Taitas 2:12 - Bal cehec je haun

¹² Uum igec eu uqa ege Anut hibemdudu coboqaunnuca, mahana kobol me qee eunu golanige sililiaunnuca, ulaulgena. Ege maha ina egedodoc dumanige cofdocnuca, ititom cobocnuca, Anutna kobol toodu odocnuca cesusgena.

Taitas 2:12 Iomraidhean Croise

Matju 12:32

Odocob dana oso Dana Melahnu je me qee oso madecebfi Anut uqa dana eu uqana silail cagasitugian. Euqa oso Kis Gunnu je me qee madenafi Anut uqa silail eu saen qilaca saen bilec catanecca qee cagasitoiaun,” aden.

Matju 16:24

Odocob Jisas uqana malogom maaden, “Feiga, Dana Melah uqa Memegna kobolkobolca uqana ensel gami hoqagan. Deel euna uqa dana abesabes age odoinnu ameg wadacadigian. Eunu dana oso mahamaha cehewan cunug oialumiqa uqana cebac bilec qee moubmi cehewan on eunu me biloubfo? Qeefi, dana uqa cebac bilec eu culecebfi cel cetehna uqana cebac bilec ceseli besi ocnu fajudigian? Oso uqa uqana cebac bilec cahahadugia odona eu uqa uqana cebac bilec felacudigian. Odocob oso uqa ijana bilina eunu uqana cebac bilec felacudecebfi eu uqana cebac bilec ugian. Eunu oso uqa ijanu madi, ija uqa jaih ceen lahacdudu toodugen, ena eu uqadodoc deweni me biligian ec cain madeiaun qa uqa uqana na babalec hewi gahidumei tooteiale.

Matju 28:20

Age je ija maadolig eu cunug age adem cunug iwaladecebil toodu odoqagannu maadeiga. Dogina, ija dudu age gami deel cunugna biluquna qila ina leceb mahamaha bilec saen deel euna qee migian,” aden.

Me Je i Luk Jaqen 1:6

Ale Anut amegna ititom bilesin. Ale Tibudna loo jeca, uqana jeca eu cunug toodu bibilesi cobosin. Eunu Tibud alenu jeca qee.

Me Je i Luk Jaqen 1:75

Eunu agena deel cunug cebac bilec age ititomca gunca ija amina coboqagan,’ gen.

Me Je i Jon Jaqen 14:30

“Maha i uqana dana ben uqa hona. Eunu ija je mati bahic ageca haun qee madoqaun. Dana eu uqa ija mateceb odigen eu gagadic odocca qee.

Me Je i Jon Jaqen 6:25

Dana cajaca age Jisas wa cagoc lan ono isec gulucdumeig sisildu madoin, “Meca, hina cel saenna ene hom?” doin.

Aposel 24:16

Eunu ija Anutca, danaca, amagana ijana kobolca, ijana wawina cisdocca, jic coboc me himec foqagannu gagadic migina,” en.

Aposel 24:25

Euqa Pol uqa ititom kobol odocca, me cobocca Anut deel hib cit qocna humei gesilgigi tutuc migecnu madeceb Filiks uqa cucuiimei madon, “Hina qila cois nuugale. Ija saencafi haun mahecemin hogan,” don.

Pol Uqa Jaqec Je Oso Rom Tamanec Jaqiaden 12:2

Odocob age dana mahanadec cobogina odi cain tooadi cobowain. Euqa age Anut culdecebil agena cisdoc isindocob agena coboc haun ibuldugian. Odocob age Anut eeta gale dona eu doqagan. Euha cel ceteh eu me, eeta odocomun Anut egenu waug nijigian euha doqagan. Cel kobol eu ihoc bahic ege odocnu euha doqagan.

Pol Uqa Jaqec Je Oso Rom Tamanec Jaqiaden 6:12

Silail kobol eu age dewenega eu cal mena cain culdocobil cilehadeiaun. Age dewenegana gale doc me qee eu cain toodowain.

Pol Uqa Jaqec Je Oso Rom Tamanec Jaqiaden 6:19

Agena cisdoc eu mahanadec eunu ija dana egena cisdoc toodumig maadigina. Wele age dewenega amihilon cunug kobol gegehinca uqana cabi dana biloloig, odimeig age eunu qisol mec kobol gehgeh odoloig. Qilaqa age dewenega amihilon cunug ititom kobolna cabi dana mudeiga. Odimeig age kobol gun odocnu oodi bileiga.

Pol Uqa Jaqec Je Oso Rom Tamanec Jaqiaden 8:13

Age wawaga hilah uqana kobolna cobifeig age cal moqagan. Euqa age Kis uqana gagadic odocna dewenegana kobol me qee eu qee mudifeig age cebac biluqagan.

2 Korin 1:12

Ija ceteh inu culai madigina, ija dana cajaca cunug Anutna kobol tutucnaca kobol gunnaca odadem ec wawi madena. Ija dana agena cisdoc silecna qee odadelem qa Anutna eelgec uum igecna odadem. Odocob ija kobol ina Korin age wooladi odadem.

2 Korin 7:1

O ijana danah bahic, je hahun i Anut maden eu ege wele om. Eunu ege kobol gegehinca cunug ege dewenige dolonigeca euna nijia eu wasacudimeb Anut cumundudu uqanu qagu coboqale.

Galesia 1:4

Jisas Krais uqa Memige Anutna cisdoc toodon. Odimei uqa qisol mec saen i qila bilina ege saen ina uqana gagadic odocnadec besigecnu egena silailnu uqadodoc deweg ihandumei cal men.

Galesia 5:24

Odocob dana cajaca age Krais Jisasna bilegina eu age dewenega gale docca, golanaga me qeenu sililecca eu na babalecna tuitu qocobil cal men.

Efesas 1:4

Anut maha qee ifanec ninijen uqa ege uqana bilitoqannu Kraisca gabandoc bilec euna wele nesili ehigen. Uqa ege gun bilecnuca, cahuldocca qee uqa amegna bileqannu nesili ehigen. Anut uqa nalunige menanu

Efesas 2:2

Saen euna age maha uqana qisol mec kobolna coboloig. Age buga me qee saona bilegina eu agena ilo toodoloig. Kis me qee gagadicca eu uqa dana cajaca age Anutna je tefacdogina eu wawaga dunuh cabi ona.

Kolosi 1:22

Euqa qila uqa Melah deweg na babalecna cal men euna Anut uqa tanawadeceb uqaca osoben wawaga osol men. Melah uqa age ehadeceb Anutca loqagannu, odocob age gunca, tutuc odocca, cataniecca uqa amegna biluqagannu uqa eu odi odon.

1 Tesalonika 4:7

Ge, Anut uqa wawige gegehinca cobocnu qee utagel qa uqa egena coboc eu soidoc cataniec migiannu utagen.

1 Tesalonika 4:9

Wawaga meleec cotigcotignu nalug mecnu iwaladigen ija odi jaqiadecwe qee. Ge, Anut uqadodoc nalug mecebmecebecnu iwaladen.

1 Timoti 4:12

Age hina mel haun fecihuqagan qa age hina dana gauc ec cain cisdowain. Euqa hina dumain cobocna wawaga meleec dana cajaca dado madagale. Hina connaca, hina nalunuga mecnaca, hina wawin meleecnaca, odoc cataniecnaca age adi cobocnu ihacadagale.

1 Timoti 6:17

Dana age cehewanagaca maha ina bilegina eundec cain deboowainnu maadagale. Age cehewanaga cunug maha inadec eu mahuc odi me qee mena eunu cain wawaga meleeiaun. Euqa age Anutnu wawaga mele bahic igian. Uqadodoc ege ceteteh mati bahic wawige ceeli bilecnu igena. Eu odi maadagale.

1 Timoti 6:9

Euqa meen qaig ocnu gawec eu kobol me qeenu gug. Dana leih age wawaga meen qaig ocnu gawec kobol eu diadeceb age wawaga meleec culein. Odocob age culumen sogoec ben gahidogina. Eunu dana age mahana cehewanagaca bilecnu wawaga madena, eu age temadecna toni aqena. Eu aisaisna leginawe odi loqagan. Ageha gadwe odocca golanaga mahana ceteteh ocnu sililec euca fadalecna ehi li madena.

2 Timoti 3:12

Eu mele, cunug age Krais Jisasca gabandu bilec Anutna kobol toodu odocnu wawaga nijina eundec dana age jabadi tootooadoqagan.

Taitas 3:3

Ge, ege egedodoc wele cisdoc silecca qee, je toodu odocca qee, qauadecca cobolob, odocob ege ceteh ilagnu amige qocca, golanige me qeenu sililecca toodu cobolob, ege cus mimi bili qisol mec kobol odadolob, ege dana osona ceteteh ocnu amige qoloi, dana age sagaggoloig, egeha sagagdocobdocobi cobolob.

Hibru 8:11

Odocob dana osolosol cunug ageca jobon osol cotogailca odi iwaladecnu cabica qee. Age cotogail oso qee madowain, “Hina Tibudnu doga,” qee dowain. Saen euna dana cajaca cunug age ijanu doqagan, dana cajaca mecaca sim calcalca cunug ijanu du cuhadoqagan.

Jems 1:27

Cuha fec eu ege memige Anut amegna eu soidoc bahic nijeceb odocob gegehinca qee eu odi bilina. Age mel leih anagail memegailca cal mein eundec caja wij cuhanuc bilegina eu ageha culumen gahidocnu cesuladeigale. Ceteh osoha. Maha inadec kobol wawaga gegehin cain qoiaun. Odocob age agena jic coboc cofdu cuhadudu coboiga.

2 Pita 2:9

Aria, ceteteh i cunug Tibud odon ec dogina. Eunu age dogina, dana cajaca age Anutna kobolna cobogina eundec temadec ageca calecebfi Tibud uqa temadec eunadec cahahaadecnu dona. Odocob Tibud uqa silail dana agena me qee odoc wele don. Odimei uqa agena ameg me qee wadacadec cofdudu li agena gesiladecnu deel gadacna caligiannu dona.

2 Pita 3:11

Aria, cisdoiga. Ceteteh i cunug fadaloqagan. Eunu age dana cajaca adi biloub? Age gun kobolna cobimeig Anutna kobol cunug toodoubda.

1 Jon 2:27

Euqa Krais uqa Kis Gun basecduaden eu ageca gaid bilina. Odocob Kis Gun uqa ceteh cunugnu iwaladena. Eunu oso iwaladecnu qee nijel. Euqa Kis Gunna iwaladec eu mele, eu uhulec qee. Eunu age Kraisca gabandu bileigale eu odiwe Kis Gun iwaladen.

1 Jon 2:6

Oso uqa madena, “Ija Kraisca gabandoc biluwuna,” ena eu Krais cobonwe odi coboiale.

1 Jon 5:19

Ege doqona, ege Anutna mel biluquna, odocob maha i cunug Setenna gagadic odoc cofdona.

Jud Uqa Jaqec Je Oso Anutna Dana Cajaca Jaqiaden 1:18

Age odi maadein, “Cit qoc saenna lelanec dana age hoqagan. Age Anut hibemdumeig agena gale adec me qee toodoqagan,” adein.

Jahunec Je Camasac Muden 14:12

Je eunu Anutna qagu coboc dana cajaca age agedodoc hulunuga cehecnu cisdoigale, dana eu age Anutna loo je toodu cobogina, age Jisasnu wawaga meleec hewegina.