Pirimonɨho 1:23 - Autaahaatɨhomɨ Pɨwɨha Gaaha Wanɨha

²³ Epapɨraasiho gisɨ ipɨhɨrete hɨtataase. Amɨ ko nɨngisatɨ maasɨ napwɨtɨha bindɨhaayo. Iyaha maisɨhoaanyangi amɨ Kɨraisihomɨ pɨwɨha ausaahohɨtɨhandapinyatɨwɨ nepɨ nanyapuhauhɨ napwɨtɨha bindɨhaayo.

Pirimonɨho 1:23 Iomraidhean Croise

Romɨhiya 16:7

Aindɨ amɨ nɨwahonisɨ utaahurɨ Judaahurɨ Andɨronaikaasiyɨ Juniyaasiyai maasɨ maarɨho wɨwitɨ gaahuraare undataato. Iyataatɨ surɨ utaasurɨ nɨngisamɨ maasɨ Jisaasihomɨ ambɨpatapɨ isɨhiya nepɨ yanyupapɨhingwanaane. Iyataatɨ kuramɨ ambɨpatɨ Jisaasihomɨ Aposerɨhiyaamɨhatɨhɨ nga noaipatɨ ahotahure. Iyamaamɨ Kɨraisihopɨ nɨnɨ sangɨ gɨwunyaahonɨhura Kɨraisihopɨ kurɨ jɨhɨ gɨwunyaapɨ komɨhurimatɨmɨhure.

Korosihiya 1:7

Iyataatɨ sa Pɨwɨha Wanɨha Gaahaapɨtaha Epapɨraasiho sangi ausaatɨ kasatatɨ katasisataise. Katasisihɨ sahɨ ka pɨwɨha aimɨ atiwɨ mmonɨwɨ nehopo. Epapɨraasiho so Kɨraisihomɨ otɨpɨpatɨho gaahore, amɨ ko Kɨraisihomɨ otɨpɨpatɨ napaitatɨ kiyahoso. Amɨ ko nyangisatɨ Kɨraisihomɨ otɨpɨpatɨ nɨnawɨpɨhɨ kiyaahotihɨ nyahɨ koai nyamɨ maarɨho akɨtɨnɨhɨ nunyaahore. Iyataatɨ ko sangi biyatɨ jatatamanatɨ andɨtisiwatɨ Kɨraisihomɨ otɨpɨpatɨ nyahɨ Kɨraisihomɨ otɨpɨpatɨhiyaanɨnɨ usaanamɨ aunahɨpatɨ netɨ samɨhatɨhɨ otɨpɨpatɨ kiyataise.

Korosihiya 4:10

Utaahingwaasɨ murɨmingwaasɨ nɨngisawɨ nɨngi andɨtɨnipɨ otɨpɨpatɨ maasɨ nɨnawɨpɨhɨ kiyaatɨ Autaahaatɨho komɨ isɨhiyai winjatindɨhandɨ newaatɨ awaindewaamaatɨ kiyohingingwaasɨ Judaahiyaanamɨhingwaasɨ nehɨ murɨmingwaasɨhɨhe. Nehɨ singwaasɨhɨ nɨngi nga baiwɨ itatamanɨwɨ andɨtɨniwawaayopo. Iyataatɨ amɨ sɨkingwaasi maawɨ gaahuraare satawaatopo. Kingwaasamɨ wo Arisɨtakaasiho nɨngisa maasɨ naputɨha bimohɨho sangi gaahuraare, satataase. Iyatɨ amɨ kiyaamɨ wo Maakɨho Banapaasihomɨ sanaimwaaho sangi gaahuraare, satataase. Iyataatɨ so Maakɨhopɨ pɨwɨha aimɨ sangi kasatonɨhɨ (amɨ ko sangisenda nasonaahɨ sahɨ koai baiwɨ usonɨwɨ numwaapɨse). Amɨ kiyaamɨ wo Jasɨtusiho (amɨ pɨwɨha Gɨrikɨhaara Jisaasiho tɨwɨ ambɨhɨtɨwɨho) koai maawɨ sangi gaahuraare, satataase. Nehɨ singwaasɨhɨhɨ Judaahiyaamɨ otɨhatɨhapɨ (nepemaitɨwɨ) Jisaasihopɨ gɨwunyaapɨhingwaase. Singwaasɨ nisɨ maarɨho omaŋɨtɨtɨhɨ nepɨ usaaniwɨ wɨnipɨ yatɨhɨnipɨ gaanɨmawaayopo.

Korosihiya 4:12

Iyataatɨ Epapɨraasiho sahɨ sawanaatamɨ naisoho sangi gaahuraare, satataase. So Epapɨraasiso Kɨraisɨ Jisaasihomɨ otɨpɨpatɨ kawisɨhore. Iyataatɨ ko nasisoaarɨ sapɨ andɨtitatɨ mwɨtɨpisatɨ gaapɨsundatɨ Autaahaatɨhoai pɨwaundatɨ nunjenataise, ko sangi netɨ andɨtisaihonɨhɨ sahɨ samɨ Kɨraisihopɨ gɨwunyaahohɨtɨhandɨ anɨtiwɨ isɨpɨ bitopɨ, amɨ Autaahaatɨhomɨhaiwa wapaapɨ sahɨ wɨndɨ nausetɨhɨmetɨwɨ gaatɨwɨ, amɨ Autaahaatɨho gwɨnyaatɨ maaritimbɨpa nahataapaapɨ sahɨ nga mmondaatɨwo.

Pirimonɨho 1:1

Nɨnɨ Porɨhonɨnɨ Kɨraisɨ Jisaasihomɨ otɨpɨpatapɨ naaŋɨhaiwa netɨ napwɨtɨtɨ bimohɨhonɨnɨtihɨ amɨ nyamɨ naisoho nyamatiyatɨ Kɨraisihopɨ gɨwunyaatɨ komɨ otɨpɨpatɨ kawisɨho Timotehotihɨ utɨpɨho kɨmo jɨpatɨpiyaha nusoaasɨhaayo kɨnyɨ Pirimonɨhoŋɨ nyamɨ naisohoŋɨ Kɨraisihomɨ otɨpɨpatɨ nyangisapɨ maasɨ kaingɨhonyapo.

Pirimonɨho 1:9

Isɨ nɨnɨ saimbɨ kaime ndɨ watɨpɨndɨ kahɨtataamaato. Owe. Nehɨ saimbɨ kaime ndɨ nangɨsenɨtɨ napaisaatɨ kahɨtataato. Nɨnɨ Porɨhonɨnɨ Kɨraisɨ Jisaasihomɨ pɨwɨha nesi kandunjohɨhonɨne. Aihɨ nɨnɨ saindɨ Kɨraisihomɨ pɨwɨha awusoaahohɨtɨhandapɨ wanɨ kɨmura nɨnɨ yaasatɨ naaŋɨhaiwa netɨ napwɨtɨtɨ bindataayo.