1 Dzɔ̌n 2:17 - To kə Kəzə̀ kə̀ Fughu ko

¹⁷ Mbī àsùghò ghəa a mbī ghəla ghî gaʼ fə̂ŋ tò a te kê tsəghàa mìaan nù, yia kuuwn bugho ghùw wəla ù naaŋ lâŋ kə Kəzə̀ kò, ù ŋ kelê mùghù è doʼn təla zo.

1 Dzɔ̌n 2:17 Iomraidhean Croise

Matìo 21:31

Yɛso m bvʉ tsughu â ghee enyəa, “À mò lo wɛ ù ghɛ̌ wò aŋ ghee a bə̀ghà a, ù mò fwaʼ fəgha kəla tsele mò ləghaa ghè kò a?” Ghe m bɛ̀lɛ̀ tsùghù enyəa, “Ù sûesʉ wə̄n.” Yɛso n dzɛ̀ â ghee enyəa, “Kùmkùm, aŋghəa Ǹ dzâa wô fɛ â ghɛ̀, ghê dzə̀akə̀mwàʼsò lo kɔʼɔ tàʼŋ ghɛ̀ alo kəwālā ghèe ghê kpàlà wò.

Matìo 24:35

Wala kə kê tsə̀ghàa mìan nù, àsùghò ghueekətsə̄ ko, shwaʼ waŋā u kê kǔuwn mìa kòʼ yò.”

Matìo 7:21

Ghî ghəla ghe tsôo ŋgɔɔ̄ zee ko mugho enyəa, ‘Mughùbè, Mughùbè.’ À yò dzə ghee a dzə̀m ghe lo tsəghàa nyəā am fɔ̀e u kəwālā, à kè kǔuwn lò ghî ghəla ghe bwiī an làŋ kə Tsele waŋā wəla ù lò alo kəwālā.

Mâk 3:35

Ghùw wəla ù ghəə̄ŋ dzə̂ ghəa ghəla Zə̀ kə̀ ləghaa, à lǒ wàanùghò ù nùu, ŋkāa wàanùghò ù zən, ŋkāa nughò.”

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 6:58

Kən lò bɛ kəla kə mò sə tsughu wô alo kəwālā, à yò dzə̂ tò kəla ghê tsùghò fə̀ zə ghè kò, ghe mo è kpuwnlo. Ghùw wəla ù kuuwn zə bɛ kən ko, lo mùghùun tə̀la nù.”

Dzɔ̌n 7:17

Abugho ghùw tsə̀m tsughu alefwàʼ fəgha kə̀là Zə̀ kə̀ ləghaa ghè kò, to ù kele enyəa tsʉ̂ e te e nughù wò aŋ ghùu Zə̀ kò, ŋkāa Ŋ̀ kə̂aa wò ghəa a kəghu ghaŋā.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

1 Kòlentìan 7:31

Ghî ghəla ghe ki fwàʼ kò am fʉgha u mbī wo ghe doʼò tsughu tò ghəla ghe ki yo fwàʼ kò a te. Nu mbī zəla a koʼō êzə̄ŋ fɛ tsəghàa mìaa ndùw nù

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 4:3

nu Zə̀ kə̀ ləghaa enyəa ghɛ̀ è mughu mùghùu è zɔlɔ zo, e fi lo enyəa ghɛ̀ zəghaa maʼa nûuŋ zò.

1 Tɛ̀sàlonìan 5:18

E fughuu nlǒ zɔ̀ɔŋ â Zə̀ kò alo tənə̀gha tə dzə̀m, nu à lò ghəa zəla Zə̀ kə̀ ləghaa enyəa sɛ̀ è ghəəŋ ghè zò, êzəŋ wəlà ghɛ̀ à ghê Kə̀lestò Yɛso lò kəfəgha kə mɔ̀ʼ.

Hibùlù 10:36

Ghɛ̀ ki alekɔlɔ tsughu ko tə̀ fə̀ŋ, tò ghɛ̀ e lo aleghəəŋ ghəa ghəla Zə̀ kə ləghaa, ghɛ̀ lo kele kɔʼ fəgha kəla ke fə̀ to naŋā â ghɛ̀.

Dzɛ̂ms 4:14

Ghɛ̀ ŋ kə̂aa èzə̀ mò ghɛ̀ bûʼ kwò naŋa yo tsʉtsʉ. Ghɛ̀ tɔ̂ʼ kwò naŋa ênzə̂n fəgha kəla kə lo səā tsʉtsʉ a? Nu ghɛ̀ lo ko tò kədzən kə nughùun bvʉ̂a tsughuu, kə ŋ kòom ghɛ̌ɛ saŋ tsughu ko mo gha kə kâ sə.

1 Pità 1:5

Fʉgha u te lo â ghɛ̀ ghəla ghɛ̀ lo mò à ghɛ̀ kwu kele daʼa kə Kəzə̀, bòʼ boo zəla ghɛ̀ ki a zəŋò Kə̀lestò, Ghəa ghən kê lò ko abugho ghe kê fughu ghɛ â mùghù zəla e doʼò tən, ghəa ghə kê lò ko abugho nəgha e te e kê kpe wo (aŋghəa Zə̀ kə fə̀ fôʼ naŋā).

1 Pità 4:2

A m bùghò ù ghəŋlo êzə̀, ù n lo alemùghù mùghù è wə̄n e dzə̀m am mbī aŋghəa Zə̀ kə̀ ləghaa, mò à yò dzə̂ aŋghəa gwən e ughùe è ləghaa.