Pol Uqa Jaqec Je Oso Rom Tamanec Jaqiaden 9:22 - Bal cehec je haun

^22-24 Anut uqa uqana kobolkobol gagadicca egenu uqa waug qoc camasac mudecnu gale don. Ege uqana kobolkobol ceteh me bahic amca ocnu uqa wele hanoigen. Egeha uqa utagen, ege Juda sihulnadec himec qee utagel qa ege Juda dana qee eundec sihulnadec euha utagen. Eunu Anutna odoc eu odiodi odon. Uqa uqana gemag bec camasac mudecnuca, uqana gagadic odoc dana cunug fecnuca eu gale don. Eunu agenu gemag bena uqa fadaladecnu mudaden eu camuhulaadi saen cecelac fadaladecnu sumaden.

Pol Uqa Jaqec Je Oso Rom Tamanec Jaqiaden 9:22 Iomraidhean Croise

Jenesis 15:16

Hinana sihul eu maha ina mahuc qee ceseli howain. Amo sihul age maha ina bilegina kobol me qee mati bahic eu qee odi hedoc nijia. Cabi gel 400 leceb age odi hedocobil aria ija age gagadic wadacadimig maha inadec ititacadigen. Odocomin saen euna hina jajainel ene ceseli hoqagan,” don.

Pol Uqa Jaqec Je Oso Rom Tamanec Jaqiaden 1:18

Ege doqona, Anut gemag bec eu sao jobondec nimei camasac mena. Uqa dana cunug age silail mimi kobol me qee odogina eundec wadacdoc ameg me qee adenanu. Dana eu age silail megina euna mele je cilehdogina.

Pol Uqa Jaqec Je Oso Rom Tamanec Jaqiaden 9:17

Eu mele, Anutna jaqec jena Anut uqa Fero madon: “Ija hina dewenna eu ijana gagadic odoc dana cunug foqagannuca, odocob dana cajaca mahamaha cunugna bilegina eu age ija ijani doqagannuca odihecemin king calem,” don. (Kisim Bek 9.16)

Pol Uqa Jaqec Je Oso Rom Tamanec Jaqiaden 9:20

Euqa hina cel dana hina Anutna je wadacdu madogona? Hal eu dana muden uqa madona: “Hina eetanu ija edi muditem?” dona (Aisaia 29.16; 45.9) eu odi qee nijel.

Pol Uqa Jaqec Je Oso Rom Tamanec Jaqiaden 9:21

Hal mudec dana uqa maha cudun osolnadec umei hal lecis mudina, oso eu hal me bahic odocob cabi me ocnu deel benna, oso eu hal gauc cabi ocnu deel cunugna. Eu odi eu cois qee aganafo?

1 Tesalonika 2:16

Age Anut Juda dana qee eundec cahahaadecnu me je ege maadoqona euqa cahacgegina. Age eu odocna silail mec gaid am mi ihoc lena eu wadacadec oqagannu odogina. Euqa Anut gemag bec wadacadecca eu qila i ageca hona!

1 Tesalonika 5:9

Anut uqa ege uqa gemag bec ocnu qee madel. Euqa Anut uqa Jisas Krais egena Tibud uqa cahahagigian ec maden.

2 Timoti 2:20

Dana cehewanca uqana jo ben osona boh dewenega filfil nijadena. Leih eu gold silwacana mudadein, leih eu na mahacana mudein. Odocob leih eu cabi me ocnu deel benna, leih eu cabi gauc ocnu deel cunugna.

1 Pita 2:8

Odocob “Meen eu dana cajaca agena jicna caleceb age qeti aqeceb toni aqigian,” ec Anutna jaqec je oso madena. (Aisaia 8.14) Age Anutna je tefacdogina eunu meen eu age jaimaga qeti qocob age toni aqena. Age eu odi odoqagan ec Anut uqana cisdoc wele toodumei je maden.

1 Pita 3:20

Kis eu age wele Noa uqana saen euna Anutna je tefacdoin. Noa uqana saen euna qisol mec kobol ben wasecnu odon qa Anut uqa dana cajaca ameg mahuc qee wadacadel. Uqa susumudi lili Noa uqa uqana wag ben mudi hedon. Odocob sihul nag oso, eu dana cajaca 8-pela himec, wag ben tobimeig dunuh lein. Odocob wa sil ben cajimei wag eu u suldocob basai cobon. Odocob Anut uqa dana cajaca 8-pela eu wana cahahaaden.

2 Pita 2:3

Odocob dana eu age ban falec dana bahic eunu age uhulec je mati agena qaig ceteteh diduadoqagannu madoqagan. Euqa wele bahic Anut dana eundec gesiladigiannu deel saciadon bilia. Odocob uqa fadaladigian. Aria, agena fadaladec qee us nijina. Tu gegeldon sumadi bilina.

2 Pita 2:9

Aria, ceteteh i cunug Tibud odon ec dogina. Eunu age dogina, dana cajaca age Anutna kobolna cobogina eundec temadec ageca calecebfi Tibud uqa temadec eunadec cahahaadecnu dona. Odocob Tibud uqa silail dana agena me qee odoc wele don. Odimei uqa agena ameg me qee wadacadec cofdudu li agena gesiladecnu deel gadacna caligiannu dona.

2 Pita 3:15

Egena Tibud uqa egena silailnu tului falicdocnu sumigina. Age cisdoiga, Tibud uqa ege cahahagecnu kobol eu odi odona. Anut uqa ege cotige bahic Pol cisdoc silecca uten. Odocob uqaha uqana cisdoc silecca toodumei je eundec age jaqiaden.

Jud Uqa Jaqec Je Oso Anutna Dana Cajaca Jaqiaden 1:4

Dana leih age wele jahuni agena tamanecna dunuh hoin. Anut uqa wele bahic odi maden, dana eundec Anut gesiladeceb fadaloqagan ec maden. Dana eundec age ege Anutna eelgec uum igec om eunu ege wal kobol majanigeca qee odocnu eu cois ec madegina. Age egena Ben osol, egena Tibud Jisas Krais, eu qee sasac qogina.