Biblia Todo Logo
Bìoball air-loidhne

- Sanasan -




1 Dzɔ̌n 2:24 - To kə Kəzə̀ kə̀ Fughu ko

24 Ghǒom tsughu nlò enyəa, fəgha kəla ghɛ mò zuw alekaʼa nughù wô aŋghəa ghɛ̌ fə̀ boō fughu tsughu â Kə̀lestò, kə doʼò tən a zəŋò ghɛ̀. Abugho kə doʼò tən a zəŋò ghɛ̀, ghɛ lo e ti ghuw ko kə mɔ̀ʼ ghà à ghê Wɛ àsùghò Tsele ù te.

Faic an caibideil Dèan lethbhreac




1 Dzɔ̌n 2:24
27 Iomraidhean Croise  

Ghe fə̀ tɔɔ fəgha kəla sɛ̀ fə̀ zuw aŋ ghùu ghì ghəla ghe fə̀ kôʼ aŋghəa ghəa a te a fə̀ kaʼ tsughu alenì kə̀bəla a te, ghe m bwîi dzàa wò.


“Tɔ̀ʼɔ tsʉ kɔʼ nlò tuūŋ wɛʼɛ wo, ghɛ̀ zuw shwaʼ wə̄n wo; ghe fɛ̄ so e nîi fêe fughuu tsəghàa ndûw Wɛ ù Ghùw aŋ ghùu ghì ghò.”


Yɛso m bɛ̀lɛ̀ ndùw wə̄n enyəa, “Abugho ghùw ləghaa mugho, ù kì alebwiī aŋghəa Ǹ ləghaa a te, bəghà lo e ləghaa sugho wə̄n, ghàʼ kê bughò mughù ghàʼ à ghee.


Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.


Ghùw wəla ù pfʉ nyòm è ùghùe zaŋā, vʉ̀a ù mʉ sughô kâŋ taŋa to lo ghàʼ à wə̄n, yìa Ǹ lo a zəŋò wə̄n.


Ghe m bvʉ â Yɛso enyəa, “Ghù bìso lò ndugho a?” Ù m bɛlɛ̀ ndùw ghee enyəa, “Ǹ lo ghùw wəla M̀ mô bûʼ dzɛ â ghɛ̀ enyəa Ǹ lo ghè wo.


Alekòom buʼù nîi tsughu, ghuūghùe zɛʼɛ̄, ghɛ̀ ghî a Fèlepìan a kwo nû enyəa nəgha zəla a mò ziī tsughu shwaʼ u Kəzə̀ wə̄n, mò Ǹ nughù wò an Masìdonìa, ghàʼ à ndùghù è Kə̀zə̀ è lìī fə̀ zə̂a faa dzə yo, tsə̀ghàsə̌a ko yo ghɛ a fɛ am Felèpîi.


To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.


Bòʼ ghəa ghən a dzə̀m Zə̀ kə lo mo kə ŋ ghəŋlo, zən lò e ghee a ki aletɔ̀ʼɔ̀ gaʼā tsughu kətuw aŋ ghəa ghəlà sɛ̀ zuw kɔʼ, enyəa e kwo ko a lô zəghàan maʼn tsughuu ghəa a te gho, a səā təŋò ndûw aŋ ghəa à nughù ghò.


Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.


Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.


Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.


Fən ghaŋā gho, kən yo dzə̂ lâŋ kə fughu ko Ǹ tɔɔ wo â ghɛ̀; à lò lâŋ kə̀ wii kəla kə ki lô tsəgha dzə — kəla ghɛ̀ ki kwo tsəgha, tɔ̂ɔŋ làŋ kə̀ wii kəla ghɛ̌ fə̀ ki zuw.


Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.


Aŋ ghəa ghən, sɛ̀ kwo enyəa, sɛ̀ lo nû sɛ̀ à ghê Zə̀ kò, Zə̀ chìa kə ti sɛ̀ à ghèe, bòʼ enyəa Kə m fughu sɛ̀ â Zuʼ tə wə̄n to.


Ghùw wəla ù teso dzɛ̂ enyəa Yɛso lǒ Wɛ ù Kə̀zə̀, Zə̀ kə̀ ti ghèe wə̄n, vʉ̀a ù lo sugho ghèe Zə̀ kò.


Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.


Ǹ ləghaa ghɛ̀ bòʼ enyəa sɛ̀ kwo nû ghəa à səŋò ghò, səŋò zəa e lo doʼn təla a zəŋò sɛ̀.


Ghùw wəla ù ndùuw ko â sə ko, mo ù bɔ̌ɔm bwìi ndùw yò an tsʉ̀ è Kə̀lestò, ù fi baʼso tsughu a wə̄n gho a te, ghùw ù te yo dzə alo kəfəgha kɔ mɔ̀ʼ ghèe Zə̀ kò. Ghùw wəla ù mughu am tsʉ̀ e Yɛso Kə̀lestò, ù lò alo kəfəgha kə mɔ̀ʼ ghèe ghê Tsele àsùghò Wɛ.


Mugho fə̀ ŋgee duʼn nû aŋghəa waazə̂ a sɛ̀ à li a fə̀ bughô dzɛ̂ wô â ghàʼ enyəa ghù bɔ̌ɔm kùm mùghò ko an dzì è êsəŋò zəla Zə̀ kə̀ ləghaa, yia Ŋ̀ kûm kwo enyəa ghù mùghò êzə̀.


Ŋ̀ kuʼù bùghòo nù; tɔ̀ʼɔ naŋa tsughu nlò ghəa yìa ghɛ̀ ki ghè ghò, e kwo ghùw lò so e suʼù nughùun namso kɛʼɛ kò.


Mòʼn wò nlò fəgha kəla ghe mò zoʼn tsughu ghɛ̀ a te, àsùghò ghəa ghə̀là ghɛ̀ mò zuw; ghɛ̀ e naaŋ lâŋ kə te ko, ghɛ̀ maʼa bo zo. Abugho ghɛ̀ tàʼkè nughù kɔʼ, Ǹ lo soʼō nyəa wô a zəŋò ghɛ̀ mò ghɛ̀ kwò naŋa yo tò ghûw ù tsɔ̀ŋɔ. Ghɛ̀ lo tsoo kele yo nəgha zəla Ǹ lo soʼō nyəā a te a zəŋò ghɛ̀.


Lean sinn:

Sanasan


Sanasan