1 Dzɔ̌n 1:6 - To kə Kəzə̀ kə̀ Fughu ko

⁶ À fi lo enyəa abugho sɛ̀ dzɛ̂ enyəa sɛ̀ lo kəfəgha kə mɔ̀ʼ sɛ̀ à ghê Zə̀ kò, sɛ̀ yia a kôom naām mùghù ko alo kələ̄m, a fi kaʼnlo àgha, mùghù sugho yo am fəgha kəla səŋò è deē ghè kò.

1 Dzɔ̌n 1:6 Iomraidhean Croise

Matìo 7:22

Abugho tsuʼ ù saʼa u aghì ù kê kpe tsughu, ghî ghə̀ e ke dzaā wo â mùghò enyəa, ‘Mughùbè, Mughùbè, ghǎʼ mò mgbaŋ yo ghiīshʉ̀ghà ghə̀a ghò à, a n dzûum sə zʉ̀ ù biigh wo zən zəghà, fwàʼ sùghò kɔ tə aghəa ndə̀m an zən zəghà à?’

Dzɔ̌n 11:10

A mò è bùghò ghùw wəla ù bwìi kaŋlo alo kələ̄m mbaa tàaŋ bvʉ̀a nù bòʼ tsə̀ sò yo aledè wə̄n â dzì.”

Dzɔ̌n 12:35

Yɛso n dzɛ̀ â ghee enyəa, “Tsə̀ è te naam lò kəŋo nduw nu ghɛ̀ à ghee aŋ kə̀mà fə kə̄ghā. À fi lo enyəa e bwiī nlò am tsə̂, e kwo ko nlò ləm kə lô so e kuūwn koom bvʉ̀a a zəŋò ghɛ̀. Ghùw wəla ù bwìi alo kələm kwo yo luʼu kəla ù ndûuw a te.

Dzɔ̌n 12:46

M̀ fɛ am mbī nyə wò tô tsə̀, enyəa mò ghùw bǒo fùghù dzə̀ â mùghò, ù n yò alemùghù doʼò alo kələ̄m.

Dzɔ̌n 8:12

Yɛso ŋ kə̀a kpèʼe ndùw àghəa â ghee enyəa, “Ǹ lo kəkɛ̀ʼɛ̀ â mbī. Ghùw wəla u nì ghuw kaŋā ko kê yò alebwiī alo kələ̄m. Ù lo kuuwn ki tsə̀ am mùghù e wə̄n.”

Dzɔ̌n 8:55

Mò ghɛ̀ kaām wə̄n ŋ kele, yìa Ŋ̀ kwo wə̄n. Abugho Ǹ dzɛ̂ enyəa Ŋ̀ kwo yo wə̄n, M̀ fi bɔɔm lò sugho ghuw wə àgha tò ghɛ. Ŋ̀ kuuwn kwo no wə̄n, yìa m bwiī an dzə̂ è wə̄n.

1 Timotì 4:2

À ŋgòʼ è tsʉ̀ zən fughù ghì ghə agha ghəla ghe koom ki yo tuw kə̀ dəla ko alekāʼ egha, mo tɔ u ghee wə n lāa to ghe zuʼ an uwə̀n.

Dzɛ̂ms 2:14

Waazə̂ ghaŋa gho, ghùw zə̌a kɔʼɔ̀ kə̀ kwò a te a, abugho ghùw dzɛ̀ enyəa e boo fughu â Kə̀lestò a, mò fwàʼ kə wə̄n kə̀dzûŋ kə̀ dêe tsùghuu yo fəgha kəla ù boō fughu tsughu a te a? To ù n tuw kə zəā a, enyəa ù bǒo fughu â Kə̀lestò à?

Dzɛ̂ms 2:16

vʉ̀a ù so e səā bwînlò, ghùw wɛʼɛ ù lì n dzɛ̀ â wə̄n enyəa, “Ndùw kədzûŋ, Zə̀ kə̀ bughuso ghù, e zəa kuuw tsughu, dzə̀ən kɔ̀ʼɔ̂ fəgha kə ufwo.” E ghee yosò aŋ kwò abugho ghù dzɛ̀ ndûw êzə̀ à, mò ghù kà wə̄n â fəgha kə̀là ù ki yo fughu ndùw a?

Dzɛ̂ms 2:18

To ghùw ù lì kuuwn dzâa tsughu enyəa, “Ghùw lò nû ù boō ko â Zə̀ kò, ù li vʉ̀a ù lo ù ghəə̄ŋ à dzûŋ ghò.” N sô bɛlɛ̀ wô enyəa, “Děe wò mugho â ghùw wəla ù dzɛ̀ enyəa u bǒo fughu â Kə̀lestò mò ù ghə̌əŋ yo ghəa à dzûŋ gho, Ǹ sô dêe wô â ghù enyəa M̀ boo fughu â Kə̀lestò am fwàʼ kaŋa kə̀ dzûŋ kò.”

1 Dzɔ̌n 1:10

Abugho sɛ̀ dzɛ̂ enyəa sɛ̀ kaām ghəa è biigh è li e ghəəŋ kòʼ tsə̀ghà, a fi dzɛ̂ enyəa Zə̀ kə̀ kaʼnlo àgha, àsùghò enyəa shwaʼ u Kəzə̀ ù kâ sɛ̀ alo təfə̀ŋ dɔ̂ɔm nyə dzə̀.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

1 Dzɔ̌n 1:8

Abugho sɛ̀ dzɛ̂ enyəa sɛ̀ kâ ghə̌əŋ boon dzə̀ ghəa è li zo, sɛ̌ fi loʼsò ghue e sɛ̀, səŋò zəa e buw a zəŋò sɛ̀.

1 Dzɔ̌n 2:4

Ghùw wəla ù dzɛ̀ enyəa, Ŋ̀ kwo nu wə̄n, mò ù kǔuwn naaŋ yo lwâŋ u Kəzə̀ wò, à lo ghùw wə̀ àgha. Ghùw ù te kwo yo ghəa è səŋò zò.

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?