Pol Uqa Jaqec Je Oso Rom Tamanec Jaqiaden 3:4 - Bal cehec je haun

⁴ Qee bahic! Anutna jaqec je odi madena: “O Anut, hinana je cunug eu mele bahic dana cunug eu fegina. Odocob hinana je eu gesilifeig hinana je eu tutuc himec foqagan,” ena. (Buk Song 51.4) Eunu dana cunug age uhulegina qa Anut uqa himec saen gaid je mele madena.

Pol Uqa Jaqec Je Oso Rom Tamanec Jaqiaden 3:4 Iomraidhean Croise

Matju 11:19

Odocob Dana Melah uqa sabca wainca jejen hon qa age madein, ‘Dana i feiga! Uqa sab muhna jec dana. Uqa wain jeceb dalul qoc dana. Uqa takis cedec danaca silail danaca agena danah bilegina,’ age odi madein. Euqa dana age Anutna doc silecca toodu odogina eu age tutuc odogina eunu dana cajaca cunug age fimeig madein, ‘Anutna doc silecca eu ititom,’ ein,” aden.

Me Je i Luk Jaqen 20:16

Uqa humei dana eu age fadaladeceb cal moqagan. Odimei wain cabi eu dana filfil adigian,” aden. Saen dana eu odi dah mimeig madein, “Eu odi calecwe qee!” ein.

Me Je i Jon Jaqen 3:33

Dana eu Anut suldocob nen eu uqa Anutna je madena. Ge, Anut uqana Kis eu ihoc lec utina. Eunu oso uqa ohisdec uqana qasali maadec dah mimei gagadicca hewena eu uqa je sisi mec odi madena, “Anut uqa mele bahic,” ena.

Pol Uqa Jaqec Je Oso Rom Tamanec Jaqiaden 11:1

Eunu ija sisiligina, Anut uqana dana cajaca wele hibemadenfo? Qee bahic! Ijaha Isrel dana. Ija Ebraham jajanig oso. Ija Benjamin sihulnadec.

Pol Uqa Jaqec Je Oso Rom Tamanec Jaqiaden 11:11

Eunu ija sisiligina, age wele toni aqen odimeig odoc eu odina wele me qee meinfo? Qee bahic! Age Anutna me je hibemdoin eunu jic euna Anut uqa Juda dana sihul qee eundec cahahaaden, odocob Isrel age sihul fil eu Anutna cahahaadec ocobil fimeig wawaga me qee migian.

Pol Uqa Jaqec Je Oso Rom Tamanec Jaqiaden 3:31

Eunu ege wawige meleenafi ege loo je hibemdoqonafo? Qee bahic! Ege wawige meleenafi ege loo je eu hehdocomun gagadic tawena!

Pol Uqa Jaqec Je Oso Rom Tamanec Jaqiaden 6:15

Eunu ege eeta odocnu? Ege qila loo je bisalu qee biluquna qa ege Anutna eelgec uum igec bisalu biluquna eunu ege silail cois mecnufo? Qee bahic!

Pol Uqa Jaqec Je Oso Rom Tamanec Jaqiaden 6:2

Qee bahic! Ege cal mecwe mimeb silail kobol eu wele culom. Odocob eu adi ege silail kobolna gaid biluquna?

Pol Uqa Jaqec Je Oso Rom Tamanec Jaqiaden 7:13

Eunu ceteh me eu qiteceb cal mem eu odifo? Qee bahic! Silail kobol eu ceteh me qee bahic eu camasac migiannu silail kobol eu ceteh me eu umei euna qiteceb cal mem. Odocobnu loo je jaqec eu age cain silail mowain ec madena eu silail kobolna gug bahic eu ceteh me qee bahic ihactena.

Pol Uqa Jaqec Je Oso Rom Tamanec Jaqiaden 7:7

Eunu ege eeta ec madecnu? Loo je eu silail odi madecnufo? Qee bahic! Euqa loo je uqa ija silail mecnu qee ihactoubmi ija silailnu qee doum. Eu odi, loo je jaqec madena: “Hina osona cetehnu cain amen qoiaun,” ena. (Kisim Bek 20.17; Loo 5.21) Eu odi qee madoubmi ija ami qoc kobolnu qee doum.

Pol Uqa Jaqec Je Oso Rom Tamanec Jaqiaden 9:14

Eunu ege eeta ec madecnu? Anut uqa Jekob nesili ehuden qa Iso qee nesili ehudelnu, “Anut uqa kobol ititom qee odi odon ecnu,” odi madecnufo? Qee bahic!

1 Korin 6:15

Age dewenega eu Krais deweg amihilon ec qee doginafo? Eunu ija Krais deweg amihilon umig wal caja deweg amihilon migenfo? Qee bahic!

2 Korin 1:18

Anut uqana je cunug madena eu toodu odona. Eu odiwe ijaha je cunug maadem eu odi “Ese, qee,” ecca osoben qee maadelem. Ija je mele himec maadem.

Galesia 2:17

Euqa ege Kraisca gabangec biluquna euna Anut ege dana ititom ec magecnu odoqonafi, odocob Mosesna loo je madi, ege silail dana gena, eunu Krais uqa silailna cabi danafo? Qee bahic! Uqa silailna cabi dana qee.

Galesia 2:21

Ija Anutna eelgec uum igec eu gesac qee mudelem. Anut ege dana ititom ec madecnu ege loo je toodu odoqona eu odi nijecebfi Krais uqa gauc cal men!

Galesia 6:14

Euqa ijanu, ija ceteh osonu qee culaigina, ija Jisas Krais egena Tibud eunu himec culaigina. Uqa na babalecna tuitu qocobil cal men eunu culaigina. Krais uqa na babalecna odoc euna oditeceb ijana cisdoc eu mahanadec kobol cunugnu cal men. Odocob ija mahanadec kobol cunug haun toodocwe qee.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

Taitas 1:2

Mele je uqana gug eu ege cebac bilec catanec oqannu susumudi biluquna. Eu Anut, uqa qee uhulina, uqa wele bahic sao mahaca qee ifanec saenna ege cebac bilec catanec i igigian ec maden.

Hibru 6:18

Eunu ceteh lecis nijesia. Oso eu Anut uqa Ebraham mele je madon, oso eu Anut uqa uqadodoc ijanna cagoc je maden. Eu ceteh lecis euna uqana cisdoc haun falicdocwe qee, odocob uqa uhulec je madecweha qee. Eunu ege leih busali limeb uqaca bilec me om eu ceteh ege sumudi biluquna Anut uqa olanigena men taweia eu gagadic hewecnu dahinige hewena.

1 Jon 5:10

Dana oso uqa Anut Melahnu waug meleena eu uqa je eu Anut qasali maden eu wele on, odocob je eu uqa waugna nijia. Dana oso uqa Anutnu waug qee meleena eu uqa Anut uqa Melahnu je qasali maden ec qee waug meleel. Eunu dana eu uqa Anut eu uhulec dana ec maden.

1 Jon 5:20

Odocob ege doqona, Anut Melah uqa humei Mele Anut docnu cisdoc silec igen. Ege Mele Anutca gabandoc biluquna, odocob ege Anut Melah, Jisas Krais uqaca gabandoc biluquna. Jisas Krais uqa Mele Anut, uqa cebac bilec catanec uqana gug.

Jahunec Je Camasac Muden 3:7

Odocob uqa maten, “Hina Filadelfia tamanecna ensel je odi jaqitogale: ‘Gun meleca uqa Dewidna ki hewi bilina, uqa jic hudeceb oso qee meneiaun, uqa jic meneceb oso qee hudiaun eu uqa je odi mahena,