Aposerɨhiya 7:10 - Autaahaatɨhomɨ Pɨwɨha Gaaha Wanɨha

¹⁰ Koaisatɨndaatɨ biyatɨ iwɨtatamanatɨ iwinjaatɨ bindataise. Winjaatɨ bimihɨ asisɨha waara Peroho Isipɨhiyaamɨ awaisɨhomɨ ndɨhetɨ noaipataise. Noaipasɨhɨ Peroho usonataatɨ Josepɨhoai Autaahaatɨho gwɨnyaitandɨhandɨ gaahandɨ numwihɨ gwɨnyaahotihiyataatɨ namatɨ Josepɨhoai Peroho ahɨwihɨ noaipatɨ ko Isipɨhandaahiyaisunɨ Perohomɨhapaunɨ awaisɨhoematatɨ iwinjaatɨ bindataise.

Aposerɨhiya 7:10 Iomraidhean Croise

2 Timoteho 4:18

Sɨkiyatɨ Awaisɨho ambɨpatɨ yaasɨhaiwa isɨhiya nɨngi naninyohɨwaiwaatɨhapɨ japɨhɨ nanɨmaitaise. Nanɨmaatɨ niwatɨmɨ notɨ nanɨmaasi ko ninjaatɨ bimɨtandɨhapɨhɨ yamɨhapataatɨhapɨ naitaise. Isɨ nyahɨ kopɨ waatɨ maaritaatɨ koai newa mepɨ autaahemwaitɨhaawo. Akɨte.

Jemɨsiho 5:11

Kiya saiwɨ yaawatɨ naaŋɨhaiwa nepɨ awɨtɨmapɨ niyauhɨ Autaahaatɨho kiyaisɨ andɨtɨwiwatɨ maarɨho numwihɨ kandapɨ nyahɨ kiyaapɨ satahaato, “kiyai Autaahaatɨho iwɨtatamasɨhɨ kiya yaawɨhaiwa andɨtitɨwɨ nepɨ amɨ maaritawaayopo,” tahaato. Iyahaawɨ amɨ sahɨ aimɨ Jopɨhopɨ atiwɨhiyaate, Autaahaatɨho koaisɨ yaawatɨ naaŋɨhaiwa asakiyatɨ nunyatɨ komɨhapa nahataapa nemasɨhandɨ kandɨ ko Autaahaatɨhoaisɨ wɨndɨ namaamatɨ konɨhɨ andɨtitatɨ gɨwunyaapɨ naiho. Aihɨ sandapɨ Awaisɨho Autaahaatɨho Jopɨhoaisɨ kahapaamapɨpa jɨhaatɨ asakiyatɨ nunyatɨ iwɨtatamasɨho. Sandɨ isɨhiyaisɨ Awaisɨho maarɨho nunyatɨ asɨpɨwisahosɨ amɨ gaahatɨ kawɨsatɨ kaiho.

Pɨwɨha Ausaimaninjɨha 7:14

Nanɨsesɨhɨ amɨ nɨnɨ koai wihoaaŋɨha saundataato: “awaisɨhoŋe, kɨnyɨ kɨwahoŋɨ kiyaapɨ gwɨnyaapɨhoŋe,” undataato. Aihɨ amɨ ko nɨngisɨ sata kandataase: “Isɨmiya kɨmiyai kiyaamɨ ambɨpatɨ yaawɨhaiwa apɨpaahɨ awaiwaiwa tiworisa nunyauhɨ nepɨ bimambɨwɨhiyaare. Bimambɨwɨhiyaasɨ Mwaaho Sipɨsipɨho Sɨpɨpɨhohomɨ jɨtɨpataahɨ kiyaamɨ apotɨhɨrɨ bausawɨmɨhauhɨ noaipatɨ kɨhoepɨhɨrɨndaise.