Pol Uqa Jaqec Je Oso Rom Tamanec Jaqiaden 2:14 - Bal cehec je haun

¹⁴ Juda dana qee eundec age Mosesna loo jeca qee, sihul euqa age leih loo je toodu odogina. Dana eu age loo jeca qee age odi odocobil agena toodu odoc eu agedodocna loo je cinigwe.

Pol Uqa Jaqec Je Oso Rom Tamanec Jaqiaden 2:14 Iomraidhean Croise

Aposel 10:35

Juda danafo, qee Juda dana qeefo, in oso uqa Anut cumundonaca uqa kobol tutuc odonaca uqa Anut amegna me bilina.

Aposel 14:16

Saen wele uqa culadeceb dana mahamaha bilegina agedodoc agena cisdoc toodu coboin.

Aposel 17:30

Odocob saen wele dana age Anutna loo je qee doc bibilegin Anut uqa qee wadacadel. Euqa uqa maha ina dana cunug gesiladigiannu eu uqa dana oso uqana ititom cobocna wele cabi eu odigiannu ehudimei deel oso gadac men nijia. Uqa eu mele bahic dana cunug doqagannu wele dana i cal mecnadec tulidocob cajen! Eunu qila Anut uqa dana cunug age mahana cunug bilegina eu agena qisol mec kobolnadec falicdoqagannu maadena,” aden.

Pol Uqa Jaqec Je Oso Rom Tamanec Jaqiaden 1:32

Age Anutna loo je dana eundecnu maden eu dogina, “Dana kobol eu odi odogina age cal moqagan,” en. Dana eu age loo je eu odi maden ec du cuhadogina qa age kobol me qee eu odi oodi nijegina. Age eu odi himec qee odogina qa age leih odogina ha binanaga sulegina.

Pol Uqa Jaqec Je Oso Rom Tamanec Jaqiaden 2:12

Eu odi. Dana cunug age Mosesna loo je qee dodoig silail megina eu age loo je qee dodoig fadaloqagan. Odocob dana cunug age loo je dodoig qa silail megina eu Anut uqa loo jena gesiladigian.

Pol Uqa Jaqec Je Oso Rom Tamanec Jaqiaden 2:15

Agena odocna loo jenu odoc Anut wawagana jaqen taweia eu camasac men. Odocob agena cisdoc silec ihulahal calena odocob saen leih kobol odogina eunu cois ec madeginafo, qee cois qee ec madeginafo.

Pol Uqa Jaqec Je Oso Rom Tamanec Jaqiaden 2:27

Odocob dana age dewenega cagu qee qoc qa loo je toodu odogina eu age hina dewen cagu qocca loo jeca qa loo je qee toodu odogona eu gesilhoqagan.

1 Korin 11:14

Dana cajaca egena kobol eu dana gosic cecelac eu fecnu galeca qee eu ihacgena.

1 Korin 9:21

Odocob ija dana cajaca age Mosesna loo je bisalu qee bilegina age Kraisnu wawaga meleigiannu ija age gami cabi u bibileb ija age amagana dana uqa loo je bisalu qee bilinawe bilem. Euqa ija Anutna loo je qee culelem, ija Kraisna loo je bisalu bilem.

Efesas 2:12

Age saen euna Krais qisacdoc bilein. Age Isrel sihulha qisacdoc bilein. Anut uqa uqana bal cehec je mamadien euna uqana je hahun qee dah melein. Age maha ina Anutca qee bilelein, odocob age Anut uqa cahahaadecnu qee susumudi bilelein.

Efesas 2:3

Eu mele, ege cunug wele dana cajaca eundec gemo bilolob, odocob ege dewenigena gale gec me qee eu toodolob. Ege dewenigenaca egena cisdocnaca gale gec me qee eu toodu odolob. Eunu ege Anut ameg me qee wadacgec ocnu ihoc bilolob. Ameg me qee wadacadec eu Anut saciadon nijia, uqa dana cajaca cunug uqana je tefacdogina eu wadacadigiannu nijia.

Filipai 4:8

Ija wawige meleec cotiel, ija cit qoc je oso maadigen. Age ceteteh eu mele, ceteteh eu binanca bahic, ceteteh eu tutuc, ceteteh eu cataniec, ceteteh eu fecnu galeca, ceteteh eu meca bahic, ceteteh eu binan sulecnu ihoc, ceteteh eundecnu gaid cisdoigale.