1 Dzɔ̌n 1:7 - To kə Kəzə̀ kə̀ Fughu ko

⁷ Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.

1 Dzɔ̌n 1:7 Iomraidhean Croise

Matìo 6:12

ghù ghuūw maʼa bôo taʼa to, tò ghàʼ ghuūw mâʼn ndûw sughò bòo tə ghì ghəla ghe boō a zəŋò ghàʼ,

Dzɔ̌n 1:29

Tsʉtsʉ vʉ̀, Dzɔ̌n mo e koʼò mo Yɛso sò sə̌a kəəŋ wò a vʉ̀a wə̄n. Dzɔ̌n n dzɛ̀ enyəa, “Kòʼ nlò Tsʉa u ndzì u Kə̀zə̀ wəla u ghəŋlo enyəa Zə̀ kə̀ ghuūw maʼà bòo tə ghì a mbī.

Dzɔ̌n 12:35

Yɛso n dzɛ̀ â ghee enyəa, “Tsə̀ è te naam lò kəŋo nduw nu ghɛ̀ à ghee aŋ kə̀mà fə kə̄ghā. À fi lo enyəa e bwiī nlò am tsə̂, e kwo ko nlò ləm kə lô so e kuūwn koom bvʉ̀a a zəŋò ghɛ̀. Ghùw wəla ù bwìi alo kələm kwo yo luʼu kəla ù ndûuw a te.

Dzɔ̌n 5:4

bòʼ tsə̀ndə̄ghā è Mughu ù te fə̀ bughōo fughu an tì kə̀ li ko, zə̀ n nyə̀ tsùghù fwə̀n kɔʼ tsəm kə te ko. Ghùw ù dzàŋa wəla ù nyə tsughu an tsəm kə te ko esə̄ n dzàŋ è tughu, abugho ù mò buʼù dzaŋà ko dzâŋ è ghɛ zo.]

Lumà 13:12

A êzəŋ e lo ko tò â lə̌əmlə̌əm tə utsuʼ to, a tsûuŋ tsùghuu ko enyə, tsuʼ u zuūw nyəa wò nù. To sɛ̀ mô bughū naŋa aleghəəŋ ghəa gho a tsəla kələ̄m, sɛ̀ nîi kɔʼ mughù e zɔlɔ zo tǒ ndzʉ tə tsam sɛ̀ dzəlà kele a zəŋo e ughùe.

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

1 Timotì 6:16

Zə̀ kəla kə kê kpuūw koʼò yo, mo kə mughu an tsə̂ zəla à nyəghaan tsə̀ghà tàʼà sə ko ghè zò mò fəgha kə̀ li kə yo alendùw tɛ̂ fughu, mò ghùw ù lì kaam bûʼ kòʼ kòʼ ŋkāa ghùw kè bùʼ kòʼ kòʼ yò. À ki wən kɔʼso mò ndzə̀m à daʼa ko. Zə e lo ko êzə̀.

Taetùs 2:14

À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.

Hibùlù 9:14

Kâŋ tə Kə̀lestò tə̀ ŋge tùghù tsə̀ghàtàʼà sə ghəa ghən a dzə̀m! Am bàm e Zuʼ tə Kəzə təla tə doʼò tən ù m fùghù ndùw ghue u wən an tuw u sɛ̀ tǒ fughu kəla kə kpe â Zə kò. Kâŋ tə wə̄n tə lo sûuw zɔnso fə̀ŋ tə sɛ̀ aŋ ghəa ghəla a nîi wô vʉ zo, enyəa to sɛ̀ e lo alefwaʼā Zə̀ kəla kə lo â tuw ko.

Dzɛ̂ms 1:17

Ghəa à dzûŋ ghò a dzə̀m àsùghò ghəla a lô tsəghatsəgha, à fùghuu tsughuu wò Tsele ù te wəla Ù bɔm zuw zo. Aŋ wə̄n, fə̀ŋ è wən kuuwn tsə̀ghà yò, ghəa è li e yo sugho a zəŋò wə̄n e lo alenìi wô kə̀ləm.

1 Pità 1:19

À fə̀ kuuwn lo aŋ kɔ kə kàŋ tə Kə̀lestò, tǒ kâŋ tə tsʉa u ndzì zəla è ki yô dzʉ wo ŋkāa na kə̀ li ko ghe fə̀ zue sə tuw kɛʼɛ ko a te.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

1 Dzɔ̌n 1:5

Zən fɛ̀ lò tum zəla ghàʼ lo mò ghàʼ n zuw aŋ ghulô Wɛ ù Kə̀zə̀, ghàʼ yia naʼ wo â ghɛ̀. Tum e te u lo enyəa: Zə̀ kə̀ lo tsə̀, kə ŋgəmso ki yo ghəa è li zo aleghəŋlo ghèe ləm ko.

1 Dzɔ̌n 5:6

À lǒ dzì zəla Yɛso Kə̀lestò fə̀ ni mùghù ŋ kə̀zə̀ mò a te àsùghò kàŋ tə wən təla tə fə̀ tsughu tsughu alo kədàŋlo an vʉ e wə̄n, è fə̀ dêe wo enyəa ù lo Wɛ ù Kəzə̀; à ka yo ko alo mmùghu, à lò alo mmughu àsùghò a lo təkàŋ. À lò zuʼ tə̀ Zɔlɔ to tə teso dzâa wô ghəa ghən gho, tɔŋlo enyəa Zuʼ tə̀ Zɔlɔ tə dzâa wò êsəŋò.

1 Dzɔ̌n 5:8

Ghəa ghəla Zuʼ tə Kəzə̀ tə dzɛ â sɛ, dzì zəla ù fə̀ ni mùghù ŋ Kə̀zə̀ mo a te, àsùghò kàŋ tə wə̄n təla tə̀ fə̀ tsughuun tsughu alo kədàŋlo. Ghəa a te gho a təgha teso dzàa ko ghəa e mɔʼɔ̄ zo.

2 Dzɔ̌n 1:4

Mùghò mo ŋge duʼn nû aŋghəa mùgho mò bughò kôʼ wǒ wɛ ghə̂a a li ghò mo ghe mughu ko alo êsəŋò aŋghəa Tsele ù sɛ̀, Kə̀zə̀ mò dzɛ̂ naŋā â sɛ̀.

3 Dzɔ̌n 1:4

Duʼn kə̀ ne kə̀ li kə kɔʼɔ yo mugho an ghəa eli zo, tsəghà sə̂a ko yo alezuw enyəa wɛ ghaŋa a bwìi alo êsəŋò.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 12:11

Ghe n təmzə kɔʼ wə̄n aŋ kàŋ tə Tsʉ u Ndzì u te wo àsùghò an êsəŋò zəla ghe kəaa, tɔŋlo enyəa ghe ka fə̀ŋ naŋa dzə̀ am mùghù e ghee, ghe m boo sùghò enyəa to ghe buʼù kpuwnlo.

Edêe Fughu 7:14

Mùghò m bɛ̀lɛ̀ kɔ̀ʼ enyəa, “Ŋ̀ kwo yo a Mughùbè, à lǎam kwo ghû.” Ù n daŋso dzɛ̀ â mùghò enyəa, “Ghən fɛ lo ghî ghəla ghe lo mo ghe m fala an ndə̀mà tə aghəa fəgha lə ŋ kè kuūwn nomso ghee, ghe yia sûw maʼà tsughu dàlà tə ghee to aŋ kàŋ tə Tsʉ u Ndzì u te wo, tia tə fə̂m tsughu fùuŋ.