Pol Uqa Jaqec Je Oso Rom Tamanec Jaqiaden 13:2 - Bal cehec je haun

² Eunu dana oso uqa gabman ilo jejeg wooldona eu uqa ceteh Anut men wooldona. Odocob dana eu age gabman ilo jejeg wooldogina eu age agedodoc agena ameg me qee oqagan.

Pol Uqa Jaqec Je Oso Rom Tamanec Jaqiaden 13:2 Iomraidhean Croise

Matju 23:13

Jisas je haun maaden, “O loo je iwaladecca Farisica, age dana cajaca sao cul jobon lecnu jic cebec meniadegina. Euqa agedodoc lecnu culegina, odimeig leih sao cul jobon lecnu wawaga nijia euqa age cahacadegina. Eunu age me hihili coboc dana! Age walocca!” aden.

Me Je i Mak Jaqen 12:40

Age caja wij agena jo heje cedegina. Odimeig age dana me bahic meciadecnu saen cecelac bahic inondogina. Dana eundec age agena cahuldocnu ameg me qee bahic oqagan,” aden.

Me Je i Luk Jaqen 20:47

Eu age caja wij agena jo heje cedegina. Odimeig age dana me bahic meciadecnu saen cecelac bahic inondogina! Dana eundec age agena cahuldocnu ameg ben bahic oqagan,” aden.

Pol Uqa Jaqec Je Oso Rom Tamanec Jaqiaden 13:1

Dana cunug age gabman ilo bisalu gaid bileigale. Eu mele, gabman ilo eu gauc qee calena. Gabman ilo uqana cabi cunug eu Anut ebenna himec calen. Odocob gabman ilo cunug bileiga eu Anut uqadodoc madennu bileiga.

Pol Uqa Jaqec Je Oso Rom Tamanec Jaqiaden 13:3

Ge, dana kobol me odogina eundec age gabman ilo cucuiadoqagannu qee odogina. Euqa dana kobol me qee odogina eundec age gabman ilo cucuiadecnu biloub. Hina gabman ilo cucuidoga qee henafo? Uqa Anutna cabi dana uqa hina cesulheheb me bilegan. Eunu cucuidoganfi hina kobol me himec odoga, odocob hina binain suligian. Euqa uqa han sigin eu uqa ebenna bilina eu uqa gauc qee hewena. Uqa Anutna cabi dana dana kobol me qee odona eu ameg me qeena wadacdutocnu bilina. Eunu hina kobol me qee odifeg hina uqanu cucuiegan.

Pol Uqa Jaqec Je Oso Rom Tamanec Jaqiaden 13:5

Eunu ege uqa bisalu bilecnu. Ege Anutna ameg me qee wadacdoc qee oqaunnu himec uqa bisalu biluquna qa ege wawigena doqona kobol eu me bahic ec madimeb toodu odoqona eunu uqa bisalu biluquna.

Pol Uqa Jaqec Je Oso Rom Tamanec Jaqiaden 9:19

Euqa age eundec oso odi matigian, “Eu odifi eetanu Anut uqa danana odoc me qeenu wadacadigen ec madena? In oso uqa Anutna cisdoc toodocnu ihoc qee?” tigian.

Taitas 3:1

Hina hinana tamanec dana cajaca dahiniga hewecem age kingca, gabmanca, ilo danaca filfilna bisalu bilecnuca, agena conoga toodu odocnuca, age cabi me cunug odocnu saciadoqagannuca maadagale.

Jems 3:1

O cotiel! Age mati ege dana iwaladec bileqan egina eu cois qee. Ge age dogina, ege dana iwaladoqona Anut uqa ege egena cabinu eu tutucfo, tutuc qeefo gagadic gesilgigian. Euqa iwaladec dana qee uqa uqana cabinu gagadic qee gesildoiaun.

1 Pita 2:13

Age Tibudnu cisdudu bibileig dana agena gabman cunug agena loo je toodu odoiga. Age Rom agena king uqa dana cajaca maha cunugna bilegina agena ilo eu uqana je toodu odoiga.