Pol Uqa Jaqec Je Oso Rom Tamanec Jaqiaden 12:7 - Bal cehec je haun

⁷ Dana oso uqa dana cotugul cewel uadecnu duman uteccafi eu uqa cois dana cotugul cewel uadec cabi hewigian. Dana oso uqa iwaladecnu duman uteccafi eu uqa cois mele bahic iwaladec cabi hewigian.

Pol Uqa Jaqec Je Oso Rom Tamanec Jaqiaden 12:7 Iomraidhean Croise

Matju 28:19

Eunu age mahamaha cunug beladimeig dana cajaca ijana malogom madeiga. Age Memige Anut ijanna, uqa Melah ijanna, Kis Gun ijanna wa joadeiga.

Me Je i Jon Jaqen 3:2

Dana eu witic osona uqa Jisasca humei madon, “O Meca, hina kobolkobol odogona eu oso odocwe qee, euqa oso Anut uqaca bilecebfi eu odocnu ihoc. Eunu hina iwalgec dana Anut sulheceb hom eu ege doqona,” don.

Aposel 13:1

Antiok tamanecna je hahun madec dana iwaladec dana leihca bilein. Eu age Banabas, Simion age Naija dogina, Lusias uqa Sairinidec, Manejen uqa Herod gabman dana uqana begabeg meh, Solca.

Aposel 20:20

Ija ceteteh age cesuladecnu eu qee jahuniadelem eundec saen ija agena jonanaca, dana cunug amaganaca je maaadiem iwalaadiem eu age dogina.

Aposel 20:28

Agedodocnuca, Kis Gun uqa tamanec age ebenegana men eunuca cofdu cuhadoiga. Tamanec eu Tibud uqa Melah uqadodoc golacna ehaden eunu cofadi cuhadoigale.

Aposel 6:1

Saen osooso hedocob malogom sanijec ohis teten Juda dana Grik je madegina eu madein, “Egena caja wij eu age deel cunug sab siwiadec saenna age gaid hawaadegina,” ein. Eunu Juda dana Grik je madegina, Juda dana Hibru je madeginaca fee dadanein.

1 Korin 12:28

Odocob Anut uqa uqana tamanecnu cabi dana nesili ehaden. Uqa casac aposel nesili ehaden, odocob uqa je hahun madec dana nesili ehaden, odocob uqa me je iwaladec dana nesili ehaden, odocob uqa kobolkobol odoc dana nesili ehaden, odocob uqa hagnu me madec dana nesili ehaden, odocob uqa cesuladecnu cabi dana nesili ehaden, odocob uqa cofadecnu cabi dana nesili ehaden, odocob uqa beilah filfil madecnu dana nesili ehaden.

1 Korin 12:5

Odocob cewel uadec filfil nijia qa ege cunug Tibud osolnu cewel utuquna.

1 Korin 14:26

Ija cotiel, ijana je uqana gug eu odi. Age cuha fecnu cegulegina saen euna oso uqa due silecca hona, oso uqa iwaladecnu jeca hona, oso Anut uqa je jahunec camasac muditon euca hona, oso uqa beilah filna madecnu jeca hona, oso uqa je falicdu sildiadecnu jeca hona. Ceteh cunug odoqagan eu Anutna dana cajaca agena wawaga meleec gagadic mecnu odoigale.

Galesia 6:6

Dana Anutna me jena iwaldoc ona eu uqana ceteh meme cunug naha uqana iwaldoc utigian.

Efesas 4:11

Odocob uqana bagol igec eu odi. Dana leih age aposel cabi aden, odocob leih age je hahun madec cabi aden, odocob leih age me je qasali maadec cabi aden, odocob leih age tamanec cofadec cabi aden, odocob leih age me je iwaladec cabi aden.

Kolosi 4:17

Odocob age Akipas odi madoigale, “Cabi i hina Tibudnadec om eu odi me bahic odogale,” ec doigale.

1 Timoti 2:7

Gug inu Anut uqa ija ulicadecca aposelca cobigennu nesili ehiten. Ija je qee uhuligina, ija je mele madigina. Anut ija Juda dana qee eundec Jisas Kraisnu wawaga meleecca mele jeca ulicadecnu miten.

1 Timoti 3:2

Tamanec cofadec matu mudec eu dana odi biliale. Oso uqa cahuldocca qee, uqa hutan me qee eu cain muduwain. Uqa caja osol gemug. Uqadodoc duman cofdu cuhadugian. Uqa gesili fecca, uqa loo cahulecca, uqa iwaldocnu hutan meca, uqa kobol me tutuc himec toodugian.

1 Timoti 4:16

Hinadodocnuca hinana iwaladecnuca mecii cuhadogale. Ceteteh i gaid hewi daugdudu hewi tawagale. Hina odi odifeg hinadodoc cahahadogan, odocob dana cajaca hina dah mihegina euha cahahaadegan.

1 Timoti 5:17

Anutna jaqec je oso edi madena: “Age bulmakau uqa wit ceteteh lahacdocnu cabi ona eu uqa biah cain cufa qowain,” ena. (Loo 25.4) Odocob Anutna jaqec je osoha madena: “Cabi dana oso uqana cabi ameg ocnu ihoc ugian,” ena. (Luk 10.7) Eunu tamanec cofadec matu age cabinu megameg mi cuhadogina eundec age lalan mamadi cabi ameg me adeigale. Me je madi fec, iwaladi fec eundec bahic ijanaga ohis madeigale.

2 Timoti 2:2

Je ija dana mati amemeg maaadigin dom eu umeg dana me nalug mecca leih cofdocnu ebenegana magale. Odocob dana eundec age dana leihha iwaladecnu ihoc.

2 Timoti 2:24

Tibudna cabi dana uqa jena fee dadani cain coboiaun. Euqa uqa lalafan cahulecca dana cunugnu odadigian, uqa iwaladec cabinu iwaldoc bahic biligian.

2 Timoti 4:2

Me je mamadi gagadic tawagale. Me je madecnu saen me nijeceb euna himec qee madagaun, olosadec saenna ha me je maadagale. Je wawaga qugiannuca, cahacadigiannuca, cesusadigiannuca maadagale. Euqa wawin susumulca cabi eu ocnuca, iwaladecnuca cain culugaun.