Pol Uqa Jaqec Je Oso Rom Tamanec Jaqiaden 5:8 - Bal cehec je haun

⁸ Euqa ege silail dana bibiluqun Krais cesulgigiannu cal men. Odoc euna Anut ege nalunige mena eu ihacgena.

Pol Uqa Jaqec Je Oso Rom Tamanec Jaqiaden 5:8 Iomraidhean Croise

Me Je i Jon Jaqen 15:13

Oso uqa uqana danah hehuladi cal mena, nalug mec eu wooldoc oso qee nijel.

Pol Uqa Jaqec Je Oso Rom Tamanec Jaqiaden 3:5

Odocob eu adi? Egena kobol tutuc qee eu Anutna kobol tutuc bahic eu camasac mudecebfi ege adi madeqan? Ege madi, Anut ameg me qee wadacgena eunu uqana kobol eu tutuc qee, eqanfo? (Ija danana cisdoc himec toodudu madiga.)

Pol Uqa Jaqec Je Oso Rom Tamanec Jaqiaden 4:25

Anut uqa Jisas suldocob nimei egena silailnu cal men. Odocob Anut ege dana cajaca ititom ec magigiannu uqa Jisas cal mecnadec haun tulidocob cajen.

Pol Uqa Jaqec Je Oso Rom Tamanec Jaqiaden 5:20

Odocob je tefacdoc ben bahic calecnu Anut uqa dana cajaca loo je aden. Odocob silail kobol eu ben bahic calena qa Anutna eelgec uum igec eu silail kobol wooldon, odimei ihoc len.

Pol Uqa Jaqec Je Oso Rom Tamanec Jaqiaden 5:6

Wele ege egedodoc cesulgecnu gagadic odocca qee bibiluqun saen Anut maden euna himec Krais uqa ege dana Anut hibemdom eundec ceseli cedgigiannu cal men.

Pol Uqa Jaqec Je Oso Rom Tamanec Jaqiaden 5:7

Dana oso uqa dana ititom coboc cesuldugiannu cal mecnu qee nijel. Mele, ege oso acahna ihoc waug gagadic mudimei dana me oso cesuldocnu cal migianfa.

Pol Uqa Jaqec Je Oso Rom Tamanec Jaqiaden 8:32

Uqa uqagul Melah qee sosogon ol euqa ege cunug cesulgigiannu suldocob nen. Uqa Melah wele igen eunu uqa ceteh cunugha qee igiaunfo?

Pol Uqa Jaqec Je Oso Rom Tamanec Jaqiaden 8:39

ohisdec cetehfo, qee maha dunuhnadec cetehfo, qee ceteh cunug Anut ifanen eundec osofo, qee ceteh cunug eu Anutna nalunige mecnadec besigecwe qee. Anut uqa nalunige mec eu egena Tibud, Krais Jisasna igina.

Galesia 2:20

Eunu qila ijana cebac bilec maha ina biligina eu ijadodoc cebac qee biligina qa Krais uqa ijana cebac bilec ija dunuh bilina. Odocob ijana cebac bilec qila biligina eu ija Anut Melahnu wawi meleecna biligina. Anut Melah eu uqa naluni mimei uqana cebac bilec ijanu ihanen.

Efesas 2:7

Uqa eetanu odi odon? Uqa ege Jisas Kraisca gabangec biluquna eu uqana eelgec uum igecca uqa egenu nalunige mecca eu me bahic cunug amagana hibna saen cunugna ihacadigiannu odi odon.

Efesas 5:2

Age wawaga meleec cotogailnu nalunuga mecna coboigale. Eu odiwe Krais uqa egenu nalunige mimei uqadodoc cebac bilec culimei Anutnu ihandon. Ihandoc eu dedeman me bahic wasena.

1 Timoti 1:16

Euqa Jisas Krais uqa silail dana cajacanu waug qona eu cunug du cuhadocnu waug nijia. Odocob uqa ijanu waug qon, ija silail dana cunug wooladec. Ija wa dodwe, odocob dana cajaca cunug Jisas Krais uqa adi ija oditen eu fimeig age uqanu wawaga meleeceb age cebac bilec catanec eu oqagan.

Hibru 8:3

Anut uqa nawel tawec ihanec dana ilo cunug age Anut loo uuteig ihanec gug filfil mecnu nesili ehadena. Eunu egena nawel tawec ihanec dana ilo uqaha ihanecnu ceteh osoca bilia.

1 Pita 3:18

Age Kraisnu cisdoiga, uqa dana ititom. Euqa uqa dana cajaca ititom qee cunug agena cudun umei hehuladen. Odocob uqa dana cajaca agena silailnu cagasiadimei ehadimei Anutca lecnu cal men. Krais uqa mahana cocobi dana bilen. Odocob dana age deweg tudocobil cal men. Uqa saen osolna dih cal men, uqa haun qee cal meiaun. Euqa Anut uqa tulidocob haun cajen. Qila uqa sao jobon kis deweg on bilia.

1 Jon 3:16

Krais uqa egenu uqana cebac bilec culen eunu ege cotigeilnu nalunuga mec ec doqona. Odocob eunu egeha ege cotigeilnu egena cebac bilec culuqale.