Aposerɨhiya 2:34 - Autaahaatɨhomɨ Pɨwɨha Gaaha Wanɨha

³⁴ Daawitɨho napotɨ yamɨhapataatɨhɨ naihɨ Daawitɨhopɨ noaipatɨ awaisihoematane tatɨ Autaahaatɨho kandaamaase. Owetise. Daawitɨho sangɨ napotɨ maapɨ yapɨpataapɨhɨ bindataatɨ sa pɨwɨha kandaase: ‘Autaahaatɨho Awaisiho nisɨ Awaisɨhoai sata kaundataase, “Nɨnɨ gi nisɨ watɨpɨhaiwa nahatewa nahɨmisanɨhɨ kɨnyɨ nɨngisapɨ isɨhiya kahapaamapɨpa nahataapai iwinjatɨtaapɨ nisɨ gaatɨhɨraihoaaŋɨ nambɨ bime.

Aposerɨhiya 2:34 Iomraidhean Croise

Maakɨho 12:36

Autaahaatɨhomɨ Itɨpɨho netɨ Daawitɨhoai gɨwunyaasɨhɨ amɨ Daawitɨhohɨ sawaho satise: ‘Awaisɨho Autaahaatɨho nisɨ Awaisɨhoai saundise, “Kɨnyɨ nisɨ ikwɨrɨ gaahɨraihoaaŋɨ bime. Bimaamɨ numbwɨ nɨnɨ kinyɨ tiworisaisɨ netɨ kinyɨ asɨmwaatɨtɨhemasanɨhɨ kɨnyɨ kiyai nepɨ ipɨhatisamɨhuraatɨtando,” Aunɨhɨhɨrɨ 110:1 undatɨ Autaahaatɨho Awaisɨho nisɨ Awaisɨhoai kaundise,’ tatɨ kandaase.

Jonɨho 3:13

Iyataatɨ isɨhiya usa mambɨhiya yamɨhapataatɨhapɨ naiwɨ Autaahaatɨho kaiwaiwa wɨndɨ mmonɨwɨ nesi japɨhɨ namaasopo. Nehɨ nɨnɨ Isɨhiya Nahatiyaamɨ Saahonɨnɨ Jɨhonɨnɨ Awaisɨhonɨnɨ jɨhura yamɨhapataatɨhɨ bimambɨtɨ nasohɨhonɨnɨ naasonɨnɨhɨ Autaahaatɨho kaiwaiwa mmonɨtɨ gwɨnyaatɨhonɨne.

Aposerɨhiya 2:35

Bimisamɨhɨ kinyɨ tiworisai netɨ nɨnɨ kinyɨ auhɨraapɨhɨ asɨmwaatɨtɨhemasanɨhura kɨnyɨhematɨpɨ kiyai tipɨ gwaumbwɨ ipɨhatimbɨ iwinjatɨtaapo,” undatɨ Autaahaatɨho Awaisɨhoai kaundise,’ Aunɨhɨhɨrɨ 110:1 tatɨ Daawitɨho katisɨhaare.

1 Korindɨhiya 15:25

Iyatɨ Kɨraisiho akɨtɨnɨhɨ Awaisɨho jɨhoematatɨ nahataapai osamatɨ jatɨmɨ notɨ komɨ tiworisaisɨ Autaahaatɨho netɨ tiwatɨ ipatisatɨ Kɨraisihomɨ yatɨhɨ asɨmwaatɨtɨhemahonɨhuraatɨtando.

Epesaasihiya 1:22

Autaahaatɨho Kɨraisihoai netɨ Awaisɨhoematosatɨ nahataapai jatɨtandɨ watɨpɨhandɨ nunyatɨ amɨ netɨ komɨ asɨmwaatɨtɨhɨ ahiyataise. Aihɨ ko Kɨraisiho noaipatɨ nahataapaamɨ Awaisɨho Jɨhoematatɨ kapai jatataise. Aihɨ sandaahɨ ko noaipatɨ isɨhiya kopɨ gɨwunyaahohiyɨhiyaamɨ mɨtɨho jɨho Awaisɨhoematatɨ kiyai ko iwinjatataise.

Ibɨruhiya 1:13

Iyataatɨ amɨ pɨwɨha jɨpatɨpindisɨhaatɨhapɨ Autaahaatɨho komɨ Mwaahopɨ satatɨ kandaahandɨ kandɨ amɨ komɨ itɨpɨhiya otɨpɨpatɨhiya enjerɨhiyaamɨ woaisɨ sata wɨndɨ kamundise. “Kɨnyɨ nambɨ nisɨ ikwɨrɨ gaatɨhɨraihoaaŋɨ wandɨha nepɨ Awaisɨhoŋimatɨpɨ nɨngisapɨ maasɨ bime. Bimisamɨhɨ nɨnɨ kinyɨ tiworisaisɨ netɨ kinyɨ auhɨrɨ ahaitaapɨ tihɨrɨ gwaasɨhemasanɨhapo,” Aunɨhɨhɨrɨ 110:1 tatɨ wɨndɨ jɨpatɨpɨmindise. Owe. Apɨpaahɨ wɨndɨ satatɨ kamundise.