Pol Uqa Jaqec Je Oso Rom Tamanec Jaqiaden 10:8 - Bal cehec je haun

^8-9 Euqa hina conna Jisas uqa Tibud ec qasali madaganafi hina wawinna Anut uqa cal mecnadec tulidocob ceseli cajen ec wawin meleenafi Anut hina cahahaheigian. Eunu je eu uqana gug eu odi madena: “Je eu hina cemein bahic bilina. Eu hina connaca wawinnaca bilina,” ena. (Loo 30.14) Je eu ege wawige meleec je ege qasali madoqona.

Pol Uqa Jaqec Je Oso Rom Tamanec Jaqiaden 10:8 Iomraidhean Croise

Aposel 10:43

Je hahun madec dana cunug age Jisasnu madein, cunug age Jisasnu wawaga meleena Anut uqa Jisas ijanna agena silail cagasiadigian ec madein,” aden.

Aposel 16:31

Odocob ale jejeg hewi madosin, “Jisas Tibudnu wawin meleeia. Odocob Anut hinaca, age cunug hinana jona bileginaca cahahaadigian,” dosin.

Pol Uqa Jaqec Je Oso Rom Tamanec Jaqiaden 10:17

Eunu oso Kraisnu qasali maadeceb age me je dah megina. Odocob dana cajaca age me je dah mimeig wawaga meleena.

Galesia 3:2

Ija je oso himec sisiladigen. Age Mosesna loo jena cabi ocna Kis oinfo, qee age me je dah mimeig wawaga meleenna Kis oinfo?

Galesia 3:5

Anut uqa age loo je toodu odoginanu Kis adimei age gemona kobolkobol odonafo, qee age me je dah mimeig wawaga meleenanu Kis adimei age gemona kobolkobol odonafo?

Efesas 5:26

Uqa tamanec Anutna jena wa joudimei soidocob Anutnu qagu biligiannu eu odi odon.

1 Timoti 4:6

Hina je i wawige meleec cotigeil iwaladifeg hina Krais Jisasna cabi dana me calegan. Odocob hina wawin meleecnu iwaldoc jeca iwaldoc je eu hina toodu cobogonanu euha saniji docomfi hinana kis gagadic tawigian.

1 Pita 1:23

Ge, age haun wasein, eu odiwe sab cabina haun wasadena. Euqa sab aig qee mena eu age eunadec qee waselein. Sab aig gaid bilina eunadec dih age wasein. Sab aig eu Anutna je. Eu uqa cebac bilecca, eu gaid bilina.

1 Pita 1:25

Euqa Tibudna je eu bileceb catanena,” ena. (Aisaia 40.6-8) Tibudna je eu me je dana age qasali maadein.