Pol Uqa Jaqec Je Oso Rom Tamanec Jaqiaden 13:7 - Bal cehec je haun

⁷ Age ceteteh filfil dana adecnu cabica eu odi himec dana cunug adeiga. Takis cedec dana filfil eu age qaig adeiga. Dana uqa bisalu bilegina eu uqa bisalu bileiga. Dana age binan sulegina eu uqa binan suleiga.

Pol Uqa Jaqec Je Oso Rom Tamanec Jaqiaden 13:7 Iomraidhean Croise

Matju 17:25

Pita uqa maaden, “Ese, uqaha takis helena,” aden. Hibna Pita uqana jona bibilen Jisas uqa Pita sisildu madon, “Saimon, hina eeta madagana? King mahanadec age in takis helecebil ogina? Age agena mel helecebil oginafo, qee dana maha fildec helecebil oginafo?” don.

Matju 22:21

Odocob age madoin, “Eu Sisa uqana,” doin. Odocobil maaden, “Eunu age Sisana ceteteh eu Sisa uteiga. Anut toinan eu Anut uteiga,” aden.

Me Je i Mak Jaqen 12:17

Odocobil Jisas maaden, “Age Sisana ceteteh eu Sisa uteiga. Anut toinan eu Anut uteiga,” aden. Odocob age je eu maadeceb dumeig tumatumaein.

Me Je i Luk Jaqen 20:22

Ege Sisanu takis helecnu eu tutucfo, qee tutuc qeefo?” doin.

Me Je i Luk Jaqen 20:25

Eunu Jisas maaden, “Eunu age Sisana ceteteh eu Sisa uteiga. Anut toinan eu Anut uteiga,” aden.

Me Je i Luk Jaqen 23:2

Odimeig age Pailat amegna um qudec je geh bahic madein, “Dana i egena dana cajaca cunug kobol me qee iwalaaden hewoqa. Uqa takis Sisa cain helowain ec maaden. Odocob uqadodoc madena, ‘Ija Krais, ija king biligen,’ ena,” ein.

Pol Uqa Jaqec Je Oso Rom Tamanec Jaqiaden 12:10

Age wawaga meleecna cotoga eunu age waliagwaliagwe nalug mecebmecebeigale. Age saolal mudecebmudecebecnu megameg meigale.

Pol Uqa Jaqec Je Oso Rom Tamanec Jaqiaden 13:6

Gug eunu himec agena takis fajec qaig helegina. Eu eetanu? Gabman ilo age Anutna cabi dana bilegina, odocob saen gaid age cabi eu himec cofdocnu gagadic megina.

Efesas 5:33

Euqa ageha odi odoigale. Dana cunug age agedodocnu nalunuga meginawe eu odi age aidagailnu nalunuga meigale. Odocob caja cunug age gemugail agena je toodu feigale.

Efesas 6:5

Begabeg meh cabi dana age agena cofadec dana maha ina bilegina eu age conoga toodu odoigale. Age cucuiecca, qelelecca, wawaga osolca cabi oiga, eu odiwe age Kraisnu cabi ogina.

1 Timoti 5:13

Eu himec qee. Age agena saenha cusdumeig jo tobi u loldudu cobogina. Age cabi ol himec qee, age dana cajaca age odocnu dah mimeig hibilemega je mamadi cobogina. Odocob age je ilag filfil ege madecwe qee eu age mamadi cobogina.

1 Timoti 5:17

Anutna jaqec je oso edi madena: “Age bulmakau uqa wit ceteteh lahacdocnu cabi ona eu uqa biah cain cufa qowain,” ena. (Loo 25.4) Odocob Anutna jaqec je osoha madena: “Cabi dana oso uqana cabi ameg ocnu ihoc ugian,” ena. (Luk 10.7) Eunu tamanec cofadec matu age cabinu megameg mi cuhadogina eundec age lalan mamadi cabi ameg me adeigale. Me je madi fec, iwaladi fec eundec bahic ijanaga ohis madeigale.

1 Timoti 6:1

Kristen cunug age cabi dana bega meh bilegina eundec age Anut ijannuca, egena me je iwaladecnuca, dana oso cewudec je oso qee madeiaunnu agena ilo lalan mamadi toodu odoc bahic bileigale.

1 Pita 3:7

Eu odiwe age gemugailha agena inondoc cahacdoiaunnu age cisdoc me umeig age aidagail gami me bileigale. Ge, cajaha Anut uqa eeladec uum adeceb cebac bilec catanec oqagan ec age dogina. Cajaha age Anut huqanehul. Euqa caja dewenega eu gagadicca bahic qee, eu dana dewenega wooldoc qee. Eunu age aidagailnu kobol mena odadeiga.