1 Dzɔ̌n 2:16 - To kə Kəzə̀ kə̀ Fughu ko

¹⁶ Am fʉgha wən ù dzə̀m u lô fɛ am mbī — tò ghəa ghəla ghùw ù bǐigh ləghaa, sə à səa gho, ghue è kɔʼso zo, ghəa a te gho a dzə̀m lò ghəa a mbī gho; ghəa è li zo aŋ ghəa ghən yo dzə̂ e Tsele u te zo.

1 Dzɔ̌n 2:16 Iomraidhean Croise

Matìo 4:8

Vʉatsə̄a yi ghə n naām nì nùghù kpèʼe ndùw wə̄n aŋ kwàʼ ù də̀ghàadə̀ghàa ù li wo, dè tsùghù wò wə̄n â nàʼà tə mbī to tə dzə̀m, ghəa tə ghaʼa a te;

Matìo 5:28

M̀ fɛ kuūwn dzàa wò nù â ghɛ̀ enyəa, ghùw wəla ù bùʼ lɛɛ̄n ndûw ko wìzən an sə è kəəŋ zo, ù fi sə nyə̀ŋè dzə̀ nù ghɛ̀ à wìzən ù te am fə̂ŋ è wə̄n.

Lûk 4:5

Vʉatsə̄a yi ghə n nì kɔ̀ʼ ndùw Yɛso an ndɔ̀ŋɔ̀ndɔ̀ŋɔ̀ fə ukwàʼ, a ghee aletsoō kɔʼɔ̄ tēe mò ù n wə̄n â nàʼà tə mbī tən dè ŋgə̀a wò tə dzə̀m,

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

1 Kòlentìan 10:6

Êzə̄ŋ, ghəa ghən fɛ lò alekʉ̀ɛɛn sɛ̀ enyəa to sɛ̀ kâ mò ləghà ndùw dzə ghəa à biigh gho tò aŋghəa ghe fə̀ ghəŋlo.

Gàlashìan 5:17

Ghəa à laan ghəla gwən e ughùe è ləghaa enyəa to ghùw mò ghəŋlo boom dzəəŋ yo ghèe ghəla Zuʼ tə Zɔlɔ tə ləghaa. Ghəlā Zuʼ tə̀ Zɔlɔ tə ləghaa enyəa to ghùw mò ghəŋlo boom dzəəŋ sùghò yò ghèe ghəla gwən e ughùe e ghûw è ləghaa. Ghəa a te gho a bə̀ghà bwìi dzə̀ yò fwən wo. Êzə̀, ghəa a te a ghəəŋ nù ghɛ̀ yo aleghə̂əŋ ghəa à dzûŋ ghə̀là ghɛ̀ mô moʼò aleghəŋlo.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Efɛsùs 2:3

Sɛ̀ a dzə̀m mafə mughù sùghò tǒ ghee, aŋghəa gwən e ughùe e ghûw è ləghaa aŋ ki sugho moʼnlò è biigh zo tǒ ghee. È li lo enyəa ghe mǒ sɛ̀ dzə tò ghî ghəla Zə̀ kə̀ ki aledè nʉ̀ghà u wə̄n u pfʉa wo a zəŋò ghee, tò aŋghəa kə ghəŋlo â ghì ghən a dzə̀m.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Dzɛ̂ms 3:15

Ŋgòʼ è ùtɔ wən yò dzə̂ tɔ wəla u lo alesəā tsughu wô alo kəwālā, à lò tɔ u mbī wo, à kà fùghù wò dzə̀ Zuʼ tə Kəzə̀ tò tɔ u te wo, à lò tɔ wə avʉatsə̄a.

Dzɛ̂ms 4:16

E fɛ kuuwn lò êzəŋ enyəa ghɛ̀ kɔʼso kaŋlo èghue, tsɔ̀ɔ kǎaŋ təfə̀ŋ. Ghɛ̌ fi ghəŋlo è bo abugho ghɛ̀ tsɔ̂ɔ fə̂ŋ tò êzə̀.

1 Pità 1:14

Tò wɛ ghəla ghe zuūw lâŋ kə Kəzə̀ kò; kà nlò kôom mùghù sùgho laaŋ kə emùghù kə̀là ghɛ̀ mò bùʼ mughù tsəghà ghè kò alo kəŋgòmsò, mò ghɛ̀ kwo yo səŋò e Kəzə̀ zò.

1 Pità 2:11

M̀ buʼu kə̀ghu â ghɛ̀ a fən ghaŋā gho, ghɛ̀ tò ghì ghəla ghe bwîin nyə wô nû fɛ am mbī àsùghò ghəla ghe nɔe mughu. Nǐi nùghuu nlò moʼn zɛʼɛ zo am fʉgha wəla gwən e ughùe e ghûw è ləghaa, tɔŋlo enyəa fʉgha u te u tɔɔŋ tsàm a zəŋò ghue zɛʼɛ zo.

2 Pità 2:10

a ka dɔ̂ɔm taŋ ghî ghəla ghe mughù tən ko dzə̀adzə̀ kə emùghù kò, bùʼù tsǒo tuu màʼn sùghò daʼa kə Kəzə̀. Ghîishʉ̀ghà ghə agha a te a sǎa â fə̀ŋ tò, bùʼù tsə̀ŋo yo alekə̀a bonlo àghəa a zəŋò ghì a zɔlɔ ghəla ghe lô alo kəwalā, bùʼù sùuwn sùghò ghee.

2 Pità 2:18

Ghe kɔʼso kaŋlo èghue, kə̀a shwaʼ ù laʼso wo, nìi kɔ̀ʼɔ ghəa ghəla ghe nûuŋ kaŋlo a te, tsʉ̀a bòon ndùw ghì ghəla ghe kuʼù nughù ti sə wo am bvʉa e ghì ghəla ghe mughu dzə̀adzə̀ kə e mùghù kò.