lo zoʼn ghɛ̀ â ghəa gho a dzə̀m, zə̀əŋ wò sùghò ghɛ̀ aŋ ghəa ghən à dzə̀m mùgho mò dzɛ̂ naŋā â ghɛ̀.

Dzɔ̌n 16:13

A laʼà bugho Zuʼ tə̀ Zɔlɔ tə lo bugho, tə lo e deē ghɛ â sə̀ŋò zò kùu ndùw Kə̀zə̀. Zuʼ tə te tə lô ghəa a kə̂a yò an daʼa kə wə̄n, tə lo kuuwn tèlè kə̀a kô fəgha kə̀là tə zuw ghè kò, tə lo e dzaā ziī wo sugho fəgha kəla kə ki alesə̄ â sə ko.

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 6:45

Ghe tɔm naŋa am Mwàʼsò u ghǐisʉghà a Kəzə̀ enyəa, ‘À lô ghee zoʼn Kə̀zə̀ alo aghəa.’ Ghùw wəla ù zuw shwaʼ u Tsele ù te wo, vʉ̀a zoʼ kele sughò ghəa gho aŋ ghùu Tsele ù te bughòo a vʉ̀a mùghò.

1 Kòlentìan 2:12

Shʉghà wəla ghe fughu â sɛ̀ yo dzə̂ u mbī wo, a lò Zuʼ tə Kəzə̀, təla tə ghənlo enyəa sɛ̀ e lo alezuūwkɛlɛ̂ fughu kəla Zə̀ kə̀ fughu à sɛ̀.

1 Kòlentìan 2:13

Ghàʼ ghəa ghə êzəŋ e kə̂aa dzə yò an tɔ u ghûw wə̀ nsɔ̌ɔŋnchùw, ghəa ghəla ghàʼ kə̂aa wo à dèe wò Zuʼ tə zɔlɔ to aleteso dzaā nduw səŋò e ushʉ̀gha e te zo â ghì ghəla Zuʼ tə̀ Zɔlɔ tə te tə lo a zəŋò ghee.

2 Kòlentìan 1:21

À kǔuwn lò Kəzə̀ kə kê ghəŋlo a tɔʼɔ̄ teme tsughu alo kəfəgha kə mɔ̀ʼ sɛ̀ à ghê Kə̀lestò, tsuʼ naŋā kɔʼ sùghò sɛ̀ enyəa sɛ̀ e lo ghî a wə̄n gho.

Efɛsùs 4:21

Ghɛ maā zuw ghəa a wə̄n gho, ghe n zoʼn sughô ghɛ an səŋò zəla e lo kùu ndùw Yɛso.

Kòloshìan 2:6

Ghəa e nyɔ̂ʼ lô enyəa ghɛ̀ m boo fughuu â Kə̀lestò Yɛso, Mughu ù te, e ti ko nlò ghuw ko kə mɔ̀ʼ ghɛ̀ à ghee.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

1 Pità 1:23

Nu ghe ŋ ghɛ̀ dzə kùenlò an daʼa kə shwaʼ u Kəzə̀ wəla u fughu mughù zo, vʉa u dòʼò tən sugho; tò wɛ a ghûw wəla ù kè kpuūw dzə̂ yo, mò à yo dzə̂ tò wɛ a ghùw nsɔ̌ɔŋnchùw wəla ù lo alekpuūw.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

2 Dzɔ̌n 1:2

Ǹ ləghaa ghɛ̀ bòʼ enyəa sɛ̀ kwo nû ghəa à səŋò ghò, səŋò zəa e lo doʼn təla a zəŋò sɛ̀.