Aposerɨhiya 7:9 - Autaahaatɨhomɨ Pɨwɨha Gaaha Wanɨha

⁹ “Aihɨ ipotɨhura nyamɨ asoyaamɨ saingɨho Josepɨhoai maipaiwɨ usonawaawɨ namapɨ isɨhiya usai nunyawɨ nawɨho newaayopo. Nehauhɨ kiya Josepɨhoai numwaasi nuwɨ Isipɨhanda utaaho womɨ otɨpɨpatɨ kawitandɨ jɨhara koai nunyawɨ nawɨho newaayopo. Aihɨ Josepɨho otɨpɨpatɨ kiya bimihɨ naaŋɨhaiwa nusoaipasɨhɨ Autaahaatɨho koaisatɨndaise.

Aposerɨhiya 7:9 Iomraidhean Croise

Matiyuho 27:18

Sandɨ apaapɨ kiyai nunjenataamaaise amɨ Pairotɨho Jisaasiho utaaho ainahɨhosɨ nehɨ iwinjatɨ nandusoaasɨtando tatɨ gwɨnyaatɨ amɨ aimɨ biyatɨ mmonataatɨ isɨhiya nehɨhiya Jisaasihoai utaaho gaahoso tɨwɨ usohauhɨ amɨ Judaahiyaanamɨ awaisawɨhiya tanyaaha owehandɨ nehɨ nuwipɨhandɨ isɨhiya taahiyɨhiya Jisaasihoai maaritɨwɨ nuwipinjauhɨ kandapɨ kiyai apowihɨ Jisaasihoai numwaasi nasauhɨ sandapɨ isɨhiya nahatiyai nunjenataise.

1 Korindɨhiya 13:4

Isɨ amɨ wanɨ nɨnɨ utaaho wo isɨhiyaisɨ biyatɨ maarɨho nunyaho kairɨhɨretapɨ sandɨ kasatɨtaano. Utaaho isɨhiyaisɨ maarɨho nunyahoai wo nasatɨ itɨhundonɨhɨ amɨ wihoaaŋɨ maipɨhatɨ kiyatɨ koaisɨ wɨndɨ itɨhɨmundɨtaise. Itɨhɨmundatɨ nehɨ gaahatɨ kawitaise. Iyatɨ amɨ ko isɨhiyaisɨ maarɨho nunyaho usa kahapaamapɨpa asaketahiyaapɨ wɨndɨ apomaawɨtaise. Iyatɨ amɨ ko isɨhiyaisɨ maarɨho nunyaho nɨnɨ sapa saindɨ kaindɨhonɨniso tatɨ wɨndɨ sawaho namimaatɨndaise.