Taitas 3:3 - Bal cehec je haun

³ Ge, ege egedodoc wele cisdoc silecca qee, je toodu odocca qee, qauadecca cobolob, odocob ege ceteh ilagnu amige qocca, golanige me qeenu sililecca toodu cobolob, ege cus mimi bili qisol mec kobol odadolob, ege dana osona ceteteh ocnu amige qoloi, dana age sagaggoloig, egeha sagagdocobdocobi cobolob.

Taitas 3:3 Iomraidhean Croise

Jenesis 38:9

Qa Onan mel cali hoqagan eu uqana qee eu uqa don. Eunu saen uqa waliag aidegca niniji olosi eu uqa uqana hinih eu gauc mahana basecdoloi. Euqa uqa waliag aideg mel cain baseiaunnu odoloi.

Jenesis 39:16

Eunu Potifa aideg uqa Josefna lotoc eu men bibilen uqa gemug jona hon.

Matju 21:29

Odocob mel eu memeg madon, ‘Culadiga,’ don. Hibna uqa memeg feedonnu eu ija cois qee odolom imei waug me qee meceb uqa wain cabina limei cabi on.

Me Je i Luk Jaqen 21:8

Odocob Jisas maaden, “Matica age ija ijanina mamadi hoqagan, ‘Ija uqa,’ oqagan. Odocob ageha madoqagan, ‘Saen wele hoia,’ oqagan. Euqa cain tooadowain. Eunu oso hu faninadi dado madeceb agena jic ceja qocna lowainnu batut feigale.

Me Je i Jon Jaqen 8:34

Odocobil Jisas jejenega hewi maaden, “Ija je mele maadigina, oso uqa silail mena eu uqa silailna begabeg meh cabi dana.

Pol Uqa Jaqec Je Oso Rom Tamanec Jaqiaden 11:30

Anut uqa dana cajaca cunug age uqana loo je tefacdoginanu uqa ameg me qee wadacadigen ec maden. Eunu uqa dana cajaca cunugnu waug qona. Eunu age Juda dana qee eundec, age wele Anut filedoin. Qilaqa Isrel age Anut filedoinnu Anut agenu waug qoc ageca bilen. Eu odiwe Anut agenu waug qoc ageca bilennu Isrel age Anut agenu waug qoc oqagannu age qila Anut filedogina.

Pol Uqa Jaqec Je Oso Rom Tamanec Jaqiaden 6:12

Silail kobol eu age dewenega eu cal mena cain culdocobil cilehadeiaun. Age dewenegana gale doc me qee eu cain toodowain.

Pol Uqa Jaqec Je Oso Rom Tamanec Jaqiaden 6:17

Mele, wele age silail kobolna cabi dana bilein qa hibna age Anutna je gadac dah mimeig age wawaga meleeceb je eu qila tutuc bahic toodogina. Eunu ege Anut hegaga doqale!

Pol Uqa Jaqec Je Oso Rom Tamanec Jaqiaden 6:22

Qilaqa Anut uqa silail uqana gagadic odocnadec wele begesaden. Odimei uqa uqana cabi dana odi maden. Odocob eu uqana aig qoc eu odi. Age Anutnu gun cocoboig li cebac bilec catanec oqagan.

Pol Uqa Jaqec Je Oso Rom Tamanec Jaqiaden 6:6

Ege odi doqona, silail uqana kobol ege dewenigena cabi ona eu qee mudigiannu, odocob silail kobol eu ege uqana cabi dana haun cain biluqaunnu ege wawige hilah eu wele Krais Jisasca gabandumeig na babalecna tuitu qocobil cal mesin.

2 Korin 12:20

Ge, ija ono ageca calimig feciadigen saen euna age qila bilegina odi biluqagannu gale tena eu age fil bahic biluwain eunu cucuiigina. Odocob age ija fecituqagan eu ija qila biligina odi biligennu calecnu gale adena eu ija fil bahic biligaun eunu cucuiigina. Odocob ija ageca calimig ija jena fee dadanecca, cotigcotignu waug me qee mecca, gemanaga becca, ija didih ecca, osonu je me qee madecca, hibiloh je me qee madecca, deboecca, ihulahalca kobol eundec figaunnu cucuiigina.

Galesia 6:3

Ge, dana oso uqa caunca qee eu uqanel waugna madi, ija ijanica biligina, ena eu uqadodoc qaudona.

Kolosi 1:21

Ageha age saen osona Anut cemenug qee bilelein. Age qisol mimi age cisdoc me qee cisdoloig eunu age uqana cad onoca bahic bilein.

Kolosi 3:7

Wele age kobol i toodu odoloig saenna ageha kobol ina coboloig.

2 Timoti 3:13

Euqa dana qisol mimi cobocca, faninadecca age me qee odoc nag odi odoin, hibna me qee bahic odoqagan. Age oso qauadecebil agenelha qauadoqagan.

2 Timoti 3:6

Dana eundec leih age caja cisdoc dalul aqec bilegina agena jona lecnu jic walegina. Age faninaadi agena cisdoc cofduadegina. Caja eu age silail mein. Age agena silailnu majanaga adena qa age wawaga cajeceb age kobol guggug odoc gugca qee eu odogina.

Taitas 1:16

Age madi, ege Anutnu doqona, egina qa agena odoc age Anutnu qee dogina ec madena. Anut uqa agena odoc sagagdona, age Anutna je qee toodu odogina. Age odoc me oso odocnu ihoc qee.

Taitas 2:12

Uum igec eu uqa ege Anut hibemdudu coboqaunnuca, mahana kobol me qee eunu golanige sililiaunnuca, ulaulgena. Ege maha ina egedodoc dumanige cofdocnuca, ititom cobocnuca, Anutna kobol toodu odocnuca cesusgena.

Jems 1:26

Dana oso uqa odi cisdona, “Ija Anutnu wawi meleecca me bahic Anut binan suligina,” qa uqadodoc co qee cofdona eu uqadodoc waug qaudona. Eunu uqana waug meleec cuha fecca eu gauc himec.

1 Pita 1:14

Age mel sim je toodu odoginawe odi odoigale. Wele age docca qee, odocob age wawaga cajecna kobol toodu odoloig. Qila age kobol eundec haun toodu odocnu cain cisdowain.

Jahunec Je Camasac Muden 12:9

Odocob age man sononec ben eu qeludecebil tonen. Man sononec ben eu wele gug qoc saenna bilen, age Balijec Dana egina, age Setenha egina. Uqa dana cajaca cunug age mahana bilegina eu uhuladec dana. Age uqaca uqana enselca qeladecebil mahana tonein.

Jahunec Je Camasac Muden 13:14

Kobolkobol eu Anut hawadocob odon euna uqa dool cus me qee matu amegna dana cajaca mahana bilegina eundec uhuladen. Uqa age eundec maadeceb age dool cus me qee matu age han sigin qeli qocobil cal men qa cebac bilina eunu ihicon qoin.

Jahunec Je Camasac Muden 18:2

Uqa co suli u utai maden: “Babilon Ben uqa wele fadali toneia! Dana hatu filfilnadec cunug age uqana wain jein, wain eu gagadicca, eu uqana wal kobol odoc. Mahanadec king age uqaca nijein eu odiwe dana uqa wal cajaca nijesina. Mahanadec qaig oc cabi dana age uqana cehewan ocnu gale docna qaig ben bahic oin Eunu uqa wele fadali toneia! Qila buga me qeeca dolonoga filfil me qeeca age ono bilegina. Man fululec filfil gegehinca me qeeca age ono bilegina,” en.