Pol Uqa Jaqec Je Oso Rom Tamanec Jaqiaden 5:13 - Bal cehec je haun

¹³ Mele, loo je qee calec saen euna silail maha ina nijen. Euqa loo je euca qeefi Anut uqa silail osolosol qee sanijina.

Pol Uqa Jaqec Je Oso Rom Tamanec Jaqiaden 5:13 Iomraidhean Croise

Jenesis 13:13

Aria Sodom dana age qisol jaumadec. Age Tibud amegna silail dana bahic.

Jenesis 18:20

Odocob Tibud uqa maden, “Sodom Gomoraca qisol ben bahic mesina dah miga.

Jenesis 19:32

Gec hoga. Memile wain utocohul jimei dalul qocob uqaca nijeqan. Eu odifeu ele melca mewan. Eufi egena sihul gaid biligian,” don.

Jenesis 19:36

Eunu Lot uqadodoc ategul odaleceb ale melca mesin.

Jenesis 19:4

Ale us nijuwasa oodosin taundec dana age jo talildoin. Sodomdec dana toiaca mel haunca eu cunug age jo talildoin.

Jenesis 38:10

Uqa kobol odon eu Tibud amegna qisol kobol bahic. Eunu Tibud uqa qagadocob uqaha cal men.

Jenesis 38:7

Qa Er, Judana mel matu, uqa Tibud amegna eu qisol dana. Eunu Tibud uqa qagadocob uqa cal men.

Jenesis 6:11

Qa saen euna dana cajaca cunug age Anut amegna qisol mec me qee bahicca. Age cunug han me qee cadein.

Jenesis 8:21

Odocob Tibud uqa dedeman eu tinca don. Eunu uqadodoc waugna maden, “Dana age melnadec agena qisol cisdoc eu gaid odi nijina. Eunu hibna ija dananu maha haun qee geldugaun. Ceteteh cunug mahana cobogina eu qila fadaladiga odiwe haun qee fadaladigaun.

Pol Uqa Jaqec Je Oso Rom Tamanec Jaqiaden 4:15

Ege doqona, dana age loo jeca bileginafi age loo je tefacdogina. Eunu Anut uqa gemag bena. Euqa Moses uqa loo je qee jaqecebfi dana age loo je qee tefacdogina.

1 Korin 15:56

Cal mec uqana jal aig eu silail. Odocob loo je eu silail gagadic odoc utina.

1 Jon 3:14

Ege wawige meleec cotigeilnu nalunuga moqona. Eunu ege cal mec bilec wele culdimeb cebac bilecna qila biluquna ec doqona. Oso uqa cotignu qee nalug mena uqa cal mec bilecna gaid bilina.

1 Jon 3:4

Dana cunug age silail megina eu age Anutna loo je tefacdogina. Odocob silail eu Anutna loo je tefacdoc.