1 Dzɔ̌n 1:8 - To kə Kəzə̀ kə̀ Fughu ko

⁸ Abugho sɛ̀ dzɛ̂ enyəa sɛ̀ kâ ghə̌əŋ boon dzə̀ ghəa è li zo, sɛ̌ fi loʼsò ghue e sɛ̀, səŋò zəa e buw a zəŋò sɛ̀.

1 Dzɔ̌n 1:8 Iomraidhean Croise

Dzɔ̌n 8:44

Ghɛ̀ lo ko tǒ tsele wɛʼɛ, tɔɔŋ Satàn, moʼn zɛʼɛ zə e bɔ̄ɔm lǒ ko alefwàʼ fəgha kə̀là tsele wɛʼɛ ləghaa ghè kò. Alenìi nughù wô, ù fə̀ wii tsəgha aghî, tuu màʼnlò èsə̀ŋò, bòʼ səŋò è li e yo zəŋò wə̄n. Abugho ù kaʼ gha zo, ù fi kə̂aa ghəa ghəla a kpe am mùghù e wə̄n, bòʼ àgha a dzəa wə̄n, vʉ̀a ù lǒ ghùw wə̀ àghā.

Lumà 3:10

Ghe tɔm naŋa am Mwàʼsò kə Kəzə̀ enyəa, “Ghùw u li yo dzə̂ ù lo tsəghtsəgha, u mɔ̀ʼ kɔʼkɔʼ ŋgəmso yo dzə̂.

Lumà 3:23

Nu aghî a dzə̀m m bo e ghəŋlo, ghe yia bvʉ̂ kômlo aledòʼò an səghanyəgha ŋ Kə̀zə̀.

1 Kòlentìan 3:18

E kwo ghùw lò nɔɔ̄m ghue u wə̄n wo. Abugho ghùw wɛʼɛ ù lì mòʼò enyəa e tɔɔ nù aŋghəa ghî a mbī a nîi a te, ù kì alelo tǒ ghùw ù làʼso, tò ù kè doʼò ghùw ù tɔ̌ɔ.

Gàlashìan 6:3

Tɔŋlo enyəa abugho ghùw mòʼò enyəa e lo fəgha kə̀ li ko mò ù bùʼ yò dzə̂ kə ghee, ù fi tsêe ghue ū wə̄n.

1 Timotì 6:5

Ghî ghən lo tsəgha ko alo kəzùghù, tɔŋlo enyəa ghe moʼn tə̀la ko èbo, ghe sô kôom kwo dzə̂ yo səŋò zò. Ghe sô moʼnlò enyəa fwàʼ kə Kəzə̀ kə lo alekə̄ŋ ekum a te.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

Dzɛ̂ms 1:22

Kà nlò doʼò tsùghù dzə̀ ghî ghəla ghe tsêe ghue e ghee zo alezūuw ko ghəa gho an utùŋlō, kuuwn dòʼo tsughu nlò ghî ghəla ghe fwaʼà fəgha kəla shwaʼ u Kəzə̀ u dzâa ghè kò.

Dzɛ̂ms 1:26

Abugho ghùw tsêe kaāŋ ghue u wə̄n wo enyəa e lo ghùw ù Kə̀zə̀ mo ù nàŋso yo nom kə wə̄n ko, ghəa a Kə̀zə̀ a wə̄n a te ghə ŋ kwuu yo ghəa zo.

Dzɛ̂ms 3:2

Sɛ̀ a dzə̀m mǔuwn nɔʼɔ dàŋà tsə̀ghà nù. Abugho ghùw kuūwn nɔʼɔ̄ yo aŋ ghəa a wə̄n à kəaa gho, ù fi lo ghûw ù tsəghatsəgha, ù lò sugho nû alenaŋso ghuw kə ebwìi kə wə̄n ko.

2 Pità 2:13

Ghe lô ghee tsəa sùghò aŋ ŋgoʼ zəla ghe lo mo ghe m fughu â ghì ghò. Ghe nîi enyəa à lò ghəa è dzûŋ zò aŋghəa ghe zəā ghue e ghee zo, ghə̂əŋ kâaŋ dzə̌adzə̀ tə aghəa â ŋgàla tsə̀ tò. À lò aledzəsô ghue zɛʼɛ àsùghò tuw kə̀ dəla ko â ghɛ̀, â ghee aletseē ghɛ alelaŋā zəa dzəəŋ ghɛ̀ à ghee, kala kaŋlo, buʼn sùghò mbɔ̀ŋ.

1 Dzɔ̌n 1:10

Abugho sɛ̀ dzɛ̂ enyəa sɛ̀ kaām ghəa è biigh è li e ghəəŋ kòʼ tsə̀ghà, a fi dzɛ̂ enyəa Zə̀ kə̀ kaʼnlo àgha, àsùghò enyəa shwaʼ u Kəzə̀ ù kâ sɛ̀ alo təfə̀ŋ dɔ̂ɔm nyə dzə̀.

1 Dzɔ̌n 1:6

À fi lo enyəa abugho sɛ̀ dzɛ̂ enyəa sɛ̀ lo kəfəgha kə mɔ̀ʼ sɛ̀ à ghê Zə̀ kò, sɛ̀ yia a kôom naām mùghù ko alo kələ̄m, a fi kaʼnlo àgha, mùghù sugho yo am fəgha kəla səŋò è deē ghè kò.

1 Dzɔ̌n 2:4

Ghùw wəla ù dzɛ̀ enyəa, Ŋ̀ kwo nu wə̄n, mò ù kǔuwn naaŋ yo lwâŋ u Kəzə̀ wò, à lo ghùw wə̀ àgha. Ghùw ù te kwo yo ghəa è səŋò zò.

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?

2 Dzɔ̌n 1:2

Ǹ ləghaa ghɛ̀ bòʼ enyəa sɛ̀ kwo nû ghəa à səŋò ghò, səŋò zəa e lo doʼn təla a zəŋò sɛ̀.

3 Dzɔ̌n 1:3

Mugho fə̀ ŋgee duʼn nû aŋghəa waazə̂ a sɛ̀ à li a fə̀ bughô dzɛ̂ wô â ghàʼ enyəa ghù bɔ̌ɔm kùm mùghò ko an dzì è êsəŋò zəla Zə̀ kə̀ ləghaa, yia Ŋ̀ kûm kwo enyəa ghù mùghò êzə̀.