Pol Uqa Jaqec Je Oso Rom Tamanec Jaqiaden 2:26 - Bal cehec je haun

²⁶ Eunu dana deweg cagu qee qoc uqa loo je gadac uqana kobol ititom bahic toodufei dana eu uqana deweg cagu qee qoc eu deweg cagu qoc kobolwe caligianfo?

Pol Uqa Jaqec Je Oso Rom Tamanec Jaqiaden 2:26 Iomraidhean Croise

Matju 15:28

Caja odi madocob Jisas madon, “O caja, hina wawin meleec eu caunca bahic! Hina madagana eu odihia,” don. Odocob caja uqa ateg saen euna bahic hag medon.

Pol Uqa Jaqec Je Oso Rom Tamanec Jaqiaden 2:25

Hina Mosesna loo je toodu odifeg hinana dewen cagu qoc kobol eu kobol me bahic. Euqa hina loo je tefacdufeg dewen cagu qoin eu kobol dewen cagu qee qoc cinigwe.

Pol Uqa Jaqec Je Oso Rom Tamanec Jaqiaden 2:27

Odocob dana age dewenega cagu qee qoc qa loo je toodu odogina eu age hina dewen cagu qocca loo jeca qa loo je qee toodu odogona eu gesilhoqagan.

Pol Uqa Jaqec Je Oso Rom Tamanec Jaqiaden 3:30

Anut uqa osol himec. Odocob Anut uqa dana age deweg cagu qoc agena wawaga meleecna age dana ititom ec adigian. Odocob uqa dana age deweg cagu qee qoc agena wawaga meleecna ageha dana ititom ec adigian.

Galesia 6:15

Dana dewenega cagu qocfo, qee dana dewenega cagu qee qocfo eu caunca qee. Euqa Anut uqa ege odigeceb ege haun ibuldom eu caunca bahic.

Efesas 2:11

Age cisdoiga, Juda dana age dewenega cagu qoc kobol odogina eu Efesas age dewenega cagu qee qoc egina. Je madegina eu kobol eu dana age himec dewenegana odogina. Eunu age wele adi biloloignu cisdoiga.

Filipai 3:3

Ege dih dewenige cagocnu kobol mele bahic eu egeca. Ege Anutna Kisna Anutnu cuha fifi Jisas Krais binan suluquna. Dewenige cagu qoc kobol eu ege cesulgigian ec wawige qee meleel.

Kolosi 2:11

Age uqaca gabandocna age dewenega cagu qoin, eu dana dewenega cagu qogina eundec qee qa Krais uqadodoc uqana dewenega cagu qoc euna dewenega cagu aqen. Krais uqa dewenega cagu aqeceb age dewenega hilah eu culein.