1 Dzɔ̌n 2:19 - To kə Kəzə̀ kə̀ Fughu ko

¹⁹ Ghî ghən fə̀ zəghaa tsughu ghaʼ nùghù è nduw, mò à êzə lo mo ghe mo biso ti yo alo kəfəgha kə mɔ̀ʼ ghàʼ à ghee; nu abugho ghe mò ti alo kəfəgha kə mɔ̀ʼ ghàʼ à ghee, to ghe mafə doʼò dòʼò a fɛ ghàʼ à ghee; lò êzə̀, nughù sə e ghee e kûu dèe nù enyəa ghe ti yo ghàʼ à ghee alo kəfəgha kə mɔ̀ʼ.

1 Dzɔ̌n 2:19 Iomraidhean Croise

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Mâk 13:22

Tɔŋlo enyəa ghê Mɛ̀sayà ghə agha, àsùghò ghǐishʉ̀ghà ghə agha a lo vùuŋ nùghùn sə̌a kɔʼɔ nù, ghe e deē wo tsə̌a to à sə̀ghà mò alesèe məŋso ghì ghə̀là Zə̀ kə̀ mò shîaa kɔʼ.

Lûk 8:13

Ghəlā aŋ gɔ̀ŋlò, fɛ lo ghəla abugho ghe zuw tsughu shwāʼ u te wo, ghe n nì ko aŋ ghùe è ghɛɛ̄n zo; wə ŋ kè kuūwn nyəā mə̄lā ghee alo tə fə̀ŋ, tɔŋlo enyəa ghe dzə̂a kwǔu kele kə̄əŋ ndùw kô boo e te zo enyə, à m bùghò nəgha è mɔɔ̄ koʼō e ghee e kpe tsughu, ghê n tìgh zə̀ghà è tsughu.

Dzɔ̌n 15:2

A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

Lumà 9:6

Ŋ̀ ghəa ghən enyəa dzàa wò dzə̀ yo tò a e soō to kə Kəzə̀ kə̀ ka mo kwu dzə̀ ghəa è li zo, tɔŋlo enyəa à yò dzə̂ ghî ghə Ezə̀lɛ̂ a dzə̀m ghe lô ghî a Kəzə̀ ghò.

1 Kòlentìan 11:19

Ghɛ̀ bûʼ kì nû alendzùghùun doʼò alo eghùe to a e lo alekòʼòkɛlɛ̄ wô baabâ ghì ghəla ghe boō fughu â Kə̀lestò.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

2 Timotì 2:19

Bəghàan kəla à kuūwn kuʼ kɔʼ Zə̀ kò, fəgha kə̀ li kə yo alenòʼsò, ghe yia tɔm naŋā a te enyəa, “Zə̀ kə̀ kwo nû ghî ghə̀là ghe lo a wə̄n gho.” Àsùghò enyəa, “Abugho à lò ko ndughoo ù kwo dzə̂ enyəa e lo wɛ ù Mughu ù te, ù ki aletiī zəghàa maʼà ghəa à biigh gho.”

2 Timotì 3:9

Ghe lo tsùuŋ ghə̌əŋ kəəŋ ndùw dzə̀ yò ghəa a ghee a te gho, tɔŋlo enyəa ndə̀mà tə aghì tə̀ lo kòʼò tɔ̌ɔ kɔʼɔ enyəa ghe lo ghî à laʼso gho, tò aŋghəa ghe fə̀ kôʼ tɔ kɔʼ a Dzânɛ̀s ghò ghèe Dzàmbɛlɛ̀s.

Hibùlù 10:39

Sɛ̀ kuuwn yo dzə̂ aŋ kɔ̀n kə ghì ghəla ghe ghɔ̂ɔn wo ebàm, Zə̀ kə n dzùw màʼa ghee. Sɛ̀ lo ghî ghəla ghe gaʼ fə̂ŋ tò a zəŋò Zə̀ kò, mo kə lo bəghasəa nǔ sɛ̀.

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.

Dzûd 1:19

À lò ghî ghən ghe fə̀ ghəŋlo enyəa ghî ghə̀ n ndzughu lo kaaŋ tsəgha lo ntùʼù an dzweŋe ù ghì a Kəzə̀, aghî mo ghe fə̂ŋ tə ghee tə naŋa ko am fʉgha u mbī, mo ghe ki sugho yo Zuʼ tə Kəzə̀ to a zəŋò ghee