Pol Uqa Jaqec Je Oso Rom Tamanec Jaqiaden 2:10 - Bal cehec je haun

¹⁰ Euqa dana cunug age kobol me odogina eu Anut uqa kobolkobolca binan benca wawaga malol bilecca eu adigian. Juda dana eu age casac adeceb Juda dana qee eundec ageha adigian.

Pol Uqa Jaqec Je Oso Rom Tamanec Jaqiaden 2:10 Iomraidhean Croise

Matju 10:13

Aria, jo euna bilec eundec dana mefi eu agena eeladec je dewenega fagdugian. Euqa jo euna bilec eundec eeladec je eu ocnu ihoc qeefi agena eeladec eu ceseli ageca hugian.

Me Je i Luk Jaqen 1:79

Odimei dana age cal mec ihoc tuna bilegina age sao ohisdec fulacdoc fulacadigian. Fulacdoc eu malol jic cobocnu ege dado migigian,’ en,” en.

Me Je i Luk Jaqen 12:37

Cabi dana age agena dana meca uqana ceselec saenna odi saciadu bibilebil uqa age meciadecebfi age bahic eu ceelecca biluqagan! Ija mele maadigina, uqana lotoc taqec halu taqimei maadeceb cabalna bilecebil sab adigian.

Me Je i Luk Jaqen 19:42

Odimei maden, “Hina qila himec cel odimeg malol biligina ec doummi eu me bahic! Euqa hina Anut cahahahigiannu hon saen eunu qee dolom. Eunu qila hina jic malol fecwe qee. Odocob saen caleceb hinana cad maha huhuni talilhuqagan. Odimeig age hinana gelna maha am ben goimdumeig jic muduqagan. Odocob qeih cunugnana ququlubaadi loqagan. Eu age hinana dana gel dunuh bilegina hinaca fadalaadi mahana qeladoqagan. Meen oso ha uqana bilec cudunna qee culdowain,” en.

Me Je i Luk Jaqen 22:14

Odocob saen eu caleceb Jisas sab jec cabalna bilen. Odocob aposel ha lecebil uqa gami bilein.

Me Je i Luk Jaqen 9:48

maaden, “Oso uqa age gemo nag bilina eu age cunug wooladimei ben bilina. Eunu oso uqa mel i ija ijanina ehudimei eeldona uqa ija oitimei eeltena. Odocob oso uqa ija oitimei eeltena eu uqa ija sulten euha ehudimei eeldona,” aden.

Me Je i Jon Jaqen 12:26

Oso uqa ijana cabi hewecnu gale dona eu uqa ija gad tooteiale. Odocob ija biligenna ijana cabi dana uqaha ijaca ono bilewan. Oso uqa ijana cabi ona eu Memige Anut uqa uqana binanca mudigian,” alen.

Me Je i Jon Jaqen 14:27

“Ija ijana malol bilec adigina, wawaga malol bilec eu culiadigina. Mahanadec malol bilec adeginawe odi qee ija adigina. Wawaga cain qeleleiaunle, dumanaga ha cain culiaunle.

Me Je i Jon Jaqen 16:33

Ija je i age ija dunuhna bibili malolca biluqagannu maadem. Age mahana bilecnana wawaga sogoecca biluqagan. Euqa ija maha wooldom eunu age wawaga toogdoiale,” aden.

Aposel 10:35

Juda danafo, qee Juda dana qeefo, in oso uqa Anut cumundonaca uqa kobol tutuc odonaca uqa Anut amegna me bilina.

Pol Uqa Jaqec Je Oso Rom Tamanec Jaqiaden 14:17

Ge, Anutna culna gug eu sab jec wa gab jecca kobol qee nijel. Uqana gug eu ititom cobocca malol bilecca ceelec Kis Gun iginaca nijia.

Pol Uqa Jaqec Je Oso Rom Tamanec Jaqiaden 15:13

Anut uqa cahahagecnu sumudi biluquna uqa uqanu wawaga meleecna odadeceb age ceelecca malol bilecca wawagana ihoc leiale. Eunu Kis Gunna gagadic odocna Anutna saen me ageca hugiannu sumudegina eu age wawagana cunug ihoc ligian.

Pol Uqa Jaqec Je Oso Rom Tamanec Jaqiaden 2:7

Leih age kobol me eu gagadic hewegina oodoig kobolkobolca ijanaga benca biluqagannuca cebac bilec qee mecwe qee eu megegina. Dana eu agenu Anut uqa cebac bilec gaid bileceb catanigian eu adigian.

Pol Uqa Jaqec Je Oso Rom Tamanec Jaqiaden 2:9

Culumen ben sogoecca eu dana kobol me qee odogina eundec cilehadigian. Juda dana age casac ocobil Juda dana qee eundec ageha oqagan.

Pol Uqa Jaqec Je Oso Rom Tamanec Jaqiaden 5:1

Egena wawige meleecna Anut ege dana cajaca ititom ec madena. Eunu Jisas Krais Tibud odigeceb ege Anutca malol biluquna.

Pol Uqa Jaqec Je Oso Rom Tamanec Jaqiaden 9:21

Hal mudec dana uqa maha cudun osolnadec umei hal lecis mudina, oso eu hal me bahic odocob cabi me ocnu deel benna, oso eu hal gauc cabi ocnu deel cunugna. Eu odi eu cois qee aganafo?

Galesia 5:22

Euqa Kis uqana dado madec aig qoc eu ihen. Eu cotigeilnu nalunuga mec, eu wawige ceeli bilec, eu wawige malol bilec, eu lalafanigeca, eu wawige susumulca, eu me odadec, eu tutuc cobocca,

Filipai 4:7

Odi odocobil Anutna malol bilec eu, ege dana cajaca uqana gug docnu ihoc qee, age wawaga cisdocca Jisasca gabanadi biligiannu cofdugian, odocob wawaga cisdocca jaen qee aqeiaun.

1 Timoti 1:17

King saensaen cunug cal mecwe qee, eu uqa fecwe qee, uqadih Anut bilia eu binan sulocomun cataneiale, uqa kobolkobolca bileceb cataneiale! Mele.

Hibru 2:7

Hina ege saen nag odi himec ensel bisalu migem. Hina ege binanigeca king bilecca migem.

Jems 2:22

Eu fagana, uqana waug meleecca uqana me odocca eu ihocihoc len. Odocob uqana me odoc eu uqana waug meleec camasac muden.

Jems 3:13

Age eundec oso uqa cisdoc silec mecafi uqa uqana coboc menaca uqana cisdoc silecnaca waug jogoecnaca uqana odoc eu me ihacadeiale.

1 Pita 1:7

Temadec ina Anut uqa agena wawaga meleec eu melefo, qeefo temdona. Age dogina, gold eu ceteh fajecnu qaig ben bahic, euqa age gold eu melefo, qeefo temdocnu jana manegina. Gold eu ceteh fadaligian. Eunu agena wawaga meleec eu gold wooldona. Odocob temadec filfil ageca caligian saen euna agena wawaga meleec eu gagadicfo, qee, mele qeefo eu odi dugian. Odocob hibna Jisas Krais camasac cali hugian deel euna uqa agenu ceelimei age binanaga fulacdoc benca adigian.

1 Pita 5:4

Age odi odocobilfi sipsip cofadec meca uqa camasac caleceb saen euna age king katakat gagadic odoc fulacdocca dana cajaca ititom oqagan eu ageha oqagan. King katakat eu ameg me bahic, eu qee qee meiaun.