Pol Uqa Jaqec Je Oso Rom Tamanec Jaqiaden 3:5 - Bal cehec je haun

⁵ Odocob eu adi? Egena kobol tutuc qee eu Anutna kobol tutuc bahic eu camasac mudecebfi ege adi madeqan? Ege madi, Anut ameg me qee wadacgena eunu uqana kobol eu tutuc qee, eqanfo? (Ija danana cisdoc himec toodudu madiga.)

Pol Uqa Jaqec Je Oso Rom Tamanec Jaqiaden 3:5 Iomraidhean Croise

Jenesis 18:25

Hina dana ititom qisol mec danaca gabanadi qee madegafi euqa hinana kobol qee. Eu odi odogaqa hina dana ititom qisol mecca osoben ihocihoc odadegan. Eu odi odoc hinana kobol qee! Hina mahamaha cunug agena gesilec dana. Hina tutuc gesilgec bahic gesilgaga,” don.

Pol Uqa Jaqec Je Oso Rom Tamanec Jaqiaden 12:19

O ijana danah bahic, agedodoc cahuldoc age odadegina eu ameg cain wadacdowain. Je cunug Anut culitoigale. Uqa gemag beceb ameg wadacadigian. Ge, loo je jaqec odi nijia, Tibud madena: “Cahuldoc kobol wadacdoc eu ijana cabi. Ijadodoc ameg me qee wadacdugen,” ena ec nijia. (Loo 32.35)

Pol Uqa Jaqec Je Oso Rom Tamanec Jaqiaden 2:5

Euqa hina wawin eu gagadic bahic odocob hina wawin qee tului falicdogona. Kobol eu odina hinana wadachec ameg me qee haudocwe magana. Odocob Anutna gemag bec camasac migian deelna uqana gesilec tutuc deel euna hinana wadachec ameg me qee ogan.

Pol Uqa Jaqec Je Oso Rom Tamanec Jaqiaden 3:19

Odocob ege doqona, Mosesna loo je eu uqa egena silail eu himec ihacgena, eunu dana oso uqa ija dana ititom ec madecwe qee. Eunu cel je loo je madena eu dana cunug age je madecwe qee bilimeig dana maha cunugnadec ege Anut amegna cahuldocca biluquna ec madoqagannu eu dana loo je bisalu bilegina eu age maadena.

Pol Uqa Jaqec Je Oso Rom Tamanec Jaqiaden 3:7

Dana leih age madegina, “Ijana uhulec je Anutna je mele camasac mudecebfi odocob eu uqa binan sulec mahamaha ihoc lifei uqa cain gesiltimei ija silail dana imei ameg me qeena wadacteiaun,” egina.

Pol Uqa Jaqec Je Oso Rom Tamanec Jaqiaden 4:1

Ebraham uqa dana ege cinigwe odocob uqa ege Juda jajanige. Eunu ege uqanu cel ecnu?

Pol Uqa Jaqec Je Oso Rom Tamanec Jaqiaden 5:8

Euqa ege silail dana bibiluqun Krais cesulgigiannu cal men. Odoc euna Anut ege nalunige mena eu ihacgena.

Pol Uqa Jaqec Je Oso Rom Tamanec Jaqiaden 6:1

Eunu ege eeta ec madecnu? Ege Anutna eelgec uum igec egeca ihoc ligiannu silail kobolna himec cois bileqan ec madeqan eu coisfo?

Pol Uqa Jaqec Je Oso Rom Tamanec Jaqiaden 6:19

Agena cisdoc eu mahanadec eunu ija dana egena cisdoc toodumig maadigina. Wele age dewenega amihilon cunug kobol gegehinca uqana cabi dana biloloig, odimeig age eunu qisol mec kobol gehgeh odoloig. Qilaqa age dewenega amihilon cunug ititom kobolna cabi dana mudeiga. Odimeig age kobol gun odocnu oodi bileiga.

Pol Uqa Jaqec Je Oso Rom Tamanec Jaqiaden 7:7

Eunu ege eeta ec madecnu? Loo je eu silail odi madecnufo? Qee bahic! Euqa loo je uqa ija silail mecnu qee ihactoubmi ija silailnu qee doum. Eu odi, loo je jaqec madena: “Hina osona cetehnu cain amen qoiaun,” ena. (Kisim Bek 20.17; Loo 5.21) Eu odi qee madoubmi ija ami qoc kobolnu qee doum.

Pol Uqa Jaqec Je Oso Rom Tamanec Jaqiaden 8:31

Eunu Anut ceteh i cunug odona eunu ege eeta ec madecnu? Anut ege cesulgenafi in uqa egena cad?

Pol Uqa Jaqec Je Oso Rom Tamanec Jaqiaden 9:30

Eunu ege eeta ec madecnu? Ege odi madecnu. Juda dana qee eundec age Anutna ititom kobol ocnu cabi qee melein eu age Anutna ititom kobol wele oin. Anutna ititom kobol eu wawaga meleecna oin.

1 Korin 15:32

Age ija dana himec ijana cisdoc toodumig cabi i om ec cisdoginafi eu cabi i adi cesultena? Ija Efesas ene dool cus gami cadomfi euna ija cel ceteh me oso om? Dana cal mein eu age ceseli qee cajowainfi eunu age madegina: “Uqadec ege cal meqan. Eunu ege sab jimeb ceu jocomun dalul qigeceb ceeloqale,” egina eu odi toodu odoqale eu me bahic. (Aisaia 22.13)

1 Korin 9:8

Age ija dana agena cisdoc himec toodumig je i edi madigina ec cain cisdowain. Qeeo! Mosesna loo jeha eu odi madena.

2 Korin 6:4

Euqa ceteh cunug ege odoqona euna ege Anutna cabi dana eunu ihacadoqona. Ege culumen filfil egeca caleginaca, ceteh ege me qee odigeginaca, ceteh ege calawamigecnu odoginaca eu cunugna ege gagadic tawoqona.

2 Korin 7:11

Age cisdu cuhadoiga. Wawaga tuciec Anut aden eu odadeceb age kobol me filfil odogina. Eu tuliadeceb age mahucmahuc agena je tutuc mudecnu odoin. Eu tuliadeceb age qee cahuldoloin eunu ihacgecnu odoin. Age ceteh calennu gemanaga ben, odocob ceteh hibna caligiannu cucuiein. Eu tuliadeceb age ija fecitecnu hoolein. Eu tuliadeceb age ijanu je me madein, odocob age dana eu ijanu je me qee maden eu gesildoin. Age ceteh cunugna je i tutuc mudecnu odogina eu agena kobol eu odi camasac ihacena, age cahuldocca qee.

Galesia 2:18

Ija Mosesna loo je toodu odoc kobol wele wagalem eu haun cehecnu sanan mifig ija ijadodoc loo je tefacdoc dana ihacadigina.

Galesia 3:15

Ija wawige meleec cotiel, ija qila dana egena kobolna je ihoc migina. Dana lecis ale je oso togodumesi bal cehi hedosin eu dana oso uqa bal cehec je eu qatanecwe qee, eu je leih haun tubdocwe qee.

Jahunec Je Camasac Muden 15:3

Age Moses, uqa Anutna cewel oc dana, uqana due silein. Age Sipsip Nagna dueha silein: “O Anut Tibud Gagadic Odocca, hinana odoc eu gagadic, eu me bahic! O dana hatu filfilnadec cunug agena King, hinana odoc eu tutuc bahic, eu mele bahic!

Jahunec Je Camasac Muden 18:20

Anut uqa uqana me qee odaden eunu gesildon. Eunu age sao jobonna bilegina eu age uqa fadalennu ceeleigale! Anutna qagu coboc dana cajaca, aposelca, je hahun madec dana ageca age ceeleigale!