Iburu 10:1 - Yisasini Kama Vaya

¹ Mosesini man baya maen mai ma ínaimpá ma kama yaná erin nain aman mi varen mifo Yisas Karaisi ano ma fura sikhein daná ma varen erein naino. Ída ino. Para va máa siya rauno. Mai ma ena ena oranafin ma safúnai narefó ma ákonte uanten eriyá ein mano ída uron mi vanasi ano ma monó tiyá ein ayaiyaren mino.

Iburu 10:1 Iomraidhean Croise

Romu 8:3

Man baya ano ume fintena ída kanaíen tetin tiya oren eimpin Tiyarafenu ano setin tiyaono van ena aa uvisen be Anin tiantan barará banta an daven eren mifo véi ída ume vain banta ino. Tiyarafenu ano mai aa sákéi setisi ume van be Anin tiantan daa unkamádantá e fúaren umei ákona ano ma setintá dafíkáré ein mai aruan puren mino.

Korosi 2:17

Para vara seyo, mai man baya kayo ano ínaimpá ma yákó inain daná amamanon mi varé íkan Yisas Karaisi anon pura sen mai yaná ban mino.

Iburu 10:22

Máan tukhanti erí tifé purasé túkáké bentá mumunan é Tiyarafenun ádesá oró tifano. Mai fara vara seyo, Yisas Karaisini nare anon tetinti namu ineine maman avusese uren ída fain bain nompói minó bukhafa sesé ukhen mino.

Iburu 7:11

Rivain anan banta ano ma kanaíen Tiyarafenui yoran mo kíparen ukhantin mai fará Tiyarafenu ano Rivain nú Eronin núi kéká pintena ída siantanton ná Merkisedekin an dakhein banta siantantin erino van en nafino.

Iburu 8:5

Mai ma fura sikhein monó namun ma inarufá baini aman mi ma varará ma vain monó namun bákan maifin mi yoriyan mino. Mai fara vara seyo, Tiyarafenun monó tiantan namun ma Mosesi uvarano van iyan maen Tiyarafenu ano ákonaen ma vayan tiamikharen mino. “Ma anuyontá ma aní eruna avúavá kasá teya minó daná uvarano.” Eks 25:40

Iburu 9:11

Máa sikharéin taréa Karaisi ano kama yaná kayo ma afoká eintá o monó ánon banta kékái ánon bantaí en mino. Máan tuven mai ma ma varará banta ayan mano ída uvaran ma inká ma varará ma uvamádan bain danasinta vá ma ída manaí ukhan ma moéken kama ukhein monó namun ma inarufá baimpin mi óden mino.

Iburu 9:23

Máan tukhein nan mi varará ma vain davaráe namun má maifin ma vain danasinta vá anon inarufá ma vain danasintai aman mi vákan Tiyarafenui man baya ma safúnai nare fóké sá ákonte ono sikhen mino. Máa sikhan mifo fura yanasinta ma inarufá bain mai safúnai nare esantakhein daná pói ákonte uren tesé uan avusese ukhen mino.

Iburu 9:25

Inká ena ena oranafin ma monó ánon banta kékái ánon banta ano ma Moéken Kantasí ukhein karafarampin ma safúnai narefó ákonte iyá ein an den ná be aufó ena ena Tiyarafenun íkun uan amiyan bano vará inarufá ódikhen nafino. Ída uron mino.