Pol Uqa Jaqec Je Oso Rom Tamanec Jaqiaden 11:17 - Bal cehec je haun

¹⁷ Isrel age na oliw manan cinigwe. Odocob Anut uqa batac leih na oliw eunadec qahadi helen. Odimei uqa age Juda dana qee eundec oliw batac cus euna na oliw manan eu tubadeceb agena cudunna bilegina. Odocob age na oliw bebeignadec lalo oliw batac leih gami ogina.

Pol Uqa Jaqec Je Oso Rom Tamanec Jaqiaden 11:17 Iomraidhean Croise

Matju 21:43

Jisas odi maadimei maaden, “Eunu ija maadigina. Anut uqa uqana cul age cawaladimei dana sihul fil adigian. Age Anutna cul uqana aig qoc eu Anut utuqagan,” aden.

Me Je i Jon Jaqen 15:1

Jisas je haun maaden, “Ija na wain gug bahic. Mei uqa na wain cabi cofdoc dana.

Me Je i Jon Jaqen 15:2

Uqa ijana batac abesabes age aig qee qogina eu qeti heladena. Odocob uqa ijana batac abesabes age aig qogina eu aig meca haun qoqagannu ceteteh me qee cunug batacna nijegina eu soiadena.

Me Je i Jon Jaqen 15:6

Oso uqa ija fagtec qee biligiaqa eu wain batac gauc heleginawe odi uqa helecebil nuigian. Odocob uqa galaligian. Odocob age eu cedi haudumeig jana helecebil cijigian,” aden.

Aposel 2:39

Eu odi ha Anut uqa wele maaden odi agenuca, age talacunugailnuca Kis Gun adigian. Odocob dana leih onoca bileginanu ha adigian. Cunug Tibud, egena Anut, utaadeceb hoqagan eu uqa Kis Gun adigian,” aden.

Pol Uqa Jaqec Je Oso Rom Tamanec Jaqiaden 11:24

Age Juda dana qee eundec, age na oliw cuswe. Odocob Anut uqa age batacwe qetadimei na oliw mananna tubaden. Na eu agena sihul qee bahic. Odocob Isrel dana age na oliw manan cinigwe. Eunu na oliw manan eu agena sihul bahicnu Anut uqa age batacwe na oliw manan euna ceseli tubadecnu cabi hetec bahic.

Galesia 2:15

Eu mele, ege Juda ege Juda sihulnadec cali hom. Ege Juda dana qee eundec age silail dana egina euna qee cali holom.

Efesas 3:6

Je jahunecna gug eu odi. Age Juda dana qee eundecnu me je eu age egeca sihul osol, dewenige osol, odi calom. Odocob ege cunug ege Krais Jisasca gabangec ege uqana mugumige mec Anut uqa eunu je hahun maden eu oqan.

Kolosi 2:13

Wele age agena silail mecca, age Juda dana qee eundec dewenega cagu qee qocca eunu cal mec biloloig. Euqa qila Anut uqa age Kraisca gabanadeceb cebac bilec euna bilegina. Anut uqa egena silail cunug cagasigen.

Jahunec Je Camasac Muden 11:4

Dana lecis i ale eu na oliw lecisca, gowoc lecisca eu maha cunug uqana Tibud amegna tawesina.