Pol Uqa Jaqec Je Oso Rom Tamanec Jaqiaden 4:17 - Bal cehec je haun

¹⁷ Anutna jaqec je eu odi madena: “Ija dana am hatuhatunadec age memega mihiga,” ena. (Jenesis 17.5) Je hahun eu Anut amegna bahic taweia. Odocob Ebraham uqa Anutnu waug meleen. Anut eu uqa cal mec dana cebac bilec kis haun adena, odimei uqa ceteh qee calel eundec utaadeceb eu calena.

Pol Uqa Jaqec Je Oso Rom Tamanec Jaqiaden 4:17 Iomraidhean Croise

Jenesis 17:16

Odocob ija uqa eeldocomin uqa mel oso basihigian. Odocob Sera uqa hatuhatu age asaga caligian. Dana eu age leih king caloqagan,” don.

Jenesis 17:20

Aria Ismalnu je madaga eu ija dah mihiga. Faga! Ija uqa eeldocomin uqana sihul mati bahic fulusdoqagan. Uqana sihul eunadec hatu ilo 12 caloqagan. Uqana sihul hatu ben oso caligian.

Jenesis 28:3

Anut Gagadicca Bahic hina eelheiale. Odimei uqa odocob hinana sihul eu mati bahic caligian. Hinana sihul hatuhatu mati bahic caloqagan.

Matju 3:9

Euqa ija mele maadigina, Anut uqa meen ene nijegina eu cedimei Ebraham talacul euna madecnu ihoc. Eunu age cain cisdudu madowain, ‘Ebraham ege asige. Eunu Anutna gemag bec egeca qee hoiaun,’ owain.

Me Je i Jon Jaqen 5:21

Memige Anut uqa cal mein eundec tuliadimei cebac bilec haun adenawe, odi Melah osooso uqadodoc cisdoc toodu cebac bilec haun adena.

Me Je i Jon Jaqen 5:25

“Ija je mele maadigina, saen hugian, saen eu wele hon bilia. Saen ina cal mein eundec age Anut Melahna jejeg dah moqagan. Dah mimeig eu age cajimeig cebac biluqagan.

Me Je i Jon Jaqen 6:63

Kis uqa cebac bilec adena, deweg ganac uqadodoc cebac qee bilel. Je ija maadiga eu kisca cebac bilecca.

Aposel 15:18

Tibud eu odi madena, uqa wele bahic je i edi madeceb hu li madeceb doin,’ ena,” aden.

Pol Uqa Jaqec Je Oso Rom Tamanec Jaqiaden 3:29

Eu adi? Anut uqa Juda dana agena himecfo? Uqaha Juda dana qee agena Anut qeefo? Ese, uqaha Juda dana qee eundec agena Anut.

Pol Uqa Jaqec Je Oso Rom Tamanec Jaqiaden 4:18

Ebraham uqa Anut ceteh odigiannu maden eu jic qee fel qa dana jic wele fen cinigwe uqa waug mele bahic en. Eunu uqa dana am hatuhatunadec agena memega matu caligian eunu waug meleen. Eu odiwe Anut madon: “Hinana sihul age hibna odi cali hoqagan,” don. (Jenesis 15.5)

Pol Uqa Jaqec Je Oso Rom Tamanec Jaqiaden 4:2

Ebraham uqana tutuc cobocna Anut uqa dana ititom ec madoubmi uqa cetehnu culaecnu ihoc qa Anut amegna culaecnu ihoc qee.

Pol Uqa Jaqec Je Oso Rom Tamanec Jaqiaden 8:11

Anut uqa Jisas cal mecnadec tulidocob ceseli cajen eu uqana Kis eu age dunuhna bilecebfi Anut uqa Jisas cal mecnadec tulidocob ceseli cajen eu uqa Kis eu age dunuhna bilina euna age cal mec dewenegaha cebac bilec adigian.

Pol Uqa Jaqec Je Oso Rom Tamanec Jaqiaden 9:11

Euqa Anut uqa uqana cisdoc himec toodona. Eunu uqa uqana dana cajaca biluqagannu uqana cisdocna himec uqadodoc dana cajaca gesiladi ehaden. Uqa danana cabinu qee cisdona. Uqadodoc dana utaadena. Eunu wele mel lecis eu ale qee cali hocna kobol meca me qeeca eu qee odolosin,

Pol Uqa Jaqec Je Oso Rom Tamanec Jaqiaden 9:26

Odocob cudun ono euna age maaden, ‘Age ijana dana cajaca qee,’ aden cudun euna bahic age Cebac Bilec Anut melahul adoqagan!” en. (Hosea 1.10)

1 Korin 1:28

Anut uqa dana maha ina ijanagaca qee nesili cedaden. Dana mahanadec age dana eundec eu dana gauc ec cisdogina. Dana mahanadec age dana eundec cewadegina. Anut uqa dana ijanagaca gagadic odocca eu qee moqagannu odi odon.

1 Korin 15:45

Anutna jaqec je eu odi madena: “Dana matu Adam uqa dolog umei cebac men,” ena. (Jenesis 2.7) Adam cit qoc uqa kis, uqa cebac bilec igina.

1 Timoti 6:13

Ija hina, Anut uqa ceteh cunugnu cebac bilec adena uqa amegnaca, Krais Jisas uqadodoc uqana gug eu Pontias Pailat amegna je qasalen uqa amegnaca, ija je gagadic mahigina.

Hibru 11:12

Eunu dana osol eu toia bahic cal mecnu dodoldon uqa mel mati bahic memega calen. Geh bahic fulusdon, eu malaqa saona nijinawe, esic lanna nijinawe odi fulusdoin. Sanijadecwe ha qee.

Hibru 11:3

Ege wawige meleecnu Anut uqa je madenna himec sao mahaca ifanen ec doqona. Eunu ceteteh cunug foqona eu Anut uqa ceteh ege amigena fecwe qee euna muden.

Hibru 11:7

Noa uqa Anutnu waug meleen. Odocob Anut uqa dahig hewec je madon ceteh hibna caligian eunu Noa uqa ceteh qee fel qa Anutna jenu waug meleeceb wag ben jelen. Eunu Noa aideg melahulca melahul aidagailca age odi wag ben eu dunuh limeig me himec bilein. Waug meleec euna Noa uqa dana cajaca mahanadec cunug gesiladecwe men. Odocob Noana waug meleec eunu Anut uqa Noanu dana ititom ec maden, eu Anut uqa dana cajaca cunug uqanu wawaga meleena eundecnu odi odona. Eunu uqa Anutna dana ititom huqanehul oso calen.

2 Pita 3:8

Euqa ijana danah bahic, age ceteh osol inu cain dahiniga celeiaun! Tibud amegna deel osol eu odi cabi gel 1,000we, odocob cabi gel 1,000 eu odi deel osolwe.