Taitaasiho 3:4 - Autaahaatɨhomɨ Pɨwɨha Gaaha Wanɨha

⁴ Siyonɨhandɨ kandɨ Autaahaatɨho nyangisɨ japɨhɨ nanyamaasɨho nyangisɨ maarɨho apɨpaahɨ nanyinyatɨ nyamɨ naisohoematataise. Ko siyatɨ kaindɨhandɨ nyamɨ ndɨhetɨ auta noaipasɨtɨmandɨ kandaahɨ nyangisɨ japɨhɨ nanyamaataise.

Taitaasiho 3:4 Iomraidhean Croise

Rukɨho 1:47

Aindɨ amɨ nɨnɨ nisɨ omaŋɨtɨtɨhɨ nahandisatɨ Autaahaatɨho nɨngi japɨhɨ nanɨmaatɨ nɨtatamanatɨ ninjatisɨhopɨ waatɨ maaritataayo.

Romɨhiya 2:4

E kɨnyɨ Autaahaatɨho gaahandɨ awaindɨhandɨ nahinyatɨ wɨndɨ ketɨ gisɨ nemaahɨmatɨ konɨhɨ nehɨ ginjatɨmɨ naindɨhandɨ nehɨhande tipɨ nepɨ pohipaimbɨmapaino? Autaahaatɨho sandɨ gaahandɨ gisɨ kahimɨ naindɨndɨ kɨnyɨ kinyɨ maipɨhaiwaatɨhapɨ japɨhɨ nepemaitɨtaapɨ kahisataise. Isɨ kɨnyɨ sandɨ mmonapaino, e owetiso?

1 Timoteho 1:1

Timotehonye nɨnɨ gisɨ Jisaasihopɨ ausaatɨ kahɨtonɨ gɨwunyaahingɨtɨhanda noaipapɨ nisɨ maasɨhɨhoŋimatingɨhonye, utɨpɨhandɨ kɨmandɨ kinyapɨ jɨpatɨpiyataayo. Iyataatɨ nɨnɨ Porɨhonɨnɨ Kɨraisɨ Jisaasihomɨ aposerɨhonɨnɨ komɨ pɨwɨha naninyatɨ isɨhiyaisɨ ausaatɨ kaundɨtandɨ natanoaasisɨhonɨne. Iyatɨ Autaahaatɨho nyangisɨ japɨhɨ nanyamaatɨ nyainjatisɨhomunɨ amɨ Isɨhiyaisɨ Japɨhɨ Numwaatɨ Iwinjatɨtandɨ Autaahaatɨho Ahɨwisɨho Kɨraisɨ Jisaasiho nyahɨ komɨ ndɨmaahomwaaŋɨ usondɨhaawɨ jatotɨhomɨ pɨwɨhaara nɨngi komɨ aposerɨhonɨnimatɨtandɨ ahɨnisɨhonɨne. Nyamɨ Apɨho Autaahaatɨhounɨ amɨ nyamɨ Awaisɨho Kɨraisɨ Jisaasihounɨ gisɨ gaahandɨ kahimɨ nahinyamɨ, amɨ nepɨ gisɨ andɨtɨhipɨ maarɨho jinjapɨhɨ asɨpaindɨhandunɨ nahinyamɨ nangɨmaasapɨse.

1 Timoteho 2:3

Amɨ sandɨ nyahɨ siyaatɨ kaitɨhaawɨ Autaahaatɨho nyangi japɨhɨ nanyamaasɨho maaritataise.

1 Timoteho 4:10

Iyataatɨ amɨ Autaahaatɨho satatɨ, ‘nɨnɨ isɨhiya nahatiyaisɨ japɨhɨ numwaatɨ iwinjatɨtando,’ tatɨ gwɨnyaatɨ amɨ aimɨ kopɨ gɨwunyaahohiyɨhiyaanangi japɨhɨ nanyamaatɨ nyainjatisɨhore. So Autaahaatɨho asohopɨ nyahɨ ko gaahaiwa siyatɨ saiwa kanyito taatɨ aimɨ gɨwunyaawaatɨ jatɨmɨ nohaawɨ sandapɨ nyahɨ waatɨ andɨta napawaamawa otɨpɨpa kopɨ kiyahaayo.

2 Timoteho 1:10

Iyataatɨ wanɨ kɨmura Jisasɨ Kɨraisiho nyangi japɨhɨ nanyamaasɨho auta ausaimanɨnatɨ noaipataise. Noaipasɨhɨ amɨ komɨ otɨpɨpata Autaahaatɨho nyangi nyahɨ wapa gaahapa kamaayaatɨ nehɨhandɨ gaahandɨ kanyindɨhandisangi auta ausaimanɨnatɨ noaipataise. Aihɨ Kɨraisɨ Jisaasiho isɨhiya napwɨtaatɨwɨhandamɨ watɨpɨhandi netɨ owemataise. Owematosatɨ komɨ pɨwɨha wanɨha gaahetapɨ isɨhiyai kiya napwɨtaatɨwɨhandɨ owetatɨ nehɨ kiya kiyaanɨhɨ asɨtimatɨwɨ jinjapɨhɨ bimɨtaatɨwɨhandɨ netɨ ausaimanatɨ nunjataise.

Taitaasiho 1:3

Aihɨ komɨ asisɨha gwɨnyaasɨhetɨ isɨhiya usaisɨ namɨhanatɨ natausoaasataise, komɨ pɨwɨha gaaha awusaitaatɨwo. Sa pɨwa isɨhiya asɨtimatɨtaatɨwɨhandɨ naitaatɨwe, tatɨ netɨ ausaimanɨnatɨ isɨhiyaisɨ nunjataise. Iyataatɨ amɨ nɨngisangisɨ pɨwɨha sɨka awusaitandɨ Autaahaatɨho nyangisɨ japɨhɨ nanyamaasɨho nanɨmahanatɨ ahɨnihɨhonɨne.

Ibɨruhiya 9:26

Amɨ ko Kɨraisiho sandɨ siyataataahɨ amɨ wuwanɨhura Autaahaatɨho kahapaamapɨpa kiyatɨ ahaisuraapɨ namasatɨ amɨ wanɨmuraisangi Kɨraisiho konɨhɨ pɨhɨtahaiwa taahɨwaiwaara komɨ ambɨpatɨ yaawatɨ naaŋɨhaiwa netɨ amɨ napopɨ nasatoaatɨtaihe. Amɨ ko saimɨ nasatoaatɨtɨhatɨ katɨ wanɨ nyahɨ mmonɨhaayo. Kahapaamapɨpa nahataapa isɨhiyaapɨ turɨmanɨtandɨ wanɨ kɨmura asisɨha ipotaataatɨmaiwetɨ Autaahaatɨho pɨwɨha wanɨha asaha komɨ isɨhiyai gaahaiwa kawitandɨ kaundatɨ wɨsasisɨha netɨ akaahemasurɨmura Kɨraisiho yapɨpataapɨhɨ nehɨ naasaara nasataise. Ko siyatɨ nasatɨ nyamɨ maipɨhaiwa Autaahaatɨho nenyamatɨ amɨ maipɨhaiwaapɨ wihoaaŋɨhandɨ naaŋɨhandɨ namaanyamɨtandɨ Autaahaatɨho maaritirɨhɨretɨ kiyatɨ ko ipɨ tɨtɨhɨ atawɨhatetɨ nunyanatɨ nimaatataise.

1 Pitaaho 2:3

Autaahaatɨho sangi gaahatɨ kasihɨ aimɨ mmonɨwɨ gwɨnyawaawɨ Awaisɨho Autaahaatɨho ko gaahoe tɨwɨ gwɨnyaawaayopo.