Revaresen 6:10 - Yisasini Kama Vaya

¹⁰ Báken mai kéká ano oovararen máa semí, “Dan báke ma fura se kantasí ukhe ona Bafan noe, intéa yamusá barará nanin banta ano ma setin tirukhá ein anonafá betin daídeya uman aminte fono.

Revaresen 6:10 Iomraidhean Croise

Ruku 2:29

“Bafan noe, fefá éi ma siáden nan baré einí eya ei yoran banta saréa áesin ná ará kusin masá orino.

Ruku 21:22

Mai fara vara seyo umeí ma iyá ein kéká ma uman amin damusí ma intin maen Tiyarafenui vompon dókifin ma uvamádan baré ein baya kayo ano fura sen afoká inten mino.

Romu 12:19

Te sirona kayo oe, siretin ma namu uantantiya anona ída vá evaráne vetin namu uantano van iyákeya Tiyarafenui ayampin ná ampiádano. Mai fara vara seyo, Bafan mano vei vompon dókifin máa sikhen mino. “Namu uantan ayá ma amin mai senti yoran mino. Namu ma uantein ayá téi vetin afova amenté uno.” Diu 32:35

Iburu 12:24

inká Tiyarafenu vá barará nanin banta vá aúban ma váken auyen kasen bani man baya ma maman ákona uantan banta Yisasin má baípái ere ono. Eborini nare ano ma fefá berai siyan ma anona vá uman ameno ma seiníen beni nare ano ída máa sinten mifo moékan tarisari uren ma ume arúantan nare vaípái ere ono.

2 Pita 2:1

Máan tukhen mifo fefá ma Isareri kékápin kampun sakhanampa vanta kayo varé einíen mi siretimpin kampun arú kayo ano afoká inten mino. Mai kéká anon Tiyarafenu ma sikhein baya yo vaéden maen betíi ineinefó ena nanin banta aúpáké afova aminten mino. Máan tiyáken betin ma miyaní uren ma minó dafisiyain Bafan me oyan aminten mino. Máan ma inain manon betí amaniná ainen uman o maman kainten mino.

Revaresen 11:18

Minó bara fáke nanin banta ano éin aranan uantiyan mifo saréa inka eni aran naná eren mino. Púkaré ein nanin bantai avúavá ma yaimiyáke ma ei yoran banta kéká miyan aminona yamú inka afoká en mino. Ei sakhanampa vanta kéká bá inká ei kantasí ma ukhein nanin banta vá miyan amin nono. Mai ma aví bain má inká aví ma ída vain má anon éin nan peré iyain mino. Ma varará ma váken minó daná máden asuse iyá ein kéká éi anon aruan kípan nono.”

Revaresen 18:20

“‘Inaru oe, véi ma furein nará amusin ono. Mumunan nanin banta vá baya varen orin banta kéká bá sakhanampa vanta kayo vá ano amusin ná ono. Tiretí ankan ma uman amiyaré ein anonafái Tiyarafenu ano veni avúavá daíden uman amen mino.’”

Revaresen 18:24

Béi anon Tiyarafenui kantasí ukhein nanin banta vá sakhanampa vanta kéká bá inká minó akhempá ma vain nanin banta vá aruan puriyaré in mi oman páman en mino.”

Revaresen 19:2

Mai fara vara seyo, fura sen ma funtákein avúavá póké anan Tiyarafenu ano vanasii avúavá daimé iyan mino. Ma varará ma kákan pamúku nanin báken ma vei namu avúavá póké banasi máden asuse uren Tiyarafenui yoran nanin banta ma aruan puriyá eipái anona yaíden uman amen mino.”

Revaresen 3:10

“Mai ma sen too yaiye uman bariyáke ma senti man baya fákaan ákona ure varé eona anonafá maé Tiyarafenu ano ma ma varará nanin banta akhenóka uan onan nain damú tiretin aya onté uno.

Revaresen 3:7

“Firaderfiá baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Devitini ki fákakhen pura sen kantasí ukhein banta ano máa mi sen mino. Intéa yanasá béi ano yivé iyan nafi mai ída mana ano kanaí e munkin nono. Inká be ma munkuran nain daná ída kanaí e mana ano yivin nono.