Iburu 12:14 - Yisasini Kama Vaya

¹⁴ Banasi vá ma ará kusen ban má inká avusese en kantasí ukhen ma van avúavá basá ákona e varano. Para vara seyo, ída ma kantasí ukhein kéká ano ída kanaíen Bafan onanten mino.

Iburu 12:14 Iomraidhean Croise

Maki 9:50

Un kama yaná ifo veni ase ma kípavintiya siretí ankan náisá uresin ná evaránen ase inten nafino. Éi un ande vá afá aváen má manafin kamaeya vano.

Ruku 1:75

Ena ena yamú béin avorá teti kantasí é puntáké ana vá bá tifano.

Romu 12:18

Minó nanin banta vá ma ará manafiní uren ma kusen ban aa vará ákona e yoseno.

Romu 14:19

Máan tukhen mifo setisá ena nanin banta vá manafin tirá kusé bákesá mumunan avúavápin ben aya ven aya ó tifano.

Romu 6:22

Ayave van iyaré enan Tiyarafenu ano umei ákona fintena siretin evaránen avíden bei ída miyan baran doran bantaí ura va ono. Máan ma eona anon puntákein avúava afoká intiya fara van oriyan ban aunan baran nono.

1 Korini 1:10

Mumunan tiyofi sifá tiváeyan noe, ída vá aruve asive iyáke setisi Bafan Yisas Karaisin avíká kama e manafin báke vá eraran ma aúban daimin avúavá ída vanti vá manafin ma vaya sire ma varanona yaná ano vá mai kama ino.

1 Korini 13:12

Taréa mai Tiyarafenui auná onano van iniyá tifé umpo ven auná maen namu ukhein kamufin ma oneiní iyáken béi anan tetin toniyan mifo ínaimpái veni ádé orivé ben ayafen ódé pura sé afová ó tifanté uno.

2 Korini 6:17

“Máan tukhein nan mi Bafan mano siyáken mai kéká me ampire nentá oriveya vetíi fain danasinta ída aruvesirá tiretin avirano sen mantino.” Ais 52:11

2 Korini 7:1

Téi ma sinunu ukheruna sirona kéka soe, Tiyarafenu ano ma amenté uno siren ma iyáantan baré ein danasinta inka varé tifé umpo erisá dante vukhafa vá tú iyampon má ma fainíin avúavá do sesé uan karúdaré avusese uve sá ben nan mana feriyáké kantasí ukhein avuavá ana vá bará tifano.

Karesia 3:21

Máan tukharen mifo mai ma Tiyarafenu ano fefá iyáantan baré ein masá man baya ano namuroí ukhen nafino. Ída uron mino. Man baya ano ma auyen aunan ma simiyantí tiferá mai ánain ná dakhafiyá Tiyarafenu avorá puntáké bá tifano.

Efesasi 5:5

Para vara seyo, siretí ankan afovasá ono. Pamúku avúava safi inká ída funtákein avúava sinta fi ena ina yaná ma aran nan nafi ma variyain mai kampun ayarafenu kayoi monó tiantiyain pasen máan nanin banta ano ída kanaíen Yisas Karaisin má Tiyarafenu vái yafisimpin orinten mino.

Firipaí 3:12

Téi fefasa ven avúavá mamaré puntákera siya raumpo mai ma Yisas Karaisi ano ma iyátintákein pákaan ákona ono van mi ma yorarí iyá uno.

1 Tesaronika 3:13

Máan tesin ná Karaisi ano siretí ankan ará ákona uantantiya ída fain má aau vá baré inti funtákein nanin bantaí ukhare Bafan Yisasi ma vei kantasí ukhein kéká bá erin nain damusá teti Sifóe Tiyarafenun avorasá o mantano.

1 Tesaronika 4:7

Para vara seyo, Tiyarafenu ano setin nan namu avúavápin bano vara sarakhen naifo mai kantasí ukhen bano van mino.

1 Tesaronika 5:15

Máan tiya mae namu avúavá ma uantan nain kéká anona ída vá namu avúavá uantiyáke vetin má inká ena kéká bá kama avúavasí in maran mana vá ono.

1 Timoti 6:11

Máan tiyan mifo Timoti oe, Tiyarafenui vanta ompo mai avúava san péde nentá báke vá mai ma kamaen puntákein avúavá ana vá bákurono. Máan tiyáke ei monó avúavápin Tiyarafenun amusin ame vá bentá mumunan má avábá ma in má bempáké ma kusen ban avúavá bá inká ara ara uman erintin ma mantaan ákona ukhen ma van masá pákaan ákona uráke vá bano.

2 Timoti 2:22

Auyen pumara arintai namu avúava sará pédeya funtákein avúavá ma varano van anunu iyaona ana vá dakhafono. Mumunan in má avábá bá ará kusin avúavú bá ana variyákeya vá mai ma inin mano funtákan ma Bafantá monó tiyain kéká basá manafin amusin eya vano.

Iburu 12:10

Tetin tifóeyan mano ma inin ma kama ukhein avúavá máan tanáa oranará tetin puntaré iyan mifo setisi kama avúava san mi Tiyarafenu ano funtaré iyain mino. Mai fara vara ino. Bei kantasí ukhein avúavá barano van mino.

Iburu 9:28

Máan tukhan kokhon nanin bantai ume ampiantano van Karaisi ano manádái e fúaren bei narefó ákonte ukhen mino. Béi ma ovaránen erinten maen banasii ume evaráné ampiantiyá bano vara erinten naino. Ída ino. Mai ma véin ave ukháin nain kéká avirano van mi erinten mino.

1 Pita 3:11

Mai kéká ano namu avúavá ampiren kama avúavá ana vá barano. Ena kéká bá ma ará kuse manafin ban nará ákona e yorano.

1 Pita 3:13

Tiretí ankan ma kama avúavá barano van esin maen iye anó umó danten nafino.

2 Pita 3:11

Minó danasinta ma eúkukhein mai ira ano khaan kaurinten mifo kantasí ukhe vá puntákein avúavá ana variyan ban nanin banta vá bano.

2 Pita 3:18

Máan tin nompo setin ma Siyain Bafan Yisas Karaisin ma anunu ukhein tarisari vá afova vasá e inorano. Béimpin ná minó kakhan má aví ma yaní in avúavá bá ano saréa váken ná para van oriyan bano. Mai fura ino.

3 Yoni 1:11

Téi ma sinunu ukheruna sirona oe, ída vá máan avúavá ena nanin banta aní iyáke kama avúavá ánain mana vá dakhafono. Kama avúavá ma varé iyain kayo ano aníen Tiyarafenui vanasi uno sé iyan mifo namu avúavá ma variyain kayo ano mai Tiyarafenu ída afová ukhé uno sen aní é iyan mino.