Pol Uqa Jaqec Je Oso Rom Tamanec Jaqiaden 1:8 - Bal cehec je haun

⁸ Ija je i casac maadigen. Dana cajaca age maha cunugna bilegina, age cunug wawaga meleecca bilegina eunu dogina. Eunu ija agenu Jisas Krais umna ijana Anut hetaga dugina.

Pol Uqa Jaqec Je Oso Rom Tamanec Jaqiaden 1:8 Iomraidhean Croise

Matju 24:14

Anutna culnu me je eu mahamaha cunug qasali maadecebil ihoc lili ninijeb dana cajaca cunug dodobil hib cit qoc deel cali hugian,” aden.

Me Je i Luk Jaqen 2:1

Saen euna Sisa Ogastas, uqa Rom hatu cofdoc dana, uqa dana age maha cunugna bilein age ijanaga jaqoqagannu loo je oso men.

Aposel 11:28

Agenadec oso eu ijan Agabus caji tawimei Kis odocna nag odi bahic maha cunugna sabnu cahel qugian ec maaden. Odocob saen Klodias uqa Rom agena king, Sisa, bibilen sabnu cahel qon.

Aposel 28:22

Euqa ege hatu cunugna dana am i hina eundecnu cahuldogina ec madegina eu doqona. Eunu ege hinana cisdoc madecem docnu wawige nijia,” doin.

Pol Uqa Jaqec Je Oso Rom Tamanec Jaqiaden 10:18

Euqa ija sisiligina, age me je eu qee dah meleinfo? Qee bahic! Age wele dah mein. Anutna je odi madena: “Age jejenega eu maha cunugna ihoc len. Odocob agena je eu wele jobon cunugna ihoc len,” ena. (Buk Song 19.4)

Pol Uqa Jaqec Je Oso Rom Tamanec Jaqiaden 16:19

Rom tamanec, age Anutna me je toodu odogina ec eu dana cunug wele dah mein. Eunu ija agenu ceeligina. Euqa age kobol me bahic eu doqagannu wawi taweia, odocob kobol me qeenu qee cisdowain.

Pol Uqa Jaqec Je Oso Rom Tamanec Jaqiaden 6:17

Mele, wele age silail kobolna cabi dana bilein qa hibna age Anutna je gadac dah mimeig age wawaga meleeceb je eu qila tutuc bahic toodogina. Eunu ege Anut hegaga doqale!

1 Korin 1:4

Age Kraisca gabandoc euna uqa je madec cunugca doc cunugca eunu osoben cehewanagaca maden. Uqa age ceteh cunugnu cehewanagaca maden. Odocob Kraisnu je eu age wawaga dunuh wele gagadic men bilia. Eunu qila age egena Tibud Jisas Krais camasac migiannu susumudi bilegina. Susumudi bibileig age Kis Gun uqana bagol adec eunu oso qee gohic melein. Jisas Krais uqa agena wawaga meleec gagadic mudeceb li qee mec gadacna age egena Tibud Jisas Kraisna deelna age cahuldocca qee tawoqagan. Anut uqa age Melah Jisas Krais egena Tibudca gabandu biluqagannu utaaden. Odocob Anut uqa ceteh odocnu maden uqa odi odigian. Eunu Anut uqa Krais Jisas umna uum aden eunu ija gaid agenu Anut hetaga dugina.

2 Korin 2:14

Qilaqa ija Anut hetaga dugina! Ge, Krais uqa na babalecna tibud me qee gagadic odocca agena gagadic odoc cagasi qee mudimei hannu wooladen. Krais hannu wooladen eunu Anut uqa ege uqana gihacdoc dana iwalgigi ehigina. Odocob Anut uqa ege odigeceb Kraisnu me je madocomun dana cajaca cunug Kraisnu dogina. Kraisnu doc eu dedeman tinca cinigwe anaana cunugna nuina.

Efesas 1:15

Ageha me je dah mimeig Kraisnu wawaga meleeceb Kis Gun oin gug inu ija agenu inondugina. Odocob ija age Jisas Tibudnu wawaga meleecca age Anutna dana cajaca qagoc cunugnu nalunuga mecca ec dah mem.

Efesas 1:16

Eunu ija agenu Anut gaid hetaga dugina. Ija ijana inondocna agenu gaid cisdugina.

Efesas 3:21

Ege Anutna tamanec dana cajaca cunug saen qila hibecha gaidgaid Anut Krais Jisasca binanala sulocomun cataneiale! Mele.

Efesas 5:20

Age saen cunugnu ceteteh cunugnu egena Tibud Jisas Krais ijanna Anut Memige gaid hegaga doigale.

Filipai 1:11

Odocob agena coboc eu ceteh me bahic gehca Jisas Kraisnadec hona eu agenu am bigian. Odocob agena me coboc eu Anut binan uteceb binan suleqan.

Filipai 1:3

Ija saen cunug ija agenu cisdugina eu agenu ijana Anut hetaga dugina.

Kolosi 1:3

Ele agenu Anut inondowona saenna ele Anut uqa egena Tibud Jisas Krais Memeg gaid helaga dowonanu.

1 Tesalonika 1:2

Ege age cunugnu gaid Anut hegaga doqonanu. Egena inondocna gaid age ijanaga oqonanu.

1 Tesalonika 2:13

Ege ceteh osonuha gaid Anut hegaga dudu inondoqonanu. Uqana gug eu odi. Ege Anutna me je maadocomun dah mein saen euna age je dananadec himec qee oloin qa age mele je eu Anutnadec oin. Odocob je eu uqa age wawaga meleec dana cajaca eundec wawaga dunuhna cabi gagadic ona.

2 Tesalonika 1:3

O wawige meleec cotigeil, age Anutnu wawaga meleec eu meca mena, odocob age cotigcotignu nalug mec euha meca mena. Eu oso qee odona ec qee nijel. Eunu ege agenu Anut gaidgaid hegaga docnu cabi eu dewenigena nijia. Eu odocnu silig mele nijia.

2 Timoti 1:3

Ija Anut cewel utugina, jajanileilha age Anut cewel utoloigwe ijaha wawi cataniecca cewel utugina. Ija Anut inondudu gaid cishimig hinanu hetaga dugina eu odi ija Anut cewel utugina.

Failimon 1:4

O cotile Failimon, ija hina Anutna dana cajaca qagoc cunugnu nalunuga maganaca, hina Jisas Tibudnu wawin meleenaca eunu dah migina. Eunu ija saen cunug ijana inondocna ija hina ijain umig ijana Anut hetaga dugina.

Hibru 13:15

Eunu ege Jisas ijanna Anut binan suluqale. Odocob binan sulec eu ihanec cinigwe uqa gaidgaid utuqale. Mele, ege conigena uqa ijan qasali mamadi uqa binan suluqale.

1 Pita 2:5

Ageha age meen cebac bilecca cinigwe. Odocob Anutna Kis uqa age meenwe umei Anutna jo cehigiannu gale dona. Eunu age Anutna Kis culdecebil uqa Anutna jo age cebac bilec meenwe mudec euna cehimei uqa jo euna biligian. Odocob age Anutna jo euna age Anutna nawel tawec ihanec dana gun bilimeig age ihanec Anutna Kis gale dona eu Anut utuqagan. Age odi odocobil Anut uqa Jisas Krais umna cisdumei ihanec eu ocnu gale bahic dugian.

1 Pita 4:11

Oso uqa Anutna je madecnu duman uteceb on uqa Anutna je tutuc madigian. Oso uqa cesuladecnu duman uteceb on uqa dana cajaca cesuladecnu cabi eu uqa Anut gagadic odoc uten euna cabi ugian. Eunu dana age ege ceteteh cunug odoqona ec fimeig age Jisas Krais umna Anut binan suluqagannu kobol eu odoigale. Uqa binan fulacdocca, uqa gagadic odocca gaidgaid biliale. Mele.