1 Dzɔ̌n 1:3 - To kə Kəzə̀ kə̀ Fughu ko

³ Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

1 Dzɔ̌n 1:3 Iomraidhean Croise

Dzɔ̌n 17:11

M̀ fɛ êzəŋ zəghàan tàʼn tsùghuu ghee am mbī, yìa Ǹ nughùun wô a vʉ̀a ghù. Tsele waŋa ù Zɔ̀lɔ, tsən nǎn ghee an daʼa kə̂a, kəla ghù mò fughu â mùghò, to ghe doʼò kə̀fəgha kə̀ mɔ̀ʼ, to aŋghəa ghàʼ à ghù lò fəgha ko kə mɔ̀ʼ.

Dzɔ̌n 17:21

Yìa Ŋ̀ gɔ̂ŋlo enyəa to ghe mô lò alo kəfəgha kə̀ mɔ̀ʼ aŋ ghùe e ghee, tò aŋghəa ghàʼ à ghù bɔɔ̄m lô sugho alo kəfəgha kə mɔ̀ʼ a Tsele, àsùghò enyəa sɛ̀ à ghee e bɔɔm lo sugho alo kəfəgha kə mɔ̀ʼ; to mbī boo tsughu enyəa a mùghò tum wò ghù.

Dzɔ̌n 17:25

Tsele waŋa ù dzùŋ wəla ù lò tsəghatsəgha, aŋghəa ghî a mbī ghən bûʼ kwo ko yô ghû, yìa Ŋ̀ kuūwn kwo ghû tò aŋghəa ghî à li ghən kwo enyəa à mùghò tum wò ghû.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Dzɔ̌n 19:35

(Ghùw wəla ù fə̀ kôʼ ghəa ghən gho, mafə̄ bughò teso dzɛ̀ ghəa a te gho — shwaʼ u wə̄n u lo êsəŋò. Vʉ̀a ù ndòʼ kwo sugho enyəa fəgha kəla e teso dzâa wo lǒ êsəŋò — enyəa to ghɛ̀ mô lò aleboō fughu â Zə̀ kò.)

Kə̀fwàʼ 13:32

Ghàʼ fɛ bùghò tùm è dzùŋ è te alebùghò naʼà â ghɛ̀,

Kə̀fwàʼ 13:41

‘Kòʼô nlǒ a ghɛ̀ ghəla ghɛ̀ tsoʼō fəgha kə̀là Zə̀ kə̀ dzaā! Tuw kə ki alekpuūw wī ghɛ, tɔŋlo enyəa an tì kɛʼɛ kən M̀ fwaʼà fwàʼ kə̀ li ko, kə̀fwàʼ ghɛ̀ kê boōm koʼò yo, abugho ghùw bùʼ dzɛ̂ sə wô ko â ghɛ̀.’ ”

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kə̀fwàʼ 20:27

nu Ŋ̀ ka mō shwaʼ u Kəzə̀ wò â ghɛ̀ nân dzə̀.

Kə̀fwàʼ 4:20

nu ghàʼ yo aledòʼò mo a kôom kə̀aa yò ghəa ghəla a lo mò aŋ kòʼ, zùw èsugho.”

Lumà 15:27

Aŋghəa à mò bûʼ tsə̂m tsughu Toʼò zò alefughu eyôso; alekùum nîi tsughu, ghe ki alechuuw ŋgùu kò â Dzùu tò, to ghe e yoso ghee a te. Aŋghəa e lo enyəa Toʼò e mafə kele sugho nwamso wəla Zuʼ tə̀ Zɔlɔ tə fughuu â Dzûu tò, Toʼò e fi ki sugho nû alefughuu Dzûu tò â yòso zò am fʉgha u ghee wəla ghe ki.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

1 Kòlentìan 1:9

Zə̀ kəla kə fə̀ tɔŋɔ ghɛ̀ enyəa ghɛ̀ e lo fəgha ko kə mɔ̀ʼ ghɛ̀ à ghê Wɛ ù wə̄n Yɛso Kə̀lestò tɔɔŋ Mughùbè ù sɛ̀ naaŋ nù dzughu e wə̄n zo am fəgha kəla ù to naŋa enyəa e lo ghəəŋ nù.

1 Kòlentìan 15:1

Êzə̄ŋ a waazə̂ ghò, Ǹ so Ǹ zə̂əŋ wô ghɛ̀ an làbəlà zəla mùgho mò bughò naʼà wo â ghɛ̀, ghɛ̀ n zùw è naŋa, ghɛ̌ yia bɔɔ̄m ti ko a te.

2 Kòlentìan 13:14

To dzɔ̂ è Mughu ù te Yɛso Kə̀lestò, ləgha e Kəzə̀ àsùghò Zuʼ tə Kəzə̀ təla tə təmdzəə̄ŋ sɛ̀ alo kəfəgha kə mɔ̀ʼ, mô lǒ ghɛ̀ à ghee a dzə̀m.

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Fèlepìan 1:7

À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

Fèlepìan 2:1

Aŋghəa e lò dzə enyəa, Kə̀lestò dzə̀là nù fə̂ŋ tɛʼɛ to, Zuʼ tə̀ Zɔlɔ tia tə naāŋ ghɛ̀ alo kəfəgha kə mɔ̀ʼ, ləgha zəla Kə̀lestò ki a zəŋò ghɛ̀ zəa e tsəmso sughò ghɛ, ghɛ̀ yia ki ləgha zo àsùghò se è kwuso zo aŋ ghùe zɛʼɛ̄.

Fèlepìan 3:10

enyəa aŋ ghəa ghən à dzə̀m, Ǹ dəmà alekele wə̄n, mùghò è ki sughò daʼa kə wə̄n kəla ù fə̀ kpuw kɔʼ sə alo evʉ̄ a te, àsùghò enyəa to M̀ mô fǎan sùghò tǒ aŋghəa ù fə̀ fala am fala e wə̄n, M̀ bughò doʼò sughò tǒ wə̄n aŋghəa ù fə̀ kpuw a te.

Kòloshìan 1:13

Vʉ̀a ù bəghāsə̄ sɛ̀ aŋ ghùu daʼa kə kələ̄m ko, nì nàŋa tsə̀ghà wò sɛ̀ am fɔ̀e u Wɛ ù wə̄n, ù gaʼ fə̀ŋ a te.

1 Tɛ̀sàlonìan 1:10

Ghe buʼù kə̀aa sùghò nù ghəa ghɛ̀ lo mo ghɛ̀ ləəm Wɛ ù Kə̀zə wəla ù lo nughùn wo alò kəwālā alebùghò èbàm am mbī; wəla Zə̀ kə mò nî nughù kɔʼ alo evʉ̄, tɔɔŋ Yɛso wəla ù bəghaasəa sɛ̀ an tsu wəla u ki alebùghò.

1 Timotì 6:2

Kɔ̀ɔ məla ghè mughùbè a ghee a lo mo ghe m boo fughu â Kə̀lestò, e kwo ghe lô so e koʼò lʉ̀ghaa ghê mughùbè a ghee gho, bòʼ enyəa ghê mughùbè a te a boo fùghù tsùghù dzə̀ â Zə̀ kò. Ghe laam ki alefwaʼā dzɔɔ̄ â ghê ghee, bòʼ enyəa ghe fwaʼà a tsəlà ghì ghəla ghe boo fughu sugho â Zə̀ kò tǒ ghee, ghe yia ki sugho ləgha zo a zəŋò ghee. E tɔʼɔ̄ zoʼn tsughu ghî ghò aŋ ghəa ghən gho.

Hibùlù 2:12

Ù dzɛ̀ â Zə̀ ko enyəa, “Ǹ lo dzàa nduw fəgha kəla ghù lǒ ghè ko â waazə̂ ghaŋa gho. Ǹ lo e kɛɛ ghû abugho ghe zuuŋ wo alefughu ŋkɔʼso â ghù.”

Hibùlù 3:1

Waazə̂ ghaŋa à zɔlɔ gho, ghɛ̀ ghəla ghɛ̀ lo mo Zə̀ kə ŋ ghɛ̀ tɔŋɔ am fɔ̀e u kəwalā, naŋa nduw nlo tuw kɛʼɛ ko a zəŋò Yɛso, wəla a dzɛ̂ enyəa ù lǒ tum e Kəzə̀, lò sugho tuw kəfɔ̀e kəla Zə̀ kə mò tɔŋɔ̄.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

1 Pità 5:1

Mùghò tǒ tsoʼ, M̀ buʼu wò kə̀ghu à tsoʼ təla tə lo am tsətèʼè fɛʼɛ. M̀ mafə kôʼ fala e Kə̀lestò zò, Ǹ lo kòʼò sùghò nû səghanyəgha mə̀là n lò aŋ ghaʼ e wə̄n abugho ù lo kôom bugho ebàm.

2 Pità 1:16

Ghàʼ fɛ â ghɛ̀ dzâa wò yǒ zə̂azə̂a mə̀là ghî a fə̀ tɔɔm naŋa tsughu aŋ ŋgəŋ è ghee, aŋghəa ghǎʼ mò dzɛ̂ wô â ghɛ̀ enyəa ghɛ̀ kele tsughu dwaʼa u Mughùbè ù sɛ̀ wò, tɔɔŋ Yɛso Kə̀lestò àsùghò bùghò e wə̄n è ne zəla u lo bughoo ghè zò, à fə̀ kuuwn lo ghəa à ne ghəla ghàʼ ghue e ghùe zaʼā e fə̀ koʼ.

1 Dzɔ̌n 1:1

Ghàʼ ghəa ghən fɛ tɔɔ wò â ghɛ̀ kùu ndùw Shwaʼ u Kəzə̀ wəla u fughu mughù zò. Shwaʼ wən u fə̀ lo nû to mbī e tsoō bùghò zîi tsughu. Ghàʼ mafə̄ wə̄n kôʼ, zùw sùghò shwaʼ u wə̄n, bùʼ mɔ̀m ndùw sùghò wə̄n aŋ ghu ghaʼā.

1 Dzɔ̌n 1:5

Zən fɛ̀ lò tum zəla ghàʼ lo mò ghàʼ n zuw aŋ ghulô Wɛ ù Kə̀zə̀, ghàʼ yia naʼ wo â ghɛ̀. Tum e te u lo enyəa: Zə̀ kə̀ lo tsə̀, kə ŋgəmso ki yo ghəa è li zo aleghəŋlo ghèe ləm ko.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.