1 Dzɔ̌n 2:1 - To kə Kəzə̀ kə̀ Fughu ko

¹ Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

1 Dzɔ̌n 2:1 Iomraidhean Croise

Lûk 10:22

Bəghà ŋ ghəa gho â mùghò dê mɛ̀ʼɛ̀, ghùw lì kwò yo fəgha kela wɛ lo ghè kò, à gɔ̀ʼɔ̀ ko Tsele. Ghùw kwò sugho yo fəgha kela tsele lo ghè kò, à gɔ̀ʼɔ̀ ko wɛ, àsùghò ghì ghəla wɛ tsə̂m tsughu aledè fəgha kela Tsele lo ghè kò â ghee.”

Dzɔ̌n 10:15

Tò aŋghəa Tsele waŋā kwō mugho a te, yìa Ŋ̀ kwo sugho wə̄n. Yìa M̀ fughu mughù zaŋa zo â ndzì taŋa to.

Dzɔ̌n 13:33

Wɛ a fə̀ŋ ghaŋa gho, Ŋ̀ kôom ŋge ki yo nəgha zo sɛ̀, ghɛ̀ lô mughò kəŋo wò nù. Ghəa mugho mô dzɛ̀ â tsoʼ tə Tə̀dzûu tò, M̀ bɔɔm dzàa wò sùghò ghəa è mɔʼɔ zo â ghɛ̀ enyəa, ‘Luʼu kəla Ǹ nduūw a te, ghùw wɛʼɛ yo alebùghò fùghù.’

Dzɔ̌n 14:16

Ǹ lo gɔ̀ɔŋ ndùw â bə̀ghà ù lo tuū wò ghɛ̀ â ghùw wəla ù lo yôsò ghɛ, wəla ù lo doʼn təla ghɛ̀ à ghee.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 21:5

Yɛso m bvʉ â ghee enyəa, “Fən ghaŋā gho, ghɛ̀ sô yia ki nu tsəgha to a fiā a?” Ghe m bɛ̀lɛ̀ ndùw wə̄n enyəa, “Ɛ̂ŋgaŋ dzə̂”

Dzɔ̌n 5:14

A m bùghò nəgha zə tsəghà tsughu, Yɛso ŋ kòom kòʼ tsughu ghùw vʉ̀ an Ndùghù è Kə̀zə̀ è nē an Yɛ̀lusalɛ̀m, dzɛ̀ â wə̄n enyəa, “Kòʼô, ghù n dzàŋ tughu! E kwo ko ghù lò kôom ghəə̄ŋ bo zo, fɛ̀ɛn kə eghəa kə̀ biigh kə lô kôom səā a zəŋò ghù.”

Dzɔ̌n 5:36

Ghəa ghə̀là Ŋ̀ kuūwn kə̀aa wò â ghɛ̀ tsəghàtàʼà sə a Dzɔ̌n à teso gho; tɔŋlo enyəa fwàʼ wəla Tsele waŋā fughu enyəa M̀ fwaʼà mɛʼɛ̀, à lo fwàʼ ù mɔʼɔ̄ wəla M̀ fwaʼā, fwàʼ u te dêe nù enyəa Tsele waŋā m mùghò tum.

Dzɔ̌n 6:27

Kà nlò e kəŋo fʉghàzəa wəla u lo alebō, e laam kəŋo nlò fʉghàzəa ù doʼn təla wəla Wɛ ù Ghùw ki alefughu â ghɛ̀. Tɔŋlo enyəa à lò â Wə̄n Tsele ù te, tɔɔŋ Kə̀zə̀ fə̀ fughu naŋā daʼa kə te ko.”

Dzɔ̌n 8:11

Wìzən vʉ̀ m bɛ̀lɛ̀ ndùw wə̄n enyəa, “Ɛ̂ŋgaŋ a Mùghu ù te, ghùw ù lì kâ dzɛ̀ dzə̀ êzə̀.” Yɛso n dzɛ̀ â wə̄n enyəa, “Ghuūghùe waŋā, Ǹ yo sugho tò mùghò è dzâa sughò êzə̀; nùghu e zəghà zò, e kuuwn kwo ko ghù lò so e kôom ghə̀ŋlo èbo.”

Kə̀fwàʼ 7:52

À fə̀ lo ghùwshʉ̀ghà ù ghɛ̌ wò aŋ ghǐishʉ̀ghà ghê tsùghò fə̀ doʼŋkè fəmso à? Ghe ŋ wiin sùghò ghì ghəla ghe fə̀ naʼn wô bughò e Ghûw ù tsəghatsəgha zo, wəlà ghɛ̀ fêe fughu tsughu êzə̄ŋ, wì màʼà è tsughu:

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 6:15

A lo aledzàa tsughu êndughō êzəŋ a? À lò enyəa sɛ̀ ki aleghəəŋ nduw ko ghəa a biigh gho aŋghəa sɛ̀ sô kôom mughu yo a tsəla làŋ ko a, bòʼ a sô kuuwn mùghù an dzɔ̀ e Kəzə̀ à? Ɛ̂ŋgaŋ dzə̂!

Lumà 8:34

À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

1 Kòlentìan 15:34

Kwən nyə̀ wò nlò an tɔ wɛʼɛ ù səŋò wò, ghɛ̀ ka ghəa à biigh a kôom ghə̌əŋ sùghò. Ghɛ̀ â li a kwo dzə yo Zə kò. Ŋ̀ ghəa ghən â ghɛ̀ kə̂aa wò enyəa Ǹ dənsò tsughu tuw kɛʼɛ̄.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Gàlashìan 4:19

Fɔɔn zəla Ǹ zuūw bòʼ ghɛ̀ a wɛ ghaŋā gho lò ko tò fɔɔn zəla wìzən ù nʉgha u wɛ zuūw an nəgha è dzəa zo. Ǹ lo tèlè zǔuw ko fɔnlo e te zo enyə, Ǹ ndûw tâa ndûw an ti kəla mughù e Kə̀lestò e lo dêe səā wo a te a zəŋò ghɛ̀.

Efɛsùs 2:18

À lò am bàm e Kə̀lestò, sɛ̀ a dzə̀m, Tə̀dzûu à Tòʼò zò, sɛ̀ lô alendùw a vʉ̀a Tsele ù te an daʼa kə Zuʼ tə̀ Zɔlɔ to.

Efɛsùs 4:26

Abugho nʉghà u pfʉ koʼ ghùw, e kwo ko nʉghà u pfʉa u te lô so e ghəŋlo enyəa ghùw u te ghəŋlo èbo, ù ka boo sùghò enyəa zuw e saŋà mò nʉgha u te u naam pfʉa kò wən:

1 Timotì 2:5

E lo êzə̀ bòʼ, Zə̀ kə̀ lo ko kə mɔ̀ʼ, yìa à lô sugho ghùw ù mɔ̀ʼ ù nìi təmadzəə̄ŋ wô ghî ghò ghèe ghê Zə̀ kò, ghùw wə̄n lo Kə̀lestò Yɛso.

1 Timotì 3:14

Ŋ̀ ki nû moʼnlò e te zo alekùʼn bughò tɛ̂ fì a vʉ̀a ghɛ̀. Ǹ tsʉ̂ zən â ghɛ̀ fɛ fughuu wò enyəa,

Hibùlù 9:24

Kə̀lestò kà nyə̀ ndùw dzə̀ an lùʼû kə̀ baa kəla ghe bəgha aŋ ghu, mò à lǒ fwěen kəla kə kûm lo, ù fə̀ laam nyə daŋso nduw alo kəwālā, alendùw tee a vʉa Zə̀ kò an tuw u sɛ̀.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.

Dzɛ̂ms 3:9

A fughuu ŋkɔʼso â Tsele ù sɛ̀ ghèe Mughùbè ù sɛ̀ an nom kə te ko, yìa à lò sugho an nom kə̀ mɔʼɔ̄ kə te ko a nîi sûuwn ghî gho a te, mò à lò aghî Zə̀ kə̀ bɔm tsughu am fwêen kə wə̄n.

1 Pità 2:22

Ù ka fə bo è li e ghəəŋ kòʼ dzə̀, ù ka fə gha è li tso kàʼ kòʼ sùghò.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Dzɔ̌n 3:18

Wɛ ghaŋa gho, sɛ̀ ki yo aleləghaa ko ghue zo aŋ ghəa à nəghaan kəaa gho, a ki sughu aledeē nduw ləgha zo an fwàʼ kə sɛ̀ àsùghò alo êsəŋò.

1 Dzɔ̌n 3:5

Ghɛ̀ kwo nû enyəa ù fə̀ fɛ am mbī nyə wo alebùghò alenìi nughù bôo tə sɛ̀, mò ù ka fə ghəəŋ boon kòʼ ghəa e li zo.

1 Dzɔ̌n 3:7

Wɛ ghaŋa gho, e kwo ghɛ̀ lô bomlo enyəa ghùw ù lì sèe məŋso ghɛ! Ghùw wəla ù ghəə̄ŋ ghəa ghəla a lô tsəghatsəgha, ù lô ghùw ù tsəghatsəgha, tò aŋghəa Kə̀lestò lò tsəghatsəgha a te.

1 Dzɔ̌n 4:4

Ghɛ̀ a wɛ ghaŋa gho, ghɛ̀ yia lo ghî a Kəzə̀ ghò; ghɛ̀ yia təm zə sugho ghiīshʉ̀ghà ù biigh gho, nu ghùw wəla ù lò a zəŋò ghɛ̀, ù tughu tsə̀ghàtàʼà ghùw wəla ù lò a zəŋò ghì a mbī gho.

1 Dzɔ̌n 5:17

Ghəa a ghəŋ boon gho a dzə̀m lo ebo, bo e li e kuuwn lò nu e yô aleghəŋlo enyəa ghùw kpuw.

1 Dzɔ̌n 5:21

Wɛ ghaŋa gho, nǐi nùghuu nlò fə̂ŋ tɛʼɛ to a zəŋò mùʼù mo! Nu à lô zʉ̀ wə agha.

3 Dzɔ̌n 1:4

Duʼn kə̀ ne kə̀ li kə kɔʼɔ yo mugho an ghəa eli zo, tsəghà sə̂a ko yo alezuw enyəa wɛ ghaŋa a bwìi alo êsəŋò.