Pol Uqa Jaqec Je Oso Rom Tamanec Jaqiaden 16:21 - Bal cehec je haun

²¹ Ija cabi hi Timoti uqa uqana feele ec ageca suldona. Odocob Lusiasca Jesonca Sasipataca eu age ijana sihulnadec ageha agena feele ec ageca suldogina.

Pol Uqa Jaqec Je Oso Rom Tamanec Jaqiaden 16:21 Iomraidhean Croise

Aposel 13:1

Antiok tamanecna je hahun madec dana iwaladec dana leihca bilein. Eu age Banabas, Simion age Naija dogina, Lusias uqa Sairinidec, Manejen uqa Herod gabman dana uqana begabeg meh, Solca.

Aposel 17:14

Odogin wawaga meleec cotugul age Pol suldocobil lanna non. Euqa Sailas Timotica himec Beria ono bilesin.

Aposel 17:5

Euqa Juda dana age Polnu heel mimeig dana gauc jicna loldoc dana eundec cedi gabanadecebil dana geh bahic doin. Age odadecebil taun ben cunug euna uceldodoig je alalac beceb age Pol Sailasca walali hewalimeig dana ebenegana moqagannu Jesonna jo talildudu tawimeig kokodoin.

Aposel 18:5

Saen Sailas Timotica ale Masedoniadec hosin Pol uqa saen cunug eu me je qasali maadecnu odon. Uqa Juda dana Anutna Krais eu Jisas ec sildiaden.

Aposel 19:22

Odocob uqa Timoti Erastasca uqana cesuldoc lecis eu ale Masedonia sulaleceb belesin. Odimei uqa saen nag cecelacca Esia hatuna ono bilen.

Aposel 20:4

Dana leih age Pol gami belein. Eu age Sopata uqa Piras melah Beriadec uqaca, Aristakas, Sekandasca ale Tesalonaikadec aleca, Gaias Debidec uqaca, Timotica, Tikikas Trofimasca Esiadec aleca age Pol gami belein.

Pol Uqa Jaqec Je Oso Rom Tamanec Jaqiaden 16:11

Age ijana feele ec Herodion uteiga, uqa ijana sihulnadec. Age ijana feele ec Nasisasna jo osol eu age adeiga, eu age Tibudna bilegina.

Pol Uqa Jaqec Je Oso Rom Tamanec Jaqiaden 16:7

Age ijana feele ec Andronaikas Juniasca aleiga, eu ale ijana sihulnadec, eu ale ijaca gihacdoc jona bilom. Ale aposel gemona ijanalaca, odocob ija Kraisca qee lec eu ale Kraisca casac lesin.

Pol Uqa Jaqec Je Oso Rom Tamanec Jaqiaden 9:3

Eu age ijaca golanige osol bahic. Eunu ija cotiel agenu eu mele ija odoc jiccami Krais inondocomin ititacteceb agena cudun umig fadaloum.

2 Korin 1:1

Ija Pol, ija Jisas Kraisna aposel. Ija Anut uqana cisdocna aposel calem. Ija ege wawige meleec cotige Timotica ele Anutna tamanec age Korin ono bileginaca, Anutna dana cajaca qagoc cunug age Akaia hatu cunugna bileginaca jaqiadowona.

2 Korin 1:19

Ge, ijaca, Sailasca, Timotica ege age gemona Anut Melah, Jisas Krais uqana je qasali maadom. Odocob age dogina, Krais uqa “Ese, qee,” ecca osoben madec dana qee. Euqa Krais uqa ese ec madecebfi eu ese ec himec madena.

Filipai 1:1

Ele Pol Timotica, ele Krais Jisasna cabi dana. Ele Anutna qagoc dana cajaca age Krais Jisasca gabanadecca, tamanec cofadecca cesuladecca ono Filipai bilegina eu jaqiadowona.

Kolosi 1:1

Ija Pol, ija Krais Jisasna aposel. Ija Anut uqana cisdocna aposel calem. Ija ege wawige meleec cotige Timotica,

1 Tesalonika 1:1

Ege Polca Sailasca, Timotica tamanec age Tesalonaika bilegina je i jaqiadoqona. Ageca, Memige Anutca, Jisas Krais egena Tibudca gabanadec bilegina. Anut uqana eelgec uum igecca, malol bilecca eu ageca biliale.

1 Tesalonika 3:2

Odocob ele Timoti suldocohul uqa ageca len. Timoti uqa ege wawige meleec cotige, uqaha Anutna cewel utoc dana, uqa Kraisnu me je qasali maadec dana. Uqa age wawaga meleec cesuladecnuca, wawaga gagadic mudecnuca, suldocohul len.

1 Tesalonika 3:6

Qilaqa Timoti uqa nui feciadimei uqa ceseli hu je me bahic magen. Uqa age wawaga meleecca, age nalug mecebmecebecca, age egenu ha gaid cisdudu bileig ege haun mecigecnu cisdogina, ege age meciadecnu cisdoqonawe eu fimei hu magen.

2 Tesalonika 1:1

Polca, Sailasca, Timotica ege tamanec Tesalonaika bilegina eu age jaqiadoqona. Age Anut ege Memigena Jisas Krais egena Tibudnaca tamanec.

1 Timoti 1:2

Timoti, hina wawi meleec melami bahic, ijana jaqec je i jaqihigina. Anut ege Memigeca egena Tibud Jisas Kraisca ale eelhec uum ihecca, waug qocca, malol bilecca ihesiale.

1 Timoti 6:11

Euqa hina, hina Anutna dana, hina ceteteh me qee i cunug oninadimeg qisacdu biligale. Hina ititom cobocca, Anutna kobol toodocca, wawin meleecca, nalug mecca, wawin duuec tawecca, gemain jocosaigca eu cunugnu gaunan mamani icocagale.

1 Timoti 6:20

O Timoti, hina cabi i Anut hina ebenna men eu cofdu cuhadogale. Dana leih age madein, “Ege doc silecca,” ein, odocob age wawige meleec eu culimeig jic ceja qu lec euna belein. Eunu je hetec gauc Anutna kobol qee toodona eu dana age doc silecca imeig cahuldudu madegina eu hibemdoga. Anutna eelgec uum igec eu ageca biliale.

2 Timoti 1:2

Timoti, hina ija melami bahic, ijana jaqec je i jaqihigina. Anut ege Memigeca egena Tibud Jisas Kraisca ale eelgec uum igecca, waug qocca, malol bilecca ihesiale.

Hibru 13:23

Age docnu ihoc, ege cabi cotige Timoti gihacdoc jonadec felacudein uqa haun gihacdoc jona qee bilel. Uqa mahuc bahic ijaca calecebfi eu ele osoben li age meciadewan.