Taitas 3:8 - Bal cehec je haun

⁸ Je i cunug eu mele. Dana cajaca age Anutnu wawaga meleen eundec age me odocnu gagadic cisdoqagannu hina ceteh inu gehca qasali maadegannu gale tena. Me odoc eu ceteh meca, eu dana cajaca cesuladena.

Taitas 3:8 Iomraidhean Croise

Matju 20:4

maaden, ‘Ageha ijana wain cabina belimeig cabi oigale, ija agena cabi oc ameg ihoc adigen,’ aden. Odocob age cabi ocnu belimeig cabi oin.

Me Je i Jon Jaqen 12:44

Jisas co suli u maaden, “Oso ijanu waug meleena eu uqa ijanu dih qee meleena qa uqa sulten eunu ha waug meleena.

Me Je i Jon Jaqen 5:24

“Ija je mele maadigina, oso ijana je dugiaqa, sulten eu uqana jenu waug meleigiaqa, eu uqa cebac bilec catanec wele on. Uqa gesildocna qee leiaun qa uqa cal mecnadec cebac bilecnana wele leti len,” aden.

Aposel 12:15

Euqa age madoin, “Hina gad,” doin. Euqa uqa eu mele bahic mele ec cesusaadi maaden. Odocob age madoin, “Eu uqa dolog,” doin.

Pol Uqa Jaqec Je Oso Rom Tamanec Jaqiaden 4:5

Euqa dana oso uqa ititom coboc cabi qee ona qa uqa Anutnu waug meleena, Anut eu uqa silail mec dana eu uqa dana ititom ec madena. Dana eu uqana waug meleec Anut fena eunu uqa dana ititom ec madena.

2 Korin 4:13

Ege Kraisnu wawige meleena. Odocob Anutna jaqec je odi madena: “Ija Anutnu wawi meleen. Eunu ija je madem,” ena. (Buk Song 116.10) Kis dana eu cesuldocob jaqen eu uqa egeha cesulgeceb wawige meleeceb je qasali madoqona.

Efesas 4:28

Oso heje on eu haun cain heje oiaun. Euqa oso ihocca qee eu loo utecnu uqa gagadic mimi uqadodoc ebenna cabi ocob ceteh me cali hoiale.

1 Timoti 1:15

Krais Jisas ege silail dana cajaca cahahagecnu maha ina toni nen ec madec eu mele bahic. Je madec eu dana cajaca cunug dumeig wawaga meleigiannu ihoc nijia. Ijaha silail dana, ija silail dana cunug wooladec.

1 Timoti 2:8

Ija maadigina, dana cunug age tamanec jonana inondoigale. Dana eu age Anut ijan saolal mumudi ebenega suli u inondoigale. Age inondodoig gemanaga becca fee dadanecca qa cain bahic odowain.

1 Timoti 5:10

Odocob uqa cabi caunca me odocnu ijanca. Uqa uqana mel me cobocnu iwaladen, uqa dana cus hoc eundec loo aden, dana cajaca qagoc eundec jaimaga wasacudiaden, dana cajaca age culumenca eundec cesuladen, cabi me ocnu deweg qee sosogon ol, caja wij eundec dih ijanaga buk euna jaqeigale.

2 Timoti 1:12

Eunu ija qila saen ina deweninu sogoigina. Euqa age oditegina eunu ija majani qee tel. Ge, ija innu wawi meleen nijia, eu dugina. Uqa me je cabi ija ebenina men eu cofdutecnu ihoc, eu li deel cit qocna cabi eu gaid me biligian eu du cuhadugina.

Taitas 1:9

Uqa dana cajaca wawaga meleena eu adi cobocnu iwaladecnu ihoc odi biligiannuca, odocob uqa dana age mele je iwaladecnu uqa agena cahuldoc ihacadecnu ihoc odi biligiannuca uqa mele je ege iwaladoqona eu hewi daugdugian.

Taitas 2:14

Uqa ege silail cunugnadec ceseli fajigecnuca, uqa uqadodocnu dana cajaca sihul soigeceb ege me odocnu megameg moqona eu uqana bahic bilocomun catanigiannuca uqadodoc egenu men.

Taitas 2:7

Hinana cad age egenu je me qee madecnu ihoc qee, odocob age teiteieinnu majanaga odigiannu kobol cunug hina odogona hinadodoc kobol me himec odoga eunu age hina cebain oqagan. Hina dana iwaladec cabi euna mele je himec maadagale, je gauc cain gabandogaun. Hina je tutuc dih madagale, odocob dana age euna cahuldoc oso fecnu ihoc qee.

Taitas 3:1

Hina hinana tamanec dana cajaca dahiniga hewecem age kingca, gabmanca, ilo danaca filfilna bisalu bilecnuca, agena conoga toodu odocnuca, age cabi me cunug odocnu saciadoqagannuca maadagale.

Taitas 3:14

Dana cajaca leih age cetehca qee bahic bilecebilfi age cesuladecnu ihoc biluqagannu, odocob wawige meleec dana cajaca age cain gauc biluwainnu egena wawige meleec dana cajaca iwaladecem agena saen cabi me oigale.

Failimon 1:11

Wele uqa hina cesulhecnu cabi qee oloi. Qilaqa uqa hina ijaca cesullecnu cabi ona.

Hibru 10:24

Ege wawige meleec cotigeil nalunuga mecebmecebecnu odocob kobol me odudocobdocoboqagannu tuliadecnu cisdoqale.

1 Pita 1:21

Anut uqa Krais cal mecnadec tulidocob cajen. Odimei binan fulacdocca uten. Krais uqa age cesuladeceb age Anutnu wawaga meleen. Eunu age Anutnu wawaga meleena, odocob age Anut cahahaadigiannu sumudi bilegina.