1 Dzɔ̌n 2:13 - To kə Kəzə̀ kə̀ Fughu ko

¹³ Ŋ̀ ghəa ghən fɛ tɔɔ wò â ghê tselèwɛ̀, bòʼ ghɛ̀ ŋ kwo nu ghùw wəla ù fə̀ ki lô tsəgha to mbī e tsoō zîi tsughu. Ŋ̀ ghəa ghən tɔɔ wò â ghɛ̀ a waafəghàŋ ghò, bòʼ enyəa ghɛ ŋ ghaʼ ghùw ù bǐigh. Ŋ̀ ghəa ghən fɛ tɔɔ wò â ghɛ̀ a wɛghêtùghu gho bòʼ ghɛ̀ m boo fughu â Tsele u te.

1 Dzɔ̌n 2:13 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Matìo 13:19

Ghî ghəla ghe zuw shwaʼ u fɔ̀e u Kəzə̀ wò, kè zuūwkɛlɛ, ghe fɛ lǒ tò sə ghəla a mò bvʉ̂ tsughu aŋ ghùw kə dziī. Vûŋ kə̀ m bùghò tsǔun nùghù kɔ̀ʼ fəgha kə̀là ghe zən naŋā am fə̀ŋ tə ghee.

Matìo 13:38

sum u te u lo mbī, ŋgòʼ tə̀ dzûŋ tən fɛ lò ghî ghəla ghe lô am fɔ̀e u Kəzə̀; zwiī wən vʉa u lô ghî ghəla ghe lô am fɔe kə Satàn.

Matìo 5:37

Mò ghù bǒo èghəa, ghù mo enyəa, Òo! Ŋkāa mò ghù tùe nû, ghù mo enyəa Ɛ̂ŋgaŋ — mo ghəa e kôom bàʼso wò a te, e fi sə aŋ ghùu Vʉatsə̄a gho.”

Lûk 10:22

Bəghà ŋ ghəa gho â mùghò dê mɛ̀ʼɛ̀, ghùw lì kwò yo fəgha kela wɛ lo ghè kò, à gɔ̀ʼɔ̀ ko Tsele. Ghùw kwò sugho yo fəgha kela tsele lo ghè kò, à gɔ̀ʼɔ̀ ko wɛ, àsùghò ghì ghəla wɛ tsə̂m tsughu aledè fəgha kela Tsele lo ghè kò â ghee.”

Dzɔ̌n 14:7

Abugho ghɛ̀ mô kwo mugho, to ghɛ̀ mô kwo sughò Bəghà. Êzə̄ŋ ghɛ̀ ŋ wə̄n kôʼ, ndòʼ kwò sugho wə̄n.”

Dzɔ̌n 14:9

Yɛso m bɛ̀lɛ̀ ndùw wə̄n enyəa, “À fi lo enyəa, an dəghà kə kəgha kəla Ǹ lô fɛ sɛ̀ a Felèp, ghɛ̀ kaām kwo to yo mugho a Felèp? Ghùw wəla ù lo mò ù m mùghò kôʼ, ù ŋ kôʼ sùgho Bəghà. À sò lò kə kwò ghɛ̀ sô naām məghaan wə̄n a?

Dzɔ̌n 16:3

Ghe lô ghəa ghən a zəŋò ghɛ̀ ghəŋlo bòʼ ghe kaām kwo yô Tsele waŋā ŋkāa mùghò.

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Dzɔ̌n 17:21

Yìa Ŋ̀ gɔ̂ŋlo enyəa to ghe mô lò alo kəfəgha kə̀ mɔ̀ʼ aŋ ghùe e ghee, tò aŋghəa ghàʼ à ghù bɔɔ̄m lô sugho alo kəfəgha kə mɔ̀ʼ a Tsele, àsùghò enyəa sɛ̀ à ghee e bɔɔm lo sugho alo kəfəgha kə mɔ̀ʼ; to mbī boo tsughu enyəa a mùghò tum wò ghù.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Dzɔ̌n 8:19

Ghe m bvʉ ndùw a wə̄n enyəa, “Tsele wʉ̂a u tè lo ghɛ?” Yɛso m bɛ̀lɛ̀ ndùw ghee enyəa, “Ghɛ̀ kwo yo mugho ŋkāa Tsele waŋā. Abugho ghɛ̀ mô kwo mugho, to ghɛ̀ mô kwo sugho Tsele waŋā.”

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

1 Timotì 5:1

Kà è tɔnlo â dzə̂ a zəŋò noo kə ghû kò, e bughuso kəaa nduw ghəa gho â wə̄n alo ŋkɔʼso tǒ tsughò. E niī nduw waafəghàŋ à nûu ghò tò waazughù.

Taetùs 2:6

À lò sugho eghəla, ghù ki aletsʉā nduw sugho waafəghàŋ à nûu ghò enyəa ghe e maʼn tsughu ghue zo alo aghəa a dzə̀m.

1 Dzɔ̌n 1:1

Ghàʼ ghəa ghən fɛ tɔɔ wò â ghɛ̀ kùu ndùw Shwaʼ u Kəzə̀ wəla u fughu mughù zò. Shwaʼ wən u fə̀ lo nû to mbī e tsoō bùghò zîi tsughu. Ghàʼ mafə̄ wə̄n kôʼ, zùw sùghò shwaʼ u wə̄n, bùʼ mɔ̀m ndùw sùghò wə̄n aŋ ghu ghaʼā.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Dzɔ̌n 2:12

Ǹ ghəa ghən tɔɔ wo a ghɛ̀ a fən ghaŋā gho, bòʼ Zə̀ kə̀ m bòo tɛʼɛ tə ghuuw màʼà an am bàm e Kə̀lestò.

1 Dzɔ̌n 2:14

Ǹ tɔɔ wò â ghɛ̀, ghê tsele ghaŋa bòʼ ghɛ̀ ŋ kele ghùw wəla ù fə̀ ki lô tsəgha to mbī e tsoō bughò zîi tsughu. Ǹ tɔɔ wò â ghɛ̀ a ghâŋ fò bòʼ ghɛ̀ ki esə̂ŋ, shwaʼ u Kəzə̀ vʉa u lò sugho am fə̀ŋ tɛʼɛ, àsùghò enyəa ghɛ̀ ŋ ghaʼ ghùw ù bǐigh.

1 Dzɔ̌n 3:12

Sɛ̀ ki dzə̂ yo aledòʼò to Kɛ̂ɛn wəla ù fə̀ lo wɛ ù avʉatsə̄a, ù n wi màʼà tsughu wàazə̀. Ù fə wàazə̀ wən enyə wi bòʼ kwò a? À fə̀ lo bòʼ ù fə̀ ghəəŋ ghəa biigh gho, wàazə̀ ŋ kuuwn ghə̂əŋ ghəa à dzûŋ ghò.

1 Dzɔ̌n 4:4

Ghɛ̀ a wɛ ghaŋa gho, ghɛ̀ yia lo ghî a Kəzə̀ ghò; ghɛ̀ yia təm zə sugho ghiīshʉ̀ghà ù biigh gho, nu ghùw wəla ù lò a zəŋò ghɛ̀, ù tughu tsə̀ghàtàʼà ghùw wəla ù lò a zəŋò ghì a mbī gho.

1 Dzɔ̌n 5:18

A kwo nû enyəa wɛ ù Kə̀zə̀ ù li yo ù ki aleghə̂əŋ ndûŋlò èbo, bòʼ enyəa Wɛ ù Kə̀zə̀ chìin nǔ wə̄n. Daʼa kə avʉatsə̄a chia kə yo sugho alemɔ̀m wə̄n.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Edêe Fughu 12:11

Ghe n təmzə kɔʼ wə̄n aŋ kàŋ tə Tsʉ u Ndzì u te wo àsùghò an êsəŋò zəla ghe kəaa, tɔŋlo enyəa ghe ka fə̀ŋ naŋa dzə̀ am mùghù e ghee, ghe m boo sùghò enyəa to ghe buʼù kpuwnlo.

Edêe Fughu 2:7

Ghùw wəla ù ki tuūŋ ko, ù zuw fəgha kəla Zuʼ tə̀ Kəzə tə̀ dzâa wo â dzweŋe u ghì a Kəzə̀ wən wo. Ǹ lo fughuu tsughuu kə̀làŋ, ghî ghəlà ghe ghaʼ tsughu ghəa à biigh gho, ghee e kʉɛɛ zəa tam kə kàʼ fə emùghùu fəla fə lo an sum u Kəzə̀ alo kəwālā.”