Pol Uqa Jaqec Je Oso Rom Tamanec Jaqiaden 8:9 - Bal cehec je haun

⁹ Euqa age wawaga hilah uqana kobolna qee bilegina. Age Kisna kobolna bilegina, eu mele Anutna Kis age dunuhna bilecebfi. Euqa dana oso uqa Kraisna Kisca qeefi uqa Kraisna dana qee.

Pol Uqa Jaqec Je Oso Rom Tamanec Jaqiaden 8:9 Iomraidhean Croise

Me Je i Luk Jaqen 11:13

Feiga, age dana gug me qee qa age agena mel ceteh me adecnu dogina. Eunu age mele dogina, Memega sao jobon bilia eu uqa age Kis Gunnu sisildogina eundec Kis Gun adigian!” aden.

Me Je i Jon Jaqen 14:17

Eu mele jenu Kis. Mahanadec age uqa qee fifi dudu egina. Eunu age uqa ocnu qee nijel. Euqa uqa ageca bilina, uqa age dunuhna biligian. Eunu age uqanu dogina,” aden.

Me Je i Jon Jaqen 14:23

Odocob Jisas jejeg hewi madon, “Oso uqa ija naluni mena eu ijana je toodu odigian. Odocob Mei uqa dana eunu nalug migian. Odocob Meica ijaca ele limeu dana eu elena jo bilec uqa dunuh bilewan.

Me Je i Jon Jaqen 3:6

Oso dana cajaca gug tatawi basecebil cali hona eu dana deweg cebac ona. Oso Kis baseceb cali hona eu kis cebac ona.

Aposel 16:7

Odocob saen age Maisia hatu gadacna li calimeig age Bitinia hatuna lecnu cisdoin qa Jisasna Kis qee culadel.

Pol Uqa Jaqec Je Oso Rom Tamanec Jaqiaden 7:5

Wele ege dewenige kobol hilahna himec bilom saen euna loo je odigeceb egena gale gec me qee silail mecnu sililoloi. Odocob cabi eu ege dewenigena cunug ihoc len. Odocob eu cal mec himec cabi euna caloloi.

Pol Uqa Jaqec Je Oso Rom Tamanec Jaqiaden 8:1

Eunu dana ege Krais Jisasca gabandom ege silail ameg ocnu ec je oso qee nijel. Dana uqana cisdoc eu waug hilah uqana kobol toodufei uqa Anutna loo je qee toodu odona. Uqa odi odocnu ihoc qee. Eunu dana eu uqa Anut cad mudina. Odocob dana wawaga hilah uqana kobolna cobogina age kobol Anut gale dona eu odocwe qee. Eunu dana wawaga hilahna kobolna cobogina eu agena cisdoc eu ceteteh wawaga hilahna eundecnu himec cisdogina. Euqa dana Kisna kobolna cobogina agena cisdoc eu ceteteh Kisna kobolnu himec cisdogina. Odocob dana uqana cisdoc eu waug hilahna kobolna himec tawenafi dana eu uqa cal migian. Euqa dana uqana cisdoc eu Kisna kobolnu himec cisdonafi dana eu uqa malol bilecca cebac bilecca ugian. Eunu ege wawige hilah eu gagadic odocca qee eunu ceteh eu loo je odocwe qee Anut uqa odon. Loo je eu dana cajaca age kobol ititom odoiga ec madena eu ege wawige hilahna jic coboc kobolna qee coboqona qa Kisna jic coboc kobolna coboqona eu ege kobol ititom ihoc odocnu Anut uqagul Melah suldocob uqa silail deweg eu egena silail dewenigewe u tacimei nen euna silail eu wawige hilahna mena eu qee mecnu odon. Odocob cebac bilec Kisna loo je uqa ege cunug Krais Jisasca gabandoc biluquna eu cebac bilec igen eu silail cal mecca alena loo jenadec besiten. Odocob eunu dana ege Krais Jisasca gabandom ege silail ameg ocnu ec je oso qee nijel.

Pol Uqa Jaqec Je Oso Rom Tamanec Jaqiaden 8:11

Anut uqa Jisas cal mecnadec tulidocob ceseli cajen eu uqana Kis eu age dunuhna bilecebfi Anut uqa Jisas cal mecnadec tulidocob ceseli cajen eu uqa Kis eu age dunuhna bilina euna age cal mec dewenegaha cebac bilec adigian.

1 Korin 15:23

Euqa dana cunug osolosol agena saennana ceseli cajoqagan. Krais uqa casac matu ceseli cajen. Odocob uqa ceseli hugian saen euna Krais uqana eundec ceseli cajimeig cebac bilec oqagan.

1 Korin 3:16

Anutna cuha jo eu age, odocob Anutna Kis age wawagana bilia ec qee doginafo?

1 Korin 6:17

Euqa dana oso uqa Tibudca fagdona eu uqa Tibudca alena Kis osol calowasan.

1 Korin 6:19

Age dewenega eu Kis Gunna cuha jo gun ec age qee doginafo? Anut uqa age wele Kis Gun aden eu uqa age dunuh bilia. Ge, Anut uqa age ameg benna bahic fajadi ceden. Age dewenega eu agena bahic qee. Eunu age dewenegana Anut binan suleigale.

2 Korin 10:7

Age ceteh amagana nijia eundec fi cuhadoiga. Dana oso uqa Kraisna dana bahic ec uqadodoc cisdonafi uqa cisdu cuhadugian, odocob uqa dugian, egeha Kraisna dana biluquna.

2 Korin 6:16

Anutna tempelca kadan tibudna bahimca eu adi gabandosina? Ge, Anut cebac bilina uqana tempel eu ege! Anut uqa odi madena: “Ija age gemo bilimig cobigen. Ija agena Anut biligen. Odocob age ijana dana cajaca biluqagan,” ena. (Wok Pris 26.12; Jeremaia 32.38; Esekiel 37.27)

Galesia 4:6

Odocob age Anut melahulnu Anut uqa Melahna Kis wawigena biligiannu suldugeceb nen, Kis eu uqa cesulgeceb ege Anut utadudu, Aba! Mei! doqona.

Galesia 5:24

Odocob dana cajaca age Krais Jisasna bilegina eu age dewenega gale docca, golanaga me qeenu sililecca eu na babalecna tuitu qocobil cal men.

Efesas 1:13

Ageha age mele je wele dah mein, eu me je euna Anut cahahaaden. Odocob age Kraisnu wawaga meleeceb Anut age Kraisca gabanadimei uqana je hahun wele maden eu toodumei Kis Gun aden, Kis Gun eu Anut uqa uqana dana cajaca ceteh me adigian ec maden eu ege oqan uqana sisi mec.

Efesas 2:22

Ageha age Kraisca gabanadec bilegina, odocob Anut uqa age uqana dana cajaca leih gami osoben gabanadena, eu age Anutna jo bahic tawegina, jo euna Anutna Kis biligiannu.

Efesas 3:17

Odocob age Kraisnu wawaga meleecna Krais uqa age wawaga dunuh biligiannu inondugina. Odocob agena dana cajaca cunugnu nalunuga mec eu age wawagana wasimei duuec tawigiannu inondugina, eu odiwe na bebeig eu maha gagadic heweceb na duuec tawena.

Filipai 1:19

Ija eetanu wawi ceelena? Age Anut ijanu inondoginaca, odocob Jisas Kraisna Kis cesultenaca euna age besituqagannu ija dugina.

2 Timoti 1:14

Mele je eu ceteh me bahic Anut hina ebenna men eu hina Kis Gun, ege dunuhna bilina, uqana gagadic odocna eu cofdu cuhadogale.

1 Pita 1:11

Kraisna Kis uqa je hahun madec dana eu age dunuh bilen. Kis eu uqa conogana Krais culumen dain doc sogoecca filfil gahidumei hibna binan ben fulacdocca ugian ec saaden. Kis saaden saen euna je hahun madec dana age wawali sisilec cabi oin, “Cel dana uqa ege cahahagigian?” ein, odocob “Aadeb dana eu cahahagigiannu hugian?” ein.

1 Jon 3:24

Cunug age Anutna je gagadic eu toodu odogina eu age uqaca gabandoc bilegina. Odocob ege uqa Kis Gun igen eunu uqa egeca gabandoc bilina ec doqona.

1 Jon 4:13

Anut uqa uqana Kis igen. Eunu kobol euna ege uqaca gabandoc biluquna, odocob uqa egeca gabandoc bilina ec doqona.

1 Jon 4:4

O ijana mel sim, age Anutnadec. Odocob Kis uqa age dunuh bilina uqa kis eu mahanadec dana age dunuh bilina eu wooldona. Eunu age je hahun uhulec madec dana eu wele wooladein.

Jahunec Je Camasac Muden 13:8

Dana cunug age mahana bilegina eundec age Sipsip Nag age qocobil cal men eu uqana cebac bilec bukna ijanaga qee jaqec taweia, eu age dool cus me qee eunu cuha foqagan. Ijanaga eu Anut maha cunug qee ifanec saen eunadec qee jaqec taweia.

Jahunec Je Camasac Muden 20:15

Oso uqa ijan eu cebac bilec buk euna qee jaqelein eu age heludecebil wa gudoc benwe jaca cijina euna non.