1 Dzɔ̌n 1:9 - To kə Kəzə̀ kə̀ Fughu ko

⁹ Abugho sɛ̀ kûm boo tsughu enyəa sɛ̀ ghəəŋ nù ghəa à biigh gho, sɛ̀ yia a mʉŋē aŋ ghəa a te gho a sə̀a Zə̀ kò, kə lo ghuūw maʼà bòo tə sɛ̀, kə sùuw maʼà sughò sɛ̀ aŋ ghəa a sɛ̀ à biigh gho. Tɔŋlo enyəa Zə̀ kə̀ lo tsəghatsəgha, chia kə naāŋ sugho to kə wə̄n ko.

1 Dzɔ̌n 1:9 Iomraidhean Croise

Matìo 3:6

Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Mâk 1:5

Mbùʼ è Dzùdîa e dzə̀m, à ghì a Yɛ̀lusalɛ̀m ghò a dzə̀m n nyəŋ tsughu a vʉ̀a Dzɔ̌n enyə; ghe m bughò zàa wò vùŋ kə ghee enyəa ghe ŋ ghəəŋ bonlo a sə̀a Zə̀ kò, ghe yia a mʉŋe a te, ù m fughuu ghee â mùghù ŋ Kə̀zə̀ mò an dzughù è Dzodàn.

Lûk 22:57

Pità n tùe màʼà ghəa yì, dzɛ̀ enyəa, “Êwɛ̀, Ŋ̀ kwò dzə yo wə̄n.”

Dzɔ̌n 17:25

Tsele waŋa ù dzùŋ wəla ù lò tsəghatsəgha, aŋghəa ghî a mbī ghən bûʼ kwo ko yô ghû, yìa Ŋ̀ kuūwn kwo ghû tò aŋghəa ghî à li ghən kwo enyəa à mùghò tum wò ghû.

Kə̀fwàʼ 19:18

Ndə̀m è àghì aŋ ghì ghəla ghe mò boō fughu tsughu m bùghò zɛ̀ vùŋ u ghee dzàa fùghuu wò ghəa ghəla ghe mò lo mo ghe maā ghəŋlo.

Lumà 3:26

À fə̀ lo aledèe tsughu êzəŋ enyəa ghuūghùe u wən u lo tsəghatsəgha àsùghò enyəa à lǒ wə̄n ù ghəŋlo enyəa ghùw bùghò dòʼò tsəghatsəgha a vʉ̀a wə̄n bòʼ boo zəla ghùw ù te ki â Yɛso.

1 Kòlentìan 1:9

Zə̀ kəla kə fə̀ tɔŋɔ ghɛ̀ enyəa ghɛ̀ e lo fəgha ko kə mɔ̀ʼ ghɛ̀ à ghê Wɛ ù wə̄n Yɛso Kə̀lestò tɔɔŋ Mughùbè ù sɛ̀ naaŋ nù dzughu e wə̄n zo am fəgha kəla ù to naŋa enyəa e lo ghəəŋ nù.

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Efɛsùs 5:26

Ù fə̀ enyə ghəəŋ tsughu enyəa dzeŋe kə ghì a Kəzə̀ kò dòʼò fəgha kə̀ ba ko an daʼa kə shwaʼ u wə̄n aŋghəa ù fə̀ nî kɔʼ ghee sùw sə kɔʼ alo mmùghu.

1 Timotì 1:15

Shwaʼ wən wo enyəa, “Kə̀lestò Yɛso fə̀ fɛ am mbī bugho alebəghaasə ghî à biigh gho.” Shwa u t e u lo êsəŋò ghùw vʉ̀a ù lo aleboō fughu a te. Yìa M̀ fɛ̂ɛn tsəgha ghe a dzə̀m.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 10:23

Bùghò nlò tò sɛ̀ tɔʼɔ̀ teē tsughu an tùʼ zəla sɛ̀ chiī ghè zò mo a tsəəŋ kaaŋ yo, tùʼ zəla sɛ̀ dzâa nduw sugho â waazə̂ a sɛ̀ ghò; tɔŋlo enyəa Zə kə̀ naaŋ nǔ to kə wə̄n kəla kə to tsughu.

Hibùlù 11:11

À fə̀ lo sugho bòʼ Sàla fə̀ boo fughu sugho â Zə̀ kò e fə̀ ghəŋlo ù ŋ kele ùnùŋ alekòom bɔŋ wɛ, bugho dzə̀ è wo, mò noo u wə̄n u mafə tsə̀ghà ghəa à koōm dzəa gho, bòʼ ù fə̀ lɛɛn tsughu enyəa ghùw wəla ù fə̀ to to ke te ko naaŋ nù dzughu e wə̄n zo.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.

Edêe Fughu 15:3

Ghe n zôo zom zəla à fə̀ bughòo tsughu Musî kɔ̂ɔ fi Kəzə̀, asùghò e Tsʉ u Ndzì zò, dzàa tsùghùu a te enyəa, “Tsə̂ntə̀mbî, Zə̀ kə̀ ghaʼa kən kə̀ dzə̀m, ghəa ghə̀a à ghəəŋ gho a bòʼò ghàʼa kwò enyə a, Ôo Də̀ŋ kə mbī ko! Ghəa ghə̀a à lo tsəghatsəgha, lò sugho êsəŋò.