Pol Uqa Jaqec Je Oso Rom Tamanec Jaqiaden 4:11 - Bal cehec je haun

¹¹ Wele bahic saen uqa deweg cagu qee qoc bibilen uqa Anutnu waug meleen, eunu Anut uqanu dana ititom ec maden. Odocob eu uqana gadac Anutnadec on sisi mec eu dewenega cagu qoc kobol. Eunu Ebraham uqa dana cunug age dewenega cagu qee qoloin qa age Anutnu wawaga meleeceb Anut uqa eu age dana ititom ec maden eu agena aquniadec memega.

Pol Uqa Jaqec Je Oso Rom Tamanec Jaqiaden 4:11 Iomraidhean Croise

Jenesis 17:24

Aria Ebraham uqa uqana cabi gel 99na uqa deweg gaga qon.

Matju 16:16

Odocob Saimon Pita Jisas jejeg hewi madon, “Krais eu hina. Cebac bilec Anut uqa melah eu hina,” don.

Matju 8:11

“Ija age maadigina, cam tobi becnadecca cam toni nocnadec ha mati hoqagan. Age Ebrahamca, Aisakca, Jekobca gami sao cul jobon ono sab jecnu biluqagan.

Me Je i Luk Jaqen 19:9

Odocob Jisas madon, “Dana Melah uqa fadaladigiannu bilein eundec waladi cahahaadecnu nen. Eunu dana iha uqa Ebrahamna sihulnadecnu qila Anut uqa dana cajaca age jo ina bilegina eu cahahaadeia,” don.

Me Je i Jon Jaqen 3:33

Dana eu Anut suldocob nen eu uqa Anutna je madena. Ge, Anut uqana Kis eu ihoc lec utina. Eunu oso uqa ohisdec uqana qasali maadec dah mimei gagadicca hewena eu uqa je sisi mec odi madena, “Anut uqa mele bahic,” ena.

Me Je i Jon Jaqen 3:36

Oso uqa Anut Melahnu waug meleena eu uqa cebac bilec catanec eu wele on. Oso uqa Anut Melah je madena eu toodu qee odona eu cebac bilec catanec qee feiaun qa Anutna gemag bec eu uqa deweg fagdona.

Me Je i Jon Jaqen 6:35

Jisas maaden, “Ija cebac bilecnu bred. Oso ijaca hugiaqa haun wen qee doiaun. Oso ijanu waug meleeceb haun wa gab qee doiaun.

Me Je i Jon Jaqen 6:47

Ija je mele maadigina, oso ijanu waug meleena eu uqa cebac bilec catanec wele on.

Me Je i Jon Jaqen 8:33

Odi maadeceb age madoin, “Ege Ebraham sihuldec. Ege osona begabeg meh qee bilolom. Hina eetanu magagana, ‘Age besiadec biluqagan’ agana?” doin.

Pol Uqa Jaqec Je Oso Rom Tamanec Jaqiaden 10:4

Ege doqona, Krais uqa loo je eu ihoc toodu li hedon. Eunu dana cajaca cunug Kraisnu wawaga meleena age ijanaga dana cajaca ititom eu ogina.

Pol Uqa Jaqec Je Oso Rom Tamanec Jaqiaden 10:6

Euqa dana waug meleeceb Anut dana cajaca ititom ec madec kobol eunu je odi madena: “Hina wawin odi cain madagaun, ‘In uqa sao jobon tigian?’ agaun. (Loo 30.12) Hina Krais ehudi ehi nigiannu odogona.

Pol Uqa Jaqec Je Oso Rom Tamanec Jaqiaden 3:22

Anutna kobol ititom eu odi. Dana Jisasnu waug meleena eu uqa Anut dana ititom ec madena. Odocob dana cunug Jisasnu wawaga meleena age ijanaga dana ititom adegina. Anut uqa dana am cunug odi odona eu odoc filna qee odona.

Pol Uqa Jaqec Je Oso Rom Tamanec Jaqiaden 3:26

Qilaqa uqa dana agena silailnu cisdona. Eunu uqa uqana kobol ititom eu qila camasac mudigia odona. Eu odina Anut uqa uqadodoc eu ititom bahic ihacgena, odocob dana Jisasnu waug meleena uqaha Anut dana ititom dona.

Pol Uqa Jaqec Je Oso Rom Tamanec Jaqiaden 3:30

Anut uqa osol himec. Odocob Anut uqa dana age deweg cagu qoc agena wawaga meleecna age dana ititom ec adigian. Odocob uqa dana age deweg cagu qee qoc agena wawaga meleecna ageha dana ititom ec adigian.

Pol Uqa Jaqec Je Oso Rom Tamanec Jaqiaden 4:10

Aria, Ebraham adi bibilen Anut uqa dana ititom ec maden? Uqa deweg cagu wele qonfo, qee cagu qee qolfo? Eu mele, Ebraham uqa deweg cagu qee qoc bibilen Anut uqa dana ititom ec maden.

Pol Uqa Jaqec Je Oso Rom Tamanec Jaqiaden 9:30

Eunu ege eeta ec madecnu? Ege odi madecnu. Juda dana qee eundec age Anutna ititom kobol ocnu cabi qee melein eu age Anutna ititom kobol wele oin. Anutna ititom kobol eu wawaga meleecna oin.

Pol Uqa Jaqec Je Oso Rom Tamanec Jaqiaden 9:33

Anutna jaqec je oso eu odi madena: “Feiga! Ija Saion ono meen oso migina. Meen eu dana qeti aqeceb toni mahuluqagan. Dana age uqanu wawaga meleigian eu ija agenu majani qee teiaun,” ena. (Aisaia 8.14; 28.16)

Pol Uqa Jaqec Je Oso Rom Tamanec Jaqiaden 9:6

Ija Isrel dana cajacanu saen cunugna waloc tena qa dana cajaca Isrel sihulnadec calein eu age cunug eu age Isrel bahic qee. Eunu ija Anutna je hahun madec qee aig qolnu qee cisadegina.

2 Korin 1:22

Odimei uqa uqana sisi mec egeca migen. Odimei uqana Kis ege wawigena igen. Kis Gun eu Anut hibna ceteh igigiannu gale dona eu uqana naha matu. Eunu ege gaga inu Anut uqa hibna ceteh i igigian ec mele bahic doqona.

Galesia 3:22

Euqa Anutna jaqec je madi madena, dana cajaca age mahamaha cunug bilegina eu silail cilehadena, ena. Eunu dana cajaca age Jisas Kraisnu wawaga meleena eu age Anut uqa je hahun maden eu adigiannu odi nijia.

Galesia 3:29

Age Kraisca gabanadec bilegina eunu age Ebrahamna sihul, odocob age mugumige migecnu Anut uqa Ebraham je hahun madon eu oqagan.

Galesia 3:7

Eunu Ebrahamna sihul bahic eu age dana cajaca wawaga meleec gug tawena ec age dogina.

Galesia 6:16

Dana cajaca cunug age iwaladec je i toodu cobogina eu Anut uqa malol bilecca waug qocca eu ageca biliale, dana cajaca eundec age Anutna dana cajaca.

Efesas 1:13

Ageha age mele je wele dah mein, eu me je euna Anut cahahaaden. Odocob age Kraisnu wawaga meleeceb Anut age Kraisca gabanadimei uqana je hahun wele maden eu toodumei Kis Gun aden, Kis Gun eu Anut uqa uqana dana cajaca ceteh me adigian ec maden eu ege oqan uqana sisi mec.

Efesas 4:30

Kis Gun eu age Anutna dana cajaca bilegina uqana gaga, eu Anut uqana besiadec deelnu qagu madec bilegina uqana sisi mec. Eunu ageha Anutna Kis Gun waug me qee mudecebil cain waloc doiaun.

Hibru 11:7

Noa uqa Anutnu waug meleen. Odocob Anut uqa dahig hewec je madon ceteh hibna caligian eunu Noa uqa ceteh qee fel qa Anutna jenu waug meleeceb wag ben jelen. Eunu Noa aideg melahulca melahul aidagailca age odi wag ben eu dunuh limeig me himec bilein. Waug meleec euna Noa uqa dana cajaca mahanadec cunug gesiladecwe men. Odocob Noana waug meleec eunu Anut uqa Noanu dana ititom ec maden, eu Anut uqa dana cajaca cunug uqanu wawaga meleena eundecnu odi odona. Eunu uqa Anutna dana ititom huqanehul oso calen.

2 Pita 1:1

Ija Saimon Pita, ija Jisas Kraisna cabi dana aposelca. Ija dana cajaca age Jisas Kraisnu wawaga meleena eu jaqiadigina. Jisas Krais uqa egena Anut, uqa egena Cahahagec. Jisas Krais uqa ititom. Age uqanu wawaga meleec wele oin. Eunu agena wawaga meleecca egena wawige meleecca eu ihocihoc.

Jahunec Je Camasac Muden 9:4

Odocob Anut uqa age gigisac mahanaca, ceteh oso cebac bagacca, na cunugca, cain me qee madowainnu maaden. Euqa dana cajaca age Anutna sisi mec ilomoga domonna qee tawel eu himec me qee madoqagannu maaden.