Pol Uqa Jaqec Je Oso Rom Tamanec Jaqiaden 1:7 - Bal cehec je haun

⁷ Romdec dana age Anut agenu nalunuga mena eu age utaadeceb uqanu dana cajaca qagoc bilegina, eu age ija je i jaqiadigina. Anut ege Memigeca Jisas Krais Tibudca alena eelgec uum igecca malol bilecca adesiale.

Pol Uqa Jaqec Je Oso Rom Tamanec Jaqiaden 1:7 Iomraidhean Croise

Matju 5:16

Dana age agena me odoc eu fimeig age Memega sao jobon bilia uqa binan suluqagannu age eu odiwe agena gowoc madacdocobil eu dana fulacadeiale,” aden.

Me Je i Jon Jaqen 20:17

Odocob Jisas uqa madon, “Ija Memige Anutca ceseli ohis qee tec nijia. Ija cain hewitigaun. Euqa ija cotielca limeg maadaga, ‘Ija Meica age Memegaca, ijana Anutca agena Anutca cemenug tigina,’ adaga,” don.

Aposel 15:23

Jaqec je i edi sulduadein: “Ege, aposelca tamanec matuca, age Juda dana qee, age ege wawige meleec cotigeil Antiokca, Siria hatuca, Silisia hatu nagca bilegina, egena feele adec je sulduquna,” adein.

Aposel 9:13

Euqa Ananaias jejeg hewi madon, “Tibud, dana inu je mati bahic uqa hinana qagu coboc dana cajaca Jerusalem ono bibilegin ihulahaladena ec matein.

Pol Uqa Jaqec Je Oso Rom Tamanec Jaqiaden 1:6

Ageha am eu dunuh bilegina. Age Jisas Kraisna utaec dah mimeig age jejeg toodoin.

Pol Uqa Jaqec Je Oso Rom Tamanec Jaqiaden 5:1

Egena wawige meleecna Anut ege dana cajaca ititom ec madena. Eunu Jisas Krais Tibud odigeceb ege Anutca malol biluquna.

Pol Uqa Jaqec Je Oso Rom Tamanec Jaqiaden 8:28

Uqa Melah age waliniga matu biligiannu uqa dana cajaca Anut ceseli cedecnu wele maden eu ageha uqa Melah cinigwe caloqagannu nesili ehaden. Odocob uqana mel gehca biluqagan. Odocob dana cajaca age uqana wele nesili ehaden eu ageha utaaden. Dana cajaca utaaden eu ageha dana cajaca ititom ec maden. Dana cajaca ititom ec maden ageha uqana kobolkobol aden. Eunu ege doqona, Anut uqa ceteh cunugna dana cajaca age Anutnu nalunuga megina, eu age Anut ceseli cedecnu wele maden, odimei utaaden eu age me madena.

Pol Uqa Jaqec Je Oso Rom Tamanec Jaqiaden 8:39

ohisdec cetehfo, qee maha dunuhnadec cetehfo, qee ceteh cunug Anut ifanen eundec osofo, qee ceteh cunug eu Anutna nalunige mecnadec besigecwe qee. Anut uqa nalunige mec eu egena Tibud, Krais Jisasna igina.

Pol Uqa Jaqec Je Oso Rom Tamanec Jaqiaden 9:25

Uqaha Hoseana je hahun jaqecna odi maden: “Dana cajaca ijana qee eu age ijana dana cajaca adigen. Odocob sihul eu agenu ija nalunuga qee melem eu ija agenu nalunuga mec adigen. (Hosea 2.23)

1 Korin 16:23

Jisas Tibud uqana eelgec uum igec ageca biliale.

2 Korin 13:14

Egena Tibud Jisas Kraisna eelgec uum igecca, Anutnu nalunuga mecca, eu ageca cunug hu biliale. Odocob Kis Gun uqa ageca osoben bileigale.

Galesia 6:18

O wawige meleec cotiel, egena Tibud Jisas Krais uqana eelgec uum igec eu age dolonogaca biliale. Mele.

Efesas 1:2

Memige Anutca Jisas Krais Tibudca alena eelgec uum igecca malol bilecca adesiale.

Efesas 6:23

Malol bilec ageca biliale. Memige Anutca Jisas Krais Tibudca ale cesuladecebil age wawaga meleeceb wawige meleec cotigeil nalunuga meigale.

Filipai 1:2

Ege Memige Anutca egena Tibud Jisas Kraisca alena eelgec uum igecca malol bilecca adesiale.

Filipai 4:13

Ija Kraisca gabanli biluwuna eunu gagadic odoc Krais itina euna ceteh cunug odocnu ihoc.

Filipai 4:20

Ege Memige Anut binan sulocomun cataneiale! Mele.

Filipai 4:23

Jisas Krais Tibud uqana eelgec uum igec eu age dolonogaca biliale.

Kolosi 1:2

ele Anutna dana cajaca qagoc age Kolosi ono bilegina eu ele wawile meleec cotileil age Kraisca gabanadec bilegina eu jaqiadowona. Memige Anut uqana eelgec uum igec malol bilecca ageca biliale.

Kolosi 3:12

Age Anutna dana cajaca qagoc, uqa nalunuga mimei age uqana bilituqagannu nesili cedaden. Eunu age wawaga qocca, me odadecca, jogoi cobocca, gemanaga jocosaigca euca, lalafanagaca, eu age taqeigale.

Kolosi 3:15

Krais malol bilec igina eu culdecebil age wawaga me cofdoiale. Ge, Anut uqa age malol bilec i umeig age deweg osol bilecnu utaaden. Odocob age Anut gaid hegaga doigale.

1 Tesalonika 1:1

Ege Polca Sailasca, Timotica tamanec age Tesalonaika bilegina je i jaqiadoqona. Ageca, Memige Anutca, Jisas Krais egena Tibudca gabanadec bilegina. Anut uqana eelgec uum igecca, malol bilecca eu ageca biliale.

1 Tesalonika 1:3

Age Jisasnu wawaga meleeceb kobol me bahic odogina euca, age Jisas nalug meginanu cabi me ogina euca, age Jisas Krais egena Tibud uqa haun ceseli hocnu sumudi bilec eu hewihewi tawegina euca eu cunug egena Anut ege Memige amegna gaid cisdudu inondoqonanu.

1 Tesalonika 1:4

O wawige meleec cotigeil, Anut age nalunuga mena. Odocob uqa nesili cedaden eu ege doqona.

1 Tesalonika 4:7

Ge, Anut uqa wawige gegehinca cobocnu qee utagel qa uqa egena coboc eu soidoc cataniec migiannu utagen.

1 Tesalonika 5:28

Egena Tibud Jisas Kraisna eelgec uum igec eu ageca biliale.

2 Tesalonika 1:2

Memige Anutca Jisas Krais egena Tibudca alena eelgec uum igecca malol bilecca adesiale.

2 Tesalonika 3:16

Tibud uqa malol bilec gug, uqadodoc age saen cunugnana jic cunugnana malol bilec adeiale. Tibud uqa age abesabesca li biliale.

2 Tesalonika 3:18

Egena Tibud Jisas Kraisna eelgec uum igec eu ageca hu biliale.

1 Timoti 1:2

Timoti, hina wawi meleec melami bahic, ijana jaqec je i jaqihigina. Anut ege Memigeca egena Tibud Jisas Kraisca ale eelhec uum ihecca, waug qocca, malol bilecca ihesiale.

1 Timoti 6:2

Cabi dana bega meh oso agena ilo Kristen, mel eundec age, ege wawige meleec cotige ihocihoc biluqunanu, egena ilo lalan qee mudoqaun ec odi cain cisdowain. Euqa agena ilo eu wawige meleec dana, age uqanu nalug meginanu age uqanu nalug mimi cabi oqagan. Eunu age agena cabi oc utogina eu ceteh me bahic utogina. Hina hinana tamanec je i toodu odocnu iwalaadi maadagale.

2 Timoti 1:2

Timoti, hina ija melami bahic, ijana jaqec je i jaqihigina. Anut ege Memigeca egena Tibud Jisas Kraisca ale eelgec uum igecca, waug qocca, malol bilecca ihesiale.

2 Timoti 4:22

Tibud uqa hina doloinca biliale. Anutna eelgec uum igec ageca biliale.

Taitas 1:4

Ija Taitas hina jaqihigina, hina ija melami bahic. Ele wawile meleec gabanlec biluwuna. Anut ege Memigeca Krais Jisas ege cahahagecca alena eelgec uum igecca malol bilecca hina ihesiale.

Failimon 1:25

Jisas Krais Tibud uqana eelgec uum igec age dolonogaca biliale.

Failimon 1:3

Memige Anut Jisas Krais Tibudca alena eelgec uum igecca malol bilecca adesiale.

Jems 1:1

Ija Jems, ija Anutca Jisas Krais Tibudca alena cabi dana. Ija Isrel sihul 12-pela age bilisadoc bilegina ageca huga feele aadi maadigina. Age ceeli bileigale adigina.

1 Pita 1:15

Anut age wele utaaden uqa gun, uqana kobol cunug eu tutuc bahic. Anutna jaqec je odi madena: “Ija gun biligina eunu ageha gun bileiga,” ena. (Wok Pris 11.44-45; 19.2; 20.7) Eunu age Anut himec toodoiga, age Anutwe agena coboc cunugna gun bileiga.

1 Jon 3:1

Feiga, Memige uqa ege Anutna mel ec madigiannu uqa egenu nalunige geh bahic mena. Odocob eu mele bahic, ege Anutna mel. Dana cajaca mahana bilegina eu age Anutnu qee dogina. Eunu age egenuha qee dogina.

2 Jon 1:3

Anut ege Memigeca Jisas Krais uqa Memige Melahca ale eelgec uum igecca, wawala qocca, malol bilecca iguwasan. Odocob ege mele jeca nalunuga mecca gabandu bileqan.

Jahunec Je Camasac Muden 2:1

Odocob uqa maten, “Hina Efesas tamanecna ensel odi jaqitogale: ‘Malaqa 7-pela eben meulana hewi bilina, gowoc goldna mudec 7-pela gemona cobona uqa je odi mahena,

Jahunec Je Camasac Muden 2:12

Odocob uqa maten, “Hina Pegamam tamanecna ensel odi jaqitogale: ‘Dana han sigin walelec nahanaha aigca hewi bilina uqa je odi mahena,

Jahunec Je Camasac Muden 2:18

Odocob uqa maten, “Hina Taiatairana ensel odi jaqitogale: ‘Anut Melah uqa ameg eu ja belicanwe, uqa jaih eu bras walelecwe uqa je odi mahena,

Jahunec Je Camasac Muden 2:29

Oso dahigcafi Kis tamanec cunug maadena je eu doiale!” hena,’ odi jaqitogale,” ten.

Jahunec Je Camasac Muden 2:8

Odocob uqa maten, “Hina Smena tamanecna ensel odi jaqitogale: ‘Aqunec, cit qoc, uqa cal mimei haun ceseli cajen eu uqa je odi mahena,

Jahunec Je Camasac Muden 22:21

Jisas Tibud uqana eelgec uum igec eu age cunugca biliale. Eu mele.

Jahunec Je Camasac Muden 3:14

Odocob uqa maten, “Hina Leodisia tamanecna ensel je odi jaqitogale: ‘Eu mele, uqa Anutna je cunug gaidgaid tutuc qasali maadena, uqa Anut ceteh ifanen uqana gug qoc tawec eu uqa je odi mahena,

Jahunec Je Camasac Muden 3:22

Oso dahigcafi Kis tamanec cunug maadena je eu doiale!” hena,’ odi jaqitogale,” ten.

Jahunec Je Camasac Muden 3:7

Odocob uqa maten, “Hina Filadelfia tamanecna ensel je odi jaqitogale: ‘Gun meleca uqa Dewidna ki hewi bilina, uqa jic hudeceb oso qee meneiaun, uqa jic meneceb oso qee hudiaun eu uqa je odi mahena,