Revaresen 6:2 - Yisasini Kama Vaya

² Máa síká mun onékun maen mana efanten osin e mantavin mai osin amaniná ma kumantá ein banta ano uve vá isana vá pákakhan kin kamamó béin amen mino. Máan turan mai vanta ano vanasi vá mo aruvúdé betin maman barasí uré ereno van oren mino.

Revaresen 6:2 Iomraidhean Croise

Matiu 28:18

Máan tiyákan Yisasi veti vaintá eriven tiamemí, “Inaru ráke yaná bá bara ráke yaná bá dafisino van Tiyarafenu ano minó ákona séin inka simen mino.

1 Korini 15:25

Mai fara vara seyo, Yisas Karaisi ma kin karáká kumantantin maen béi anon beni namuro kayo maman bararasí urantin mi véi yafisinten mino.

Revaresen 11:15

Máa sirákan mai ma yan manápá ifo afápá kan un kádaní ma ukharé ein enisori ano ma vei ufen asiyain má inarufin avádóden oovaren temí, “Ma varará ma yafisin mai Bafan mano ma vei vanasi evaránen avirano van ma aní uran baré ein ninaí inka ein béi anon mai nanin bantará dafisen oriyan banten mino.”

Revaresen 11:18

Minó bara fáke nanin banta ano éin aranan uantiyan mifo saréa inka eni aran naná eren mino. Púkaré ein nanin bantai avúavá ma yaimiyáke ma ei yoran banta kéká miyan aminona yamú inka afoká en mino. Ei sakhanampa vanta kéká bá inká ei kantasí ma ukhein nanin banta vá miyan amin nono. Mai ma aví bain má inká aví ma ída vain má anon éin nan peré iyain mino. Ma varará ma váken minó daná máden asuse iyá ein kéká éi anon aruan kípan nono.”

Revaresen 14:14

Máa sirá mo oniyaruna vá mana efanten konan bákan mai yaró mana vanta aninten mano kumantaren mino. Ben ánontá korifó uvantein kin kamamó bákan inká davénakhan an iyain tópe ven ayampin baren mino.

Revaresen 15:2

Máan tukhá onékun mana kamu an dakhein un non má ira vá ano manafiní ukhan mino. Máan tukhan mai ma afá tafúna vá ben aman manon má ma aruvúden esantakhá ein kéká ano mai akhempá mantakhen Tiyarafenu ano ma amein kita kayo asiyaren mino.

Revaresen 17:14

Mai kéká ano Sipisipi Arará bá aruvinten mifo véi maen bafan kayoi Bafan báken kin kayoi Kin mi vain pasen betin aruren maman bararasí inten mino. Mai ma veyantá araren aní uran báken ma ven oo yayiyaré ein kéká anon béin má banten mino.”

Revaresen 19:14

Inaru fáke aruvin banta kayo ano efanten buí daná ana uriyan efanten osin kayo ané kumamen béin ánain bákuren oren mino.

Revaresen 3:21

Téi ma aruvin uviní urékun ma se Sifóe ano e sivíádá ma veni kin karáká o kumaneruna an déi aruvin ma uviní uran nain banta o avíádékun tenti kin karáká ten má e kuman inten mino.

Revaresen 9:7

Osin kayo ma aruvimpin orino van auí uanteiní uren ánontá korifó uvantein kini kamamó uantádan mai fanon kayo vanta aunasí ukharen mino.