Pol Uqa Jaqec Je Oso Rom Tamanec Jaqiaden 3:19 - Bal cehec je haun

^19-20 Odocob ege doqona, Mosesna loo je eu uqa egena silail eu himec ihacgena, eunu dana oso uqa ija dana ititom ec madecwe qee. Eunu cel je loo je madena eu dana cunug age je madecwe qee bilimeig dana maha cunugnadec ege Anut amegna cahuldocca biluquna ec madoqagannu eu dana loo je bisalu bilegina eu age maadena.

Pol Uqa Jaqec Je Oso Rom Tamanec Jaqiaden 3:19 Iomraidhean Croise

Me Je i Jon Jaqen 15:25

Eu je oso agena loo je jaqecna nijina eu ihoc ligiannu age odi odoin. Je eu odi maden: ‘Age sagagtecnu je silig qee nijel euqa sagagtein,’ en,” aden. (Buk Song 35.19; 69.4)

Me Je i Jon Jaqen 8:9

Jisas je eu maadeceb dumeig age abesabes besibesi belein. Matu casac nueceb oso ageha toodu beladi hedoin. Jisas uqa caja ica lecis himec culalecebil bilesin.

Pol Uqa Jaqec Je Oso Rom Tamanec Jaqiaden 1:20

Wele bahic Anut uqa ceteteh cunug ifanen saen eunadec hocob qila dana age uqa ceteteh ifanen eu fegina. Ifan euna age Anutna jahunec kobol leih dana age docwe qee ec docnu ihoc. Eu Anutna ifan gug bahic odi fegina. Uqa uqana gagadic odoc odi bileceb catanena, uqa Anut bilia eu age docnu ihoc. Odinu dana eundec age agena cahuldoc jajahuni madi ija Anut qee hibemdolom, ija Anutnu qee dugina ecebilfi agena je eu cesuladecnu ihoc qee.

Pol Uqa Jaqec Je Oso Rom Tamanec Jaqiaden 3:2

Ese, ceteteh me bahic mati calen. Casac ceteh me bahic oso eu odi, Anut uqana je Juda cofdoqagannu aden.

Pol Uqa Jaqec Je Oso Rom Tamanec Jaqiaden 3:23

Ge, ege dana cunug ege silail mom eunu ege Anutna fulacdoc ben eu ocwe qee.

Pol Uqa Jaqec Je Oso Rom Tamanec Jaqiaden 3:4

Qee bahic! Anutna jaqec je odi madena: “O Anut, hinana je cunug eu mele bahic dana cunug eu fegina. Odocob hinana je eu gesilifeig hinana je eu tutuc himec foqagan,” ena. (Buk Song 51.4) Eunu dana cunug age uhulegina qa Anut uqa himec saen gaid je mele madena.

Pol Uqa Jaqec Je Oso Rom Tamanec Jaqiaden 3:9

Odocob eu adi? Ege Juda dana Juda dana qee eundec wooladecfo? Qee bahic! Ija wele maadiga, silail ege dana cunug cilehgen, Juda danaca Juda dana qee eundecca cunug.

1 Korin 1:29

Anut uqa dana oso uqa binan eu Anut amegna qee suliaunnu odi odon.

Galesia 3:10

Anutna je odi jaqec nijia: “In oso uqa loo jena buk jaqec nijina eu cunug gaid qee toodu odona eu uqa Anutna geuldec bisalu bilina!” ec nijia. (Loo 27.26) Eunu dana cajaca age ititom coboc ocnu loo je toodu odogina eu age Anutna geladec bisalu bilegina.

Galesia 4:21

Age leih loo je bisalu biluqagannu wawaga nijia eundec ija je oso sisiladigen, age loo je madena eu du cuhadoginafo?

Galesia 4:5

Uqana loo je bisalu bilec euna uqa dana cajaca age loo je bisalu bilegina eundec besiadigia bili ceseli fajadi cedadigiannu hon. Eunu ege Anut melahul bilec oqannu odi odon.