1 Dzɔ̌n 2:18 - To kə Kəzə̀ kə̀ Fughu ko

¹⁸ Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

1 Dzɔ̌n 2:18 Iomraidhean Croise

Matìo 24:11

Ndə̀mà tə ghǐishʉ̀ghà tə agha tə kê nughù səghàan səa kɔʼ, ghe sêe məŋsō tsughu ndə̀mà tə aghì.

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 24:5

Nu ndə̀mà tə aghì tə̀ lo ndùw bùghòo fɛ, ghe e dzaā wo enyəa ghe lo mugho. Chìa e ke dzaā tsughuu enyəa, ‘À lò mugho Kə̀lestò ù te.’ Ghe kê sêe məŋsō tsughu ndə̀mà tə aghì.

Mâk 13:6

Ndə̀m kè ndùw bùghòo fɛ enyəa ghe lo mugho, ghe e dzaā wo enyəa, ‘Ǹ lo wə̄n!’ Ghe sêe məŋsō tsughu ndə̀m è àghì.

Dzɔ̌n 21:5

Yɛso m bvʉ â ghee enyəa, “Fən ghaŋā gho, ghɛ̀ sô yia ki nu tsəgha to a fiā a?” Ghe m bɛ̀lɛ̀ ndùw wə̄n enyəa, “Ɛ̂ŋgaŋ dzə̂”

Lumà 13:11

È li zəa e lô sugho enyəa, ghɛ̀ kwo nû nəgha zəla e lo ghè zò êzə̄ŋ, nəgha zə m kpe êzə̄ŋ â ghɛ̀ alezòo nughu kɔʼ alo təmgbii. Tɔŋlo enyəa nəgha zəla sɛ̀ ki alezə kətuw a te mô êzəŋ e su, tsə̀ghàtàʼà aŋghəa a fə̀ kuʼù boo fughu tsughu a te â Zə̀ kò.

Lumà 13:12

A êzəŋ e lo ko tò â lə̌əmlə̌əm tə utsuʼ to, a tsûuŋ tsùghuu ko enyə, tsuʼ u zuūw nyəa wò nù. To sɛ̀ mô bughū naŋa aleghəəŋ ghəa gho a tsəla kələ̄m, sɛ̀ nîi kɔʼ mughù e zɔlɔ zo tǒ ndzʉ tə tsam sɛ̀ dzəlà kele a zəŋo e ughùe.

Hibùlù 1:2

Yia a bugho êzəŋ an tsùʼu məla ŋ gùŋso tsughu, Zə̀ kə̀ ghəa gho â sɛ̀ kə̂a wò â wɛ̀ ù wə̄n, Wɛ ù wə̄n wəlà ù fə̀ nî kɔʼ enyəa à lô fʉgha wə̀n ù dzə̀m zə̌a wə̄n, mò kə fə̀ mbī bɔm sugho am bàm e wə̄n.

1 Pità 1:20

Zə̀ kə fə̂ mbī kaʼ tsughu alegbə̀n mo kə n wə̄n shîa naŋa kɔʼ dzə̀, a m bùghò nəgha e kpe tsughu, ghe n nì dè sə wò wə̄n an tuw wɛʼɛ.

1 Pità 1:5

Fʉgha u te lo â ghɛ̀ ghəla ghɛ̀ lo mò à ghɛ̀ kwu kele daʼa kə Kəzə̀, bòʼ boo zəla ghɛ̀ ki a zəŋò Kə̀lestò, Ghəa ghən kê lò ko abugho ghe kê fughu ghɛ â mùghù zəla e doʼò tən, ghəa ghə kê lò ko abugho nəgha e te e kê kpe wo (aŋghəa Zə̀ kə fə̀ fôʼ naŋā).

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

2 Pità 2:1

Ghîishùghà ghə agha a lo səa kɔʼɔ nû am bvʉa zɛʼɛ̄, tò aŋghəa ghe fə̀ lo an tì kə̀ wii ko. Ghe lo e niī wo gha à kaʼn gho aŋ ghəa Kəzə̀; ghe lo tuū maʼà sughò Mughu ù te wəla ù mò zue sə tuw u ghee wo, e kê fi lo enyəa ghe ŋ ghue e ghee e boon maʼà.

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.

1 Dzɔ̌n 2:22

Ghùw wə̀ àgha fɛ lò ndughoo a? A mgbàŋ yò ko ghùw wəla ù tuū maʼnlo enyəa Yɛso yò dzə̂ Bəghambī. Ŋgòʼ è ghùw ù te lo ghùwkə̀tuw ù Kə̀lestò, tɔŋlo enyəa, ù bùʼù tǔu maʼn Tsele ù te tò aŋghəa ù tuū màʼn Wɛ ù wə̄n ù nùu u te.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

1 Dzɔ̌n 4:3

Ghùw wəla ù kuuwn tue maʼà ghəa zən zo, ki dzə yo zuʼ təla tə nughù wo an ghùu Zə̀ kò. Zuʼ tə te tə lo təla tə nughù wo aŋ ghùu ghùwkətuw ù Yɛso wəla ghɛ̀ fə̀ zuw enyəa ù bùghò nù. Ù m bùghò; ù e êzəŋ fɛ lò am mbī.

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

Dzûd 1:18

Ghe fə̀ dzɛ â ghɛ̀ enyəa, “A kê bugho an tsuʼu məla ŋ gùŋso tsughu, ghî a li a kê bùghòo nù ghe e tsoʼo ghɛ, aghî mo ghe kəŋo kô aleghəəŋ ghəa ghəla Zə̀ kə̀ ləghaa yo.”