1 Dzɔ̌n 2:14 - To kə Kəzə̀ kə̀ Fughu ko

¹⁴ Ǹ tɔɔ wò â ghɛ̀, ghê tsele ghaŋa bòʼ ghɛ̀ ŋ kele ghùw wəla ù fə̀ ki lô tsəgha to mbī e tsoō bughò zîi tsughu. Ǹ tɔɔ wò â ghɛ̀ a ghâŋ fò bòʼ ghɛ̀ ki esə̂ŋ, shwaʼ u Kəzə̀ vʉa u lò sugho am fə̀ŋ tɛʼɛ, àsùghò enyəa ghɛ̀ ŋ ghaʼ ghùw ù bǐigh.

1 Dzɔ̌n 2:14 Iomraidhean Croise

Dzɔ̌n 15:7

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

Dzɔ̌n 5:38

ghɛ̀ yia ki sughò yo shwaʼ u wə̄n wo am fə̀ŋ tɛʼɛ, bòʼ ghɛ̀ boom fughuu ndùw yò â wə̄n wəla ù tum wo.

Dzɔ̌n 8:31

Yɛso n daŋso dzɛ̀ ndùw â Dzûu təla tə mò lo mo tə m boo fughu â wə̄n enyəa, “Abugho ghɛ̀ bɔɔ̄m bwîi nduw dzə an tsʉ̀ zaŋa, ghɛ̌ fi kûum lǒ tsə̀təndə̄ghā taŋā,

Dzɔ̌n 8:37

Ŋ̀ kwo nû enyəa ghɛ̀ lo wɛ a awɛ ghə Abə̀làhâm, ghɛ yia naām kəŋo ko dzì alewī mugho, bòʼ enyəa shwaʼ waŋa u ki yo bəla ko am fə̀ŋ tɛʼɛ.

Efɛsùs 6:10

Gùŋsò kə eghəa kaŋā â ghɛ̀ lo enyəa, ghɛ̀ è tughuu an daʼa kə̀ ghaʼa kə̀ Mughu ù te ko, aŋghəa ghɛ̀ lô fəgha ko kə mɔ̀ʼ ghɛ̀ à ghee.

Fèlepìan 4:13

Ŋ̀ ki nû sə̂ŋ e te zo alefwàʼ aghəa a dzə̀m an daʼa kəla Kə̀lestò fughu â mùghò.

Kòloshìan 1:11

Ghàʼ yia gɔ̂ɔŋ sugho enyəa Zə̀ kə̀ tughuso tsughu ghɛ an daʼa kə wə̄n kəla kə tughu tsə̀ghà dwaʼa wo u dzə̀m, tò ghɛ̀ e lo alekɔlɔ tə̀fə̀ŋ àsùghò aleka ezə alo aghəa a dzə̀m alo eduʼnlo.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

2 Timotì 2:1

Yia a bughò ghù wɛ waŋā, Timotì, e tughuu dzɔ̂ɔ bòʼ dzɔ̀ zəla Kə̀lestò Yɛso dè wo â ghù.

Hibùlù 8:10

Tsə̂ntə̀mbî dzɛ̀ enyəa, ‘Mən lǒ kàa məla Ǹ lo zəā kɔʼɔ ghàʼ à ghê kèndughu kə Ezə̀lɛ̂ kò abugho tsuʼu n te lo tsəghà tsughu. Ǹ lo dzə̀là nǎaŋ ndùw lwàŋ waŋa an tuw kə ghee, Ǹ tɔɔ̄ naŋa ndûw sugho am fə̀ŋ tə ghee, Ǹ lo doʼò tsughu Zə̀ kə ghee, ghe doʼò tsughu ghî ghaŋa.’

1 Dzɔ̌n 1:1

Ghàʼ ghəa ghən fɛ tɔɔ wò â ghɛ̀ kùu ndùw Shwaʼ u Kəzə̀ wəla u fughu mughù zò. Shwaʼ wən u fə̀ lo nû to mbī e tsoō bùghò zîi tsughu. Ghàʼ mafə̄ wə̄n kôʼ, zùw sùghò shwaʼ u wə̄n, bùʼ mɔ̀m ndùw sùghò wə̄n aŋ ghu ghaʼā.

1 Dzɔ̌n 1:10

Abugho sɛ̀ dzɛ̂ enyəa sɛ̀ kaām ghəa è biigh è li e ghəəŋ kòʼ tsə̀ghà, a fi dzɛ̂ enyəa Zə̀ kə̀ kaʼnlo àgha, àsùghò enyəa shwaʼ u Kəzə̀ ù kâ sɛ̀ alo təfə̀ŋ dɔ̂ɔm nyə dzə̀.

1 Dzɔ̌n 2:13

Ŋ̀ ghəa ghən fɛ tɔɔ wò â ghê tselèwɛ̀, bòʼ ghɛ̀ ŋ kwo nu ghùw wəla ù fə̀ ki lô tsəgha to mbī e tsoō zîi tsughu. Ŋ̀ ghəa ghən tɔɔ wò â ghɛ̀ a waafəghàŋ ghò, bòʼ enyəa ghɛ ŋ ghaʼ ghùw ù bǐigh. Ŋ̀ ghəa ghən fɛ tɔɔ wò â ghɛ̀ a wɛghêtùghu gho bòʼ ghɛ̀ m boo fughu â Tsele u te.

2 Dzɔ̌n 1:2

Ǹ ləghaa ghɛ̀ bòʼ enyəa sɛ̀ kwo nû ghəa à səŋò ghò, səŋò zəa e lo doʼn təla a zəŋò sɛ̀.

3 Dzɔ̌n 1:3

Mugho fə̀ ŋgee duʼn nû aŋghəa waazə̂ a sɛ̀ à li a fə̀ bughô dzɛ̂ wô â ghàʼ enyəa ghù bɔ̌ɔm kùm mùghò ko an dzì è êsəŋò zəla Zə̀ kə̀ ləghaa, yia Ŋ̀ kûm kwo enyəa ghù mùghò êzə̀.

Edêe Fughu 2:3

Ŋ̀ kwo nû enyəa ghɛ̀ mafə nyɛʼɛ ŋge fala bòʼ zən zaŋa, ghɛ̀ ŋ kɔlɔ tsùghù sùghò tə̀fə̀ŋ, tsoo būghūu kòʼò yò.

Edêe Fughu 2:7

Ghùw wəla ù ki tuūŋ ko, ù zuw fəgha kəla Zuʼ tə̀ Kəzə tə̀ dzâa wo â dzweŋe u ghì a Kəzə̀ wən wo. Ǹ lo fughuu tsughuu kə̀làŋ, ghî ghəlà ghe ghaʼ tsughu ghəa à biigh gho, ghee e kʉɛɛ zəa tam kə kàʼ fə emùghùu fəla fə lo an sum u Kəzə̀ alo kəwālā.”