1 Dzɔ̌n 2:15 - To kə Kəzə̀ kə̀ Fughu ko

¹⁵ Kà nlò fə̀ŋ tɛʼɛ tə naŋa am mbī ŋkāa an fʉgha u mbī wo. Abugho ghùw naŋa fəŋ è wə̄n am fʉgha u mbī wo, à fi lo enyəa ù ki yo ləgha zo a zəŋò Tsele u te.

1 Dzɔ̌n 2:15 Iomraidhean Croise

Matìo 4:8

Vʉatsə̄a yi ghə n naām nì nùghù kpèʼe ndùw wə̄n aŋ kwàʼ ù də̀ghàadə̀ghàa ù li wo, dè tsùghù wò wə̄n â nàʼà tə mbī to tə dzə̀m, ghəa tə ghaʼa a te;

Matìo 6:24

Ghùw u mɔ̀ʼ yò aledzeŋe fwaʼā â ghì ghò a bə̀ghà alo e nə̀gha e mɔ̀ʼ. Abugho ù lò alefwàʼ êzə̀, ù sò bàa nù u mɔ̀ʼ, ù è ləghaa ù lì wən. Ŋkāa ù è ŋgee fwaʼā â u mɔ̀ʼ, ù è koʼō lʉghaa ù lì wən. Ghù yò alekɔʼso Zə̀ kò, kɔʼso sughò ùkua.”

Lûk 16:13

Kɔ̂ɔ fə̀ li fə yo dzə̂, fə lo alefwaʼā aŋ ghùu ghê mughùbè a bə̀ghà alo enə̀gha e mɔ̀ʼ; tɔŋlo enyəa to ù sə̀ lə̀ghaa u mɔ̀ʼ, bàa ù lì wən, ŋkāa ù è tumso u mɔ̀ʼ, kòʼò kèe ù lì wən. Ghù yò alekɔʼso Zə̀ kò, kɔʼso sùghò fʉgha u mbī wo.”

Dzɔ̌n 15:19

Abugho ghɛ̀ mò lo ghî a mbī gho, to mbī mô lə̀ghaa ghɛ̀. À sò fɛ lo enyəa mugho mo ghɛ fɛ am mbī shîaa nughu sə wo enyəa ghɛ̀ ka kôom doʼò sùghò tò ghî a mbī gho. Zə lo e ghe ghî a mbī bâa ghɛ.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Gàlashìan 1:10

Ghəa ghə̀là Ŋ̀ kə̂aa enyə, Ŋ̀ kəŋo dzə̀ yò alekelê zən è dzûŋ zò a sə̀a ghì ghò, Ŋ̀ kuuwn kəŋo alekele a sə̀a Zə̀ kò. Abugho M̀ mô dəmà alekelê zən è dzûŋ zò a sə̀a ghì ghò, to M̀ mô yò dzə kɔ̂ɔ fə Kə̀lestò fò.

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

1 Timotì 6:10

Tɔŋlo enyəa sə à səa gho aŋ ghəa kua nîi wò ndə̀mà tə eboo. Ghî ghəla ghe ŋgee ləgha ghə a ukʉa gho ghə n zə̀ghàa màʼà fəgha kəla ghe boō fughu a te, ghe yia faān kaŋlo tǒ ghùw wəla u tsuʼn kaāŋ tsughu ghuw u wə̄n alo fənyə̄.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

1 Dzɔ̌n 3:17

Abugho ghùw ki fʉgha u mbī wo, vʉ̀a ù kòʼò nduw wàazə̀ wəla ù kuuwn laʼā kee, vʉ̀ ù ləghaa yo alefughu wə̄n, ù lô ênzə̂n aledzɛ̀ enyəa e ki nû ləgha e Kəzə̀ zò an fəŋ è wə̄n à?

1 Dzɔ̌n 4:5

Ghe lo ghî a mbī gho, ghe kə̂aa kô ghəa a mbī gho, fəgha kəla ghe kəaa, mbī zə̀a è zuūw nduw â ghee.

1 Dzɔ̌n 5:10

Abugho ghùw boo fughu tsughu â Wɛ u Kəzə̀, à fi lo enyəa ù n nì nàŋa shwaʼ u te wo am fəŋ è wə̄n. Ghùw wəla ù taʼkè boo fughu shwaʼ wən wo, nîi ndùw enyəa Zə̀ kə̀ kaʼnlo àgha bòʼ u kà bǒo dzə̀ fəgha kəla Zə̀ kə̀ teso dzâa wo kùu ndùw Wɛ ù Wə̄n.